د طورخم دروازې تړلو په تړاو پاکستان لور ته د سوداګرو او چارواکو خبرې واورئ.
طالبانو د لوري طورخم دروازه هغه مهال وتړل شوه چې له افغان ناروغ سره د پاکستاني پوځيانو لخوا ناسم چلند وشو او د شوې هوکړې له مخه يو ناروغ سره د هغه مرستې لپاره تلونکي شخص ته پاکستاني پوځيانو اجازه ورنکړه.
د پاکستان پوځيانو او طالبانو ترمينځ لفظي شخړې وروسته طالبانو د طورخم دروازه وتړله او بيا يوه ورځ وروسته د دواړو لوريو لخوا پر يو بل د ډزو خبر هم ورکړل شوی.
پاکستان لور ته چارواکي وايي، طالبانو ډزو له امله يو سرحدي پوځي ټپي شوی.
د طورخم دروازه پداسې حال کې تړل کيږي چې دواړو لوريو ته سلګونه لارۍ له مالونو سره ډکې ولاړې دي.
سوداګر له دواړو لوريو غوښتي چې ژر دروازه د لاريو تګ راتګ لپاره خلاصه کړي ځکه د هرې ورځې په تيريدو سره دوی ته ډير تاوان رسيږي.
زمونږ همکار له پيښور څخه طورخم کې چارواکو په ګډون ګڼو کسانو سره خبرې کړي چې تاسې د هغوی څرګندونې په تيار شوي رپوټ کې اوريدلی شئ.
