1 ਜਨਵਰੀ ਤੋਂ ਵਿਕਟੋਰੀਆ ਵਿੱਚ ਨਵੇਂ ਘਰਾਂ ਵਿੱਚ ਕੁਕਿੰਗ ਗੈਸ ਦੇ ਕਨੈਕਸ਼ਨ ਮਨਜ਼ੂਰ ਨਹੀਂ ਕੀਤੇ ਜਾਣਗੇ।
ਨਿਊ ਸਾਊਥ ਵੇਲਜ਼ ਦੇ ਨਿਵਾਸੀ ਹੁਣ ਇਲੈਕਟ੍ਰਿਕ ਵਾਹਨ ਉਤੇ ਲਗੀ ਸਟੈਂਪ ਡਿਊਟੀ ਦੇ ਰਿਫੰਡ ਅਤੇ ਹੋਰ ਛੋਟਾਂ ਦੇ ਯੋਗ ਨਹੀਂ ਹੋਣਗੇ। ਇਲੈਕਟ੍ਰਿਕ ਅਤੇ ਹਾਈਡ੍ਰੋਜਨ ਨਾਲ ਚੱਲਣ ਵਾਲੇ ਵਾਹਨਾਂ ਉਤੇ ਦੱਖਣੀ ਆਸਟ੍ਰੇਲੀਆ ਵਲੋਂ ਪ੍ਰਦਾਨ ਕੀਤੀ ਜਾ ਰਹੀ 3,000 ਡਾਲਰਾਂ ਦੀ ਸਬਸਿਡੀ ਵੀ ਇਸ ਸਾਲ ਖ਼ਤਮ ਕੀਤੀ ਜਾ ਰਹੀ ਹੈ।
ਵੇਪਿੰਗ ਨਾਲ਼ ਜੁੜੇ ਸੁਧਾਰਾਂ ਦੇ ਪਹਿਲੇ ਪੜਾਅ ਵਿੱਚ ਡਿਸਪੋਸੇਜਲ ਸਿੰਗਲ-ਯੂਜ਼ ਡਿਵਾਈਸਾਂ ਦੇ ਆਯਾਤ 'ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ ਅਤੇ ਡਾਕਟਰਾਂ ਅਤੇ ਨਰਸਾਂ ਲਈ ਵੇਪ ਦੇ ਨੁਸਖੇ ਲਿਖਣ ਲਈ ਇੱਕ ਨਵੀਂ ਪ੍ਰਕਿਰਿਆ ਹੋਵੇਗੀ। ਇਸ ਨੂੰ ਵਿਸ਼ੇਸ਼ ਪਹੁੰਚ ਸਕੀਮ ਵਜੋਂ ਵੀ ਜਾਣਿਆ ਜਾਂਦਾ ਹੈ।
ਮੂਲ 'ਮੈਡੀਕੇਅਰ ਸੇਫਟੀ ਨੈੱਟ' ਅਤੇ 'ਐਕ੍ਸਟੈਂਡਿਡ ਮੈਡੀਕੇਅਰ ਸੇਫਟੀ ਨੈੱਟ' ਦੀ ਦਰ ਵਿੱਚ ਵੀ 5.2 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਜਾਵੇਗਾ।
Share
