ਇਹ ਬਿੱਲ ਪਾਸ ਹੋਣ ਤੋਂ ਬਾਅਦ ਜੇਕਰ ਕੋਈ ਵਿਅਕਤੀ ਜਨਤਕ ਤੋਰ ਤੇ ਜਾਂ ਔਨਲਾਈਨ ਕਿਸੇ ਕਿਸਮ ਦੇ ਨਾਜ਼ੀ ਪ੍ਰਤੀਕਾਂ ਨੂੰ ਪ੍ਰਦਰਸ਼ਿਤ ਕਰੇਗਾ ਉਸਨੂੰ 12 ਮਹੀਨਿਆਂ ਤੱਕ ਜੇਲ੍ਹ ਵਿਚ ਸਜ਼ਾ ਕੱਟਣੀ ਪੈ ਸਕਦੀ ਹੈ।
ਫੈਡਰਲ ਸਰਕਾਰ ਵਲੋਂ ਅਗਲੇ ਹਫਤੇ ਸੰਸਦ ਵਿੱਚ ਨਾਜ਼ੀ ਪ੍ਰਤੀਕਾਂ ਦੇ ਪ੍ਰਦਰਸ਼ਨ ਜਾਂ ਵਪਾਰ 'ਤੇ ਪਾਬੰਦੀ ਵਾਲੇ ਬਿੱਲ ਪੇਸ਼ ਬਾਬਤ ਯਹੂਦੀ ਸਮੂਹਾਂ ਵਲੋਂ ਇਸ ਦਾ ਸਵਾਗਤ ਕੀਤਾ ਗਿਆ ਹੈ ।
ਨਾਜ਼ੀ ਚਿੰਨ੍ਹਾਂ ਦਾ ਵਪਾਰ ਕਰਕੇ ਮੁਨਾਫਾ ਕਮਾਉਣਾ ਵੀ ਗੈਰ-ਕਾਨੂੰਨੀ ਕਰਾਰ ਕੀਤਾ ਜਾਵੇਗਾ ਹਾਲਾਂਕਿ ਇੰਨ੍ਹਾ ਚਿੰਨ੍ਹਾਂ ਦੀ ਨਿੱਜੀ ਮਾਲਕੀ ਨੂੰ ਬਰਕਰਾਰ ਰੱਖਣ ਦਾ ਫੈਸਲਾ ਕੀਤਾ ਗਿਆ ਹੈ।
ਹਿੰਦੂ , ਬੁੱਧ ਅਤੇ ਜੈਨ ਧਰਮ ਸਮੇਤ ਹੋਰ ਕਈ ਧਰਮਾਂ ਵਿੱਚ 'ਸਵਾਸਤਿਕਾ' ਨੂੰ ਈਸ਼ਵਰੀ ਪ੍ਰਤੀਕ ਮੰਨਿਆ ਜਾਣ ਕਰਕੇ ਇਸ ਨੂੰ ਧਾਰਮਿਕ ਛੋਟ ਪ੍ਰਦਾਨ ਕੀਤੀ ਜਾਵੇਗੀ।
ਇੱਥੇ ਇਹ ਜ਼ਿਕਰਯੋਗ ਹੈ ਕਿ ਬੀਤੀ ਮਾਰਚ ਵਿੱਚ ਨਾਜ਼ੀ ਚਿੰਨ੍ਹ 'ਤੇ ਪਾਬੰਦੀ ਲਗਾਉਣ ਲਈ ਗੱਠਜੋੜ ਨੇ ਕੋਸ਼ਿਸ਼ ਕੀਤੀ ਸੀ ਪਰ ਉਸ ਵੇਲ਼ੇ ਲੇਬਰ ਪਾਰਟੀ ਨੇ ਇਸ ਦਾ ਸਮਰਥਨ ਨਹੀਂ ਕੀਤਾ ਸੀ।
Share
