د پاکستان دولتي بانک
پداسې حال کې چې د پاکستان او افغانستان ترمينځ سوداګريزه راکړه ورکړه تر ټولو ټيټې کچې ته رسيدلې، د پاکستان حکومتي بانک افغان سوداګر اړ کړي ترڅو لدي وروسته راکړه ورکړه په ډالرو وکړي.
د پاکستاني حکومتي بانک لدې اعلان سره د تورخم دواړو لوريو ته سلګونه لارۍ ولاړې دي او ځيني سوداګر وايي، نږدې يوه مياشت يې دولتي بانکونو کې کار مخې ته نه ځي.
سوداګرو د پاکستان د حکومت لدې ګام سره مخالفت ښودلی او ويلي، نوو قوانينو سره لا شته ستونزې نورې هم ډيريږي او بايد حکومت سوداګري بيرته پخواني حالت ته وګرځوي.
سره لدې چې د پاکستان ملي بانک تورخم کې د ياد بانک حساب پرانيستلو اسانتياوې برابرولو خبر ورکوي ولې سوداګر وايي، کارونه په ټپه ولاړ دي او په ډالرو راکړه ورکړه پر سوداګرۍ منفي اغيزې شيندي.
زمونږ همکار سلام ګل افريدي له ځينو سوداګرو او چارواکو سره خبرې کړي چې دا ټول پدې تيار شوي رپوټ کې اوريدلی شئ.
