ਬਰੂਸ ਲੇਹਰਮਨ ਉਤੇ ਬ੍ਰਿਟਨੀ ਹਿਗਿਨਸ ਨਾਲ਼ ਸੰਸਦ ਵਿੱਚ ਸਹਿਮਤੀ ਤੋਂ ਬਿਨਾਂ ਜਿਨਸੀ ਸੰਬੰਧ ਬਣਾਉਣ ਲਈ ਏ ਸੀ ਟੀ ਸੁਪਰੀਮ ਕੋਰਟ ਵਿਚ ਮੁਕੱਦਮਾ ਚੱਲ ਰਿਹਾ ਹੈ।
ਸ਼੍ਰੀ ਲੇਹਰਮਨ ਉਤੇ ਦੋਸ਼ ਹੈ ਕਿ ਸਾਬਕਾ ਕੈਬਨਿਟ ਮੰਤਰੀ ਲਿੰਡਾ ਰੇਨੋਲਡਜ਼ ਦੇ ਦਫ਼ਤਰ ਦੇ ਅੰਦਰ ਉਨ੍ਹਾਂ ਨੇ ਉਸ ਵੇਲ਼ੇ ਬਿਨਾਂ ਸਹਿਮਤੀ ਜਿਨਸੀ ਸਬੰਧ ਬਣਾਏ ਜਿਸ ਵੇਲ਼ੇ ਮਿਸ ਹਿਗਿੰਸ ਨੇ ਸ਼ਰਾਬ ਪੀਤੀ ਹੋਈ ਸੀ ਅਤੇ ਉਹ ਆਪਣੇ ਹੋਸ਼ ਵਿੱਚ ਨਹੀਂ ਸਨ।
ਜਿਸ ਵਕਤ ਇਹ ਘਟਨਾ ਵਾਪਰੀ ਬਰੂਸ ਲੇਹਰਮਨ ਅਤੇ ਬ੍ਰਿਟਨੀ ਹਿਗਿਨਸ ਸਾਬਕਾ ਕੈਬਨਿਟ ਮੰਤਰੀ ਲਿੰਡਾ ਰੇਨੋਲਡਜ਼ ਦੇ ਦਫ਼ਤਰ ਦੇ ਵਿੱਚ ਕੰਮ ਕਰਦੇ ਸਨ।
ਮਿਸ ਹਿਗਿਨਸ ਦੇ ਵਕੀਲ ਸ਼ੇਨ ਡਰਮਗੋਲਡ ਨੇ ਕਿਹਾ ਕਿ ਇਸ ਮੁਕੱਦਮੇ ਵਿੱਚ ਵੱਡੀਆਂ ਰਾਜਨੀਤਿਕ ਤਾਕਤਾਂ ਆਪਣਾ 'ਖੇਡ ਖੇਡ ਰਹੀਆਂ' ਹਨ ਜਿਸ ਕਰਕੇ ਉਹ ਬਹੁਤ ਸਾਵਧਾਨੀ ਵਰਤ ਰਹੇ ਹਨ।
ਸ੍ਰੀ ਲੇਹਰਮਨ ਦੇ ਬਚਾਅ ਵਿੱਚ ਉਨ੍ਹਾਂ ਦੇ ਵਕੀਲ ਨੇ ਕਿਹਾ ਕਿ ਮਿਸ ਹਿਗਿਨਸ ਨੇ ਆਪਣੀ ਨੌਕਰੀ ਬਚਾਉਣ ਲਈ ਇਨ੍ਹਾਂ ਇਲਜ਼ਾਮਾਂ ਦਾ ਸਹਾਰਾ ਲਿਆ ਹੈ।
Share
