ਇਕ ਨਵੀਂ ਖੋਜ ਵਿੱਚ ਪਾਇਆ ਗਿਆ ਹੈ ਕਿ ਲਗਭਗ 80 ਪ੍ਰਤੀਸ਼ਤ ਆਸਟ੍ਰੇਲੀਅਨ ਘਰ ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਸੁਝਾਏ ਘੱਟੋ-ਘੱਟ ਮਾਪਦੰਡਾਂ ਨਾਲੋਂ ਘਟ ਗਰਮ ਹਨ।
ਭਾਵੇਂ ਯੂਰਪ ਅਤੇ ਉੱਤਰੀ ਅਮਰੀਕਾ ਵਾਂਗ ਆਸਟ੍ਰੇਲੀਆ ਵਿਚ ਹੱਡ-ਚੀਰਵੀਂ ਠੰਡ ਨਹੀਂ ਪੈਂਦੀ ਪਰ ਅੰਕੜੇ ਦਰਸਾਉਂਦੇ ਹਨ ਕਿ ਗਰਮੀਆਂ ਦੇ ਮੁਕਾਬਲੇ ਸਰਦੀਆਂ ਵਿੱਚ ਮੌਤ ਦਰ 20 ਪ੍ਰਤੀਸ਼ਤ ਵੱਧ ਹੈ।
ਘਰਾਂ ਲਈ ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਪ੍ਰਮਾਣਿਕ ਸਰਦੀਆਂ ਦਾ ਔਸਤ ਤਾਪਮਾਨ 18 ਡਿਗਰੀ ਹੈ ਪਰ ਇਸ ਰਿਪੋਰਟ ਵਿਚ ਪਾਇਆ ਗਿਆ ਕਿ ਆਸਟ੍ਰੇਲੀਆ ਵਿਚ ਤਿੰਨ-ਚੌਥਾਈ ਤੋਂ ਵੱਧ ਘਰਾਂ ਵਿਚ ਤਾਪਮਾਨ ਇਸ ਤੋਂ ਘਟ ਸੀ।
ਇਸ ਠੰਡ ਭਰੇ ਮਹੌਲ ਕਾਰਨ ਬਿਰਧ, ਅਪਾਹਜ ਅਤੇ ਕਿਰਾਏ 'ਤੇ ਰਹਿ ਰਹੇ ਲੋਕਾਂ ਵਾਸਤੇ ਸਭ ਤੋਂ ਵੱਧ ਔਖਿਆਈ ਹੁੰਦੀ ਹੈ। ਇਸ ਕਾਰਨ ਘਰਾਂ ਵਿਚ ਉੱਲੀ ਲੱਗਣ ਦੀ ਸਮਸਿਆ ਤੋਂ ਇਲਾਵਾ ਇਨ੍ਹਾਂ ਘਰਾਂ ਵਿਚ ਰਹਿੰਦੇ ਲੋਕਾਂ ਦੀ ਮਾਨਸਿਕ ਸਿਹਤ ਵੀ ਪ੍ਰਭਾਵਿਤ ਹੋ ਰਹੀ ਹੈ।
Share
