ਬਾਰਡਰ ਬੰਦ ਹੋਣ ਕਾਰਨ ਅੰਗਰੇਜ਼ੀ ਭਾਸ਼ਾ ਦੇ ਟੈਸਟ ਦੇਣ ਦੀ ਪ੍ਰਕਿਰਿਆ ਵਿੱਚ ਹੋ ਰਹੀ ਦੇਰ ਕਾਰਣ ਕਾਫ਼ੀ ਨਰਸਾਂ ਨੇ ਮਾਯੂਸ ਹੋ ਕੇ ਆਸਟ੍ਰੇਲੀਆ ਆਉਣ ਦੀ ਬਜਾਏ ਹੋਰ ਮੁਲਕਾਂ ਨੂੰ ਤਰਜੀਹ ਦੇਣੀ ਸ਼ੁਰੂ ਕਰ ਦਿੱਤੀ ਹੈ।
ਵਿਦੇਸ਼ੀ ਸਿਹਤ ਪੇਸ਼ੇਵਰਾਂ ਦੀ ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਵਿੱਚ ਤੇਜ਼ੀ ਲਿਆਉਣ ਲਈ ਆਸਟ੍ਰੇਲੀਆ ਦੇ ਨਰਸਿੰਗ ਅਤੇ ਮਿਡਵਾਈਫ਼ਰੀ ਬੋਰਡ ਨੇ ਅਸਥਾਈ ਤੌਰ 'ਤੇ ਕੰਪਿਊਟਰ-ਆਧਾਰਿਤ ਅੰਗਰੇਜ਼ੀ ਭਾਸ਼ਾ ਦੇ ਟੈਸਟਾਂ ਨੂੰ ਸਵੀਕਾਰ ਕਰਨ ਦਾ ਫੈਸਲਾ ਕੀਤਾ ਹੈ।
ਸਿਹਤ ਰੈਗੂਲੇਟਰੀ ਬੋਰਡਾਂ ਵਲੋਂ ਘੋਸ਼ਣਾ ਕੀਤੀ ਗਈ ਹੈ ਕਿ ਰਜਿਸਟ੍ਰੇਸ਼ਨ ਪ੍ਰਕ੍ਰਿਆ ਪੂਰੀ ਕਰਣ ਲਈ ਕੰਪਿਊਟਰ-ਅਧਾਰਤ ਆਕੂਪੇਸ਼ਨਲ ਇੰਗਲਿਸ਼ ਟੈਸਟ (ਓ ਈ ਟੀ), ਓ ਈ ਟੀ@ਹੋਮ ਟੈਸਟ ਅਤੇ ਟੋਓਈਫ਼ਲ ਆਈ ਬੀ ਟੀ @ਹੋਮ ਐਡੀਸ਼ਨ ਟੈਸਟ ਸਵੀਕਾਰ ਕੀਤੇ ਜਾਣਗੇ।
ਇਹ ਬਦਲਾਅ 21 ਫਰਵਰੀ ਤੋਂ ਲਾਗੂ ਹੋ ਚੁੱਕੇ ਹਨ।
ਆਸਟ੍ਰੇਲੀਅਨ ਹੈਲਥ ਪ੍ਰੈਕਟੀਸ਼ਨਰ ਰੈਗੂਲੇਸ਼ਨ ਏਜੰਸੀ ਨੇ ਸੂਚਿਤ ਕੀਤਾ ਹੈ ਕਿ ਓ ਈ ਟੀ ਟੈਸਟ 21 ਫਰਵਰੀ 2023 ਤੱਕ ਪ੍ਰਾਪਤ ਹੋਈਆਂ ਅਰਜ਼ੀਆਂ ਲਈ ਸਵੀਕਾਰ ਕੀਤੇ ਜਾਣਗੇ ਅਤੇ ਟੋਓਈਫ਼ਲ ਆਈ ਬੀ ਟੀ @ਹੋਮ ਟੈਸਟ ਇਸ ਸਾਲ 1 ਜੂਨ ਤੱਕ ਸਵੀਕਾਰ ਕੀਤੇ ਜਾਣਗੇ।
ਯੂਕੇ ਨੇ ਪਹਿਲਾਂ ਹੀ 2021 ਦੇ ਮੱਧ ਤੋਂ ਨਰਸਾਂ ਦੀ ਰਜਿਸਟ੍ਰੇਸ਼ਨ ਲਈ ਕੰਪਿਊਟਰ ਅਧਾਰਤ ਅੰਗਰੇਜ਼ੀ ਟੈਸਟਾਂ ਨੂੰ ਸਵੀਕਾਰ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।
For more details read this story in English
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
