'ਵੈਦਰਜ਼ੋਨ' ਸੰਸਥਾ ਦੇ ਮੌਸਮ ਵਿਗਿਆਨੀ ਬੇਨ ਡੋਮੇਨਸੀਨੋ ਦੇ ਅਨੁਸਾਰ ਕੈਨਬਰਾ ਵਿੱਚ ਮਾਈਨਸ 7.2 ਡਿਗਰੀ ਤਾਪਮਾਨ ਦਰਜ ਕੀਤਾ ਗਿਆ ਜੋ ਕਿ 2018 ਤੋਂ ਬਾਅਦ ਸਭ ਤੋਂ ਘੱਟ ਤਾਪਮਾਨ ਸੀ ਅਤੇ ਜੂਨ ਮਹੀਨੇ ਵਿਚ ਇਨ੍ਹਾਂ ਤਾਪਮਾਨ 1986 ਤੋਂ ਬਾਅਦ ਇਸ ਵਾਰ ਦਰਜ ਕੀਤਾ ਗਿਆ ਹੈ।
ਨਿਊ ਸਾਊਥ ਵੇਲਜ਼ ਵਿੱਚ ਵੀ ਜੂਨ ਮਹੀਨੇ ਵਿੱਚ ਕਈ ਤਾਪਮਾਨ ਦੇ ਰਿਕਾਰਡ ਟੁੱਟੇ। ਬਾਥਰਸਟ ਦੇ ਇਲਾਕੇ ਵਿਚ ਮਾਈਨਸ 7.5 ਡਿਗਰੀ ਸੈਲਸੀਅਸ ਅਤੇ ਸਕੋਨ ਇਲਾਕੇ ਵਿਚ ਘੱਟੋ ਘੱਟ ਤਾਪਮਾਨ 5.1 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਸਿਡਨੀ ਦੇ ਦੱਖਣ-ਪੱਛਮ ਵਿੱਚ ਕੈਂਪਬੈਲਟਾਊਨ ਇਲਾਕੇ ਵਿੱਚ ਪਾਰਾ ਜ਼ੀਰੋ ਤੋਂ ਹੇਠਾਂ 1.6 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਇਹ ਪਿਛਲੇ ਪੰਜ ਸਾਲਾਂ ਵਿੱਚ ਸਭ ਤੋਂ ਠੰਡਾ ਦਿਨ ਸੀ। ਇਸ ਤੋਂ ਇਲਾਵਾ ਹੋਬਾਰਟ ਵਿੱਚ 1.9 ਡਿਗਰੀ ਸੈਲਸੀਅਸ, ਮੈਲਬੌਰਨ ਵਿੱਚ 4.2 ਡਿਗਰੀ ਸੈਲਸੀਅਸ ਅਤੇ ਬ੍ਰਿਸਬੇਨ ਵਿੱਚ 7.9 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।
ਪਰ ਮੌਸਮ ਵਿਗਿਆਨ ਬਿਊਰੋ ਦੇ ਸੀਨੀਅਰ ਮੌਸਮ ਵਿਗਿਆਨੀ ਮਰੀਅਮ ਬ੍ਰੈਡਬਰੀ ਨੇ ਕਿਹਾ ਕਿ ਇਸ ਸਾਲ ਬਾਕੀ ਸਰਦੀਆਂ ਵਿਚ ਔਸਤ ਤੋਂ ਘਟ ਠੰਡ ਪੈਣ ਦੀ ਉਮੀਦ ਹੈ।
