اسټراليا يو پر مختللی هيواد دی چيرې چې اوسيدونکي يې له ډيرو ازاديو سره ژوند کوي چې پدې کې شفاف ټاکنيز بهير کې برخه اخيستل او پارلمان ته خپل استازي تاکل شامل دي.
اسټراليايي ټولنه کې د نورو فرصتونو ترڅنګ په سياست کې برخه اخيستل هم شامل دي، چې نه يوازې خلک خپل ټاکنو کې رای ورکوي بلکې دوی هم کولی شئ د سياست برخه شي، ايالتي او فدرالي ټاکنو کې ځان نوماند کړي.
شميرې ښايي، په اسټراليا کې د فدرالي، ايالتي او هم د شورا ګانو په ټاکنو کې ډيري نوماندان ځوانان ندي او حال داچې د اسټراليا د نفوس ډيره برخه ځوانان هم جوړوي.
يوه پښتنه چې ګل اندام خان نوميږي او اسټراليا کې اوسيږي د ځوانانو سياست ته راتلو هڅونې لپاره يوه ټولنه جوړه کړي.
د يادې ټولنې نوم Not Too Young To ده چې مقصد يې ځوانان سياست ته هڅول او ترې ملاتړ کول دي.
اسټراليا کې راتلونکې فدرالي ټاکنې د روان کال می مياشت پر ۲۱ نيټه ترسره کيږي.
اغلې خان په وينا، ټاکنو کې برخه اخيستل ډير مهمه ده او تاسې بايد هر هغه نوماند وټاکئ چې تاسو ته ښه ښکاري او ستاسو ستونزې حل کولی شي.
د اغلې په وينا تاسې کولی شئ نوماندانو ته زنګ ووهئ او ترې پروګرامونو په اړه معلومات ترلاسه کړئ.
لا ډير نور معلومات په مرکه کې اوريدلی شئ.
