د دغه وزارت رسنیز سلاکار حفیظ احمد میاخیل وویل چې، هېواد ته په راستانه شویو کډوالو کې زیاتره یې هغه ځوانان او کورنۍ دي چې د کاروبار لپاره ایران ته تللي وو.
پر ایران د امریکا له خوا لګول شوېو بندیزونو او په نتیجه کې د ایراني ریال بې ارزښته کېدو په دې هېواد کې د وزګارو خلکو په شمېر کې زیاتوالی راوستی چې په نتیجه کې یې پر افغانانو هم ناوړه اغېز کړی دی.
د افغانستان د کډوالو او راستېدونکو چارو وزارت د معلوماتو له مخې اوسمهال په ایران کې ۲،۳ میلونه افغان کډوال مېشت دي چې نږدې يو میلیونه یې د کډوالۍ کارتونه او څلور سوه او پنځوس زره نور یې بیا پاسپورټونه لري.
پدې اړه تفصیل د ناجیې ساپۍ په ریپوټ کې اورئ.
