ਇਸ ਐਪੀਸੋਡ ਵਿੱਚ ਅਸੀਂ ਆਸਟ੍ਰੇਲੀਆ ਵਿੱਚ ਕਿਸੇ ਜਾਇਦਾਦ ਨੂੰ ਕਿਰਾਏ 'ਤੇ ਲੈਣ ਦੇ ਅਸਮਾਨ ਛੂਹਣ ਵਾਲੇ ਖਰਚਿਆਂ ਦਾ ਜ਼ਿਕਰ ਕਰਾਂਗੇ। ਘੱਟੋ-ਘੱਟ ਇਸ ਗੱਲ ਨਾਲ ਹਰ ਕੋਈ ਸਹਿਮਤ ਹੈ ਕਿ ਕਾਫੀ ਸਾਰੇ ਲੋਕ ਇਸ ਕਰਕੇ ਆਰਥਿਕ ਤੇ ਮਾਨਸਿਕ ਦਬਾਅ ਹੇਠ ਹਨ।
ਅਸੀਂ ਅਕਸਰ ਅਜਿਹੀਆਂ ਨਵੀਆਂ ਨੀਤੀਆਂ ਬਾਰੇ ਸੁਣਦੇ ਹਾਂ ਜੋ ਆਸਟ੍ਰੇਲੀਅਨ ਲੋਕਾਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ਦਾ ਵਾਅਦਾ ਕਰਦੇ ਹਨ। ਪਰ ਉਹਨਾਂ ਮੁੱਦਿਆਂ ਬਾਰੇ ਕੀ ਕਿਹਾ ਜਾਵੇ ਜੋ ਬਹੁਤ ਕਲੰਕਿਤ ਹਨ, ਅਤੇ ਨੀਤੀ ਨਿਰਮਾਤਾਵਾਂ ਲਈ ਹੱਲ ਕਰਨਾ ਵਰਜਿਤ ਜਾਪਦੇ ਹਨ? ਈ ਹੈ।
ਆਸਟ੍ਰੇਲੀਅਨ ਬਿਊਰੋ ਆਫ਼ ਸਟੈਟਿਸਟਿਕਸ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਕਿਰਾਏ ਦੇ ਸਭ ਤੋਂ ਮਹਿੰਗੇ ਦਸ ਪ੍ਰਤੀਸ਼ਤ ਮਕਾਨਾਂ ਦੀ ਕੀਮਤ ਵਿੱਚ ਪਿਛਲੇ ਸਾਲ ਵਿੱਚ, ਦਸ ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ, ਜਦੋਂ ਕਿ ਸਭ ਤੋਂ ਸਸਤੀਆਂ ਕਿਰਾਏ ਦੀਆਂ ਜਾਇਦਾਦਾਂ ਵਿੱਚ ਸੱਤ ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ।
ਇੱਕ ਸਰਵੇਖਣ ਵਿੱਚ ਇਹ ਵੀ ਪਤਾ ਚਲਿਆ ਹੈ ਕਿ ਕੈਪੀਟਲ ਸਿਟੀਜ਼ ਦੇ ਕਿਰਾਇਆਂ ਵਿੱਚ ਸਾਲ-ਦਰ-ਸਾਲ 13 ਪ੍ਰਤੀਸ਼ਤ ਵਾਧਾ ਹੋਇਆ ਹੈ, ਜੋ ਹੁਣ ਪ੍ਰਤੀ ਹਫ਼ਤੇ $ 520 ਤੱਕ ਪਹੁੰਚ ਗਿਆ ਹੈ, ਜਦੋਂ ਕਿ ਖੇਤਰੀ ਕਿਰਾਏ 4.5 ਪ੍ਰਤੀਸ਼ਤ ਤੱਕ ਵੱਧ ਗਏ ਹਨ।
ਐਂਗਲਿਕੇਅਰ ਦੇ ਸਲਾਨਾ ਰੈਂਟਲ ਸਨੈਪਸ਼ਾਟ ਨੇ ਪਿਛਲੇ ਚੌਦਾਂ ਸਾਲਾਂ ਤੋਂ ਪ੍ਰਾਈਵੇਟ ਰੈਂਟਲ ਦੀ ਘਟਦੀ ਸਮਰੱਥਾ ਦਾ ਪਤਾ ਲਗਾਇਆ ਹੈ।
ਐਂਗਲਿਕੇਅਰ ਦੀ ਕੈਸੀ ਚੈਂਬਰਜ਼ ਨੇ ਦੱਸਿਆ ਕਿ ਤਾਜ਼ਾ ਸਰਵੇਖਣ ਦਰਸਾਉਂਦਾ ਹੈ ਕਿ ਹਾਲਾਤ ਕਿੰਨੇ ਮਾੜੇ ਹੋ ਗਏ ਹਨ।
