ਟਾਈਮ ਆਉਟ ਸੰਪਾਦਕਾਂ ਨੇ ਇਲਾਕਿਆਂ ਨੂੰ ਸੂਚੀਬੱਧ ਕਰਨ ਵਿੱਚ ਭਾਈਚਾਰਕ ਅਤੇ ਸਮਾਜਿਕ ਉਪਰਾਲਿਆਂ, ਸੜਕਾਂ ਅਤੇ ਹੋਰ ਮਾਰਗਾਂ ਤੇ ਪ੍ਰਫੁਲਤ ਹੋ ਰਹਿਆ ਰੌਣਕ ਮੇਲਾ, ਅਤੇ ਖੁੱਲ੍ਹੀਆਂ ਅਤੇ ਹਰਿਆਲੀਆਂ ਥਾਵਾਂ ਦੇ ਸੰਤੁਲਨ ਨੂੰ ਮੁੱਖ ਤੌਰ 'ਤੇ ਧਿਆਨ ਵਿੱਚ ਰੱਖਿਆ ਹੈ।
ਮੈਗਜ਼ੀਨ ਦੀ ਮੈਲਬੌਰਨ ਸੰਪਾਦਕ ਲੀਆ ਗਲਿਨ ਨੇ ਲਿੱਖਿਆ ਕਿ ਬਰੰਸਵਿਕ ਈਸਟ ਦਾ ਇਲਾਕਾ ਕੁਝ ਸਮਾਂ ਪਹਿਲਾਂ ਫੈਕਟਰੀਆਂ ਅਤੇ ਕਾਰੋਬਾਰ ਲਈ ਮਸ਼ਹੂਰ ਸੀ ਪਰ ਹੁਣ ਇਹ ਇਲਾਕਾ ਹਰੀਆਵਲ, ਖਾਣ-ਪੀਣ ਵਾਲੀਆਂ ਥਾਵਾਂ, ਲਾਈਵ ਸੰਗੀਤ ਅਤੇ ਸ਼ਾਨਦਾਰ ਬਾਰਜ਼ ਲਈ ਪ੍ਰਸਿੱਧ ਹੈ।
2022 ਵਿੱਚ ਮੈਲਬਰਨ ਦਾ ਫਿਟਜ਼ਰੋਏ ਇਲਾਕਾ 27ਵੇਂ ਸਥਾਨ 'ਤੇ ਸੀ ਜਦ ਕਿ ਸਿਡਨੀ ਦਾ ਮੈਰਿਕਵਿਲ ਇਲਾਕਾ 33ਵੇਂ ਅਤੇ ਬ੍ਰਿਸਬੇਨ ਦੀ ਫੋਰਟੀਟਿਊਡ ਵੈਲੀ 47ਵੇਂ ਸਥਾਨ 'ਤੇ ਸੀ।
ਲੌਰੇਲਸ ਨੇ ਆਪਣੀ ਨਾਈਟ ਲਾਈਫ ਸਟ੍ਰਿਪ, ਜੋ ਕਿ ਰਾਤ ਸਮੇਂ ਲੋਕਾਂ ਵਿਚ ਬਹੁਤ ਪ੍ਰਸਿੱਧ ਹੈ, ਅਤੇ ਦਿਨ ਵੇਲੇ ਆਰਾਮਦਾਇਕ ਮਾਹੌਲ, ਥਾਂ-ਥਾਂ ਤੇ ਯੋਗਾ ਸਟੂਡੀਓ, ਕੈਫੇ ਅਤੇ ਪਾਰਕਾਂ ਕਾਰਨ ਨੰਬਰ ਇੱਕ ਸਥਾਨ ਪ੍ਰਾਪਤ ਕੀਤਾ।
Share
