ټاکل شوې ده چې دا پلاوی په همدې اونۍ د افغان ولسمشر او اجرائیه رئیس د ملي شورا د دواړو جرګو له مشرانو او پخواني ولسمشر حامد کرزي سره وګوري.
د مشرانو جرګې دوهم مرستیال اصف صدیقي هېله وښوده څو د پاکستاني پلاوي دا سفر د دواړو هېوادونو د اړېکو پیاوړتیا لپاره اغیزمن تمام شي.
د پاکستاني رسنیو د راپورونو له مخې، دغه پلاوی به د پاکستان د ملي اسمبلي او د پاکستان د مسلم لیګ د ګوند د غړي رانا افضل خان په مشرۍ په کابل کې، له افغان چارواکو سره خبرې وکړي.
د خبرو اترو دا لړۍ چې له" پولو هاخوا" نوم ورکړل شوی چې په ۲۰۱۵ کال کې پيل شوې ده او دې لړۍ هدف د دواړو هېوادونو ترمنځ د اړیکو ښه والی ښودل شوی دی.
پدې اړه تفصیل د ناجیې ساپۍ په ریپوټ کې اورئ.
