مهم ټکي
- د طالبانو تر کنټرول لاندې د افغانستان بانک تېره اوونۍ په سوداګریزو بانکونو کې حساب لرونکو ته له خپلو بانکي حسابونو د پیسو ایستلو محدویت راکم کړ.
- د طالبانو مشرتابه تېره اوونۍ کندهار ته د خپلو مهمو دفترونو د لیږد پرېکړه وکړه.
- روسي رسنیو تېره اوونۍ خبر ورکړ چې د افغانستان ګاونډي هېوادونو او روسیه، ازبیکستان کې د افغانستان په اړه غونډه جوړه وي.
- د روسیې ټاس خبرې اژنس د افغانستان لپاره د روسیې د ځانګړی استازي ضمیر کابلوف له قوله لیکلي ول چې دا غونډه به د راونې اپریل میاشتې په ۱۳ مه د ازبکستان په سمرقند ښار کې جوړه شي.
- طالبانو تېره اوونۍ په افغانستان کې د ملګرو ملتونو پر ښځینه کارکوونکو د کار بندیز ولګوه.
- سپینې ماڼۍ تېره اوونۍ له افغانستان د امریکايي ځواکونو د وتلو په اړه د خپل راپور لنډیز کانګریس ته وړاندې کړ.
