ਆਸਟ੍ਰੇਲੀਅਨ ਟੈਕਸ ਆਫਿਸ (ATO) ਨੇ ਚੇਤਾਵਨੀ ਦਿੱਤੀ ਹੈ ਕਿ ਘੱਟ ਅਤੇ ਮੱਧ-ਆਮਦਨੀ ਟੈਕਸ ਆਫਸੈੱਟ ਦੀ ਮਿਆਦ ਖਤਮ ਹੋਣ ਕਰਕੇ ਇਸ ਸਾਲ ਪਹਿਲਾਂ ਨਾਲੋਂ ਘੱਟ ਲੋਕਾਂ ਨੂੰ ਰਿਫੰਡ ਮਿਲਣ ਜਾਂ ਉਮੀਦ ਤੋਂ ਘੱਟ ਰਿਫੰਡ ਦੀ ਰਾਸ਼ੀ ਮਿਲਣ ਦੀ ਵੱਡੀ ਸੰਭਾਵਨਾ ਹੈ। ਇਹ ਟੈਕਸ ਆਫਸੈੱਟ 2019 ਤੋਂ 2022 ਵਿੱਤੀ ਸਾਲਾਂ ਤੱਕ ਹੀ ਉਪਲਬਧ ਕਰਾਇਆ ਗਿਆ ਸੀ।
ਏ ਟੀ ਓ ਦੇ ਡਿਪਟੀ ਕਮਿਸ਼ਨਰ ਟਿਮ ਲੋਹ ਨੇ ਐਸ ਬੀ ਐਸ ਨਿਊਜ਼ ਨੂੰ ਦੱਸਿਆ ਕਿ "ਘਰੋਂ ਕੰਮ ਕਰਨ ਵਾਲਿਆਂ ਨੂੰ ਹੁਣ ਖਰਚੇ ਵਸੂਲ ਕਰਨ ਲਈ ਘਰ ਵਿੱਚ ਇਕ ਸਮਰਪਿਤ ਕੰਮ ਵਾਲੀ ਥਾਂ ਦਿਖਾਣ ਦੀ ਲੋੜ ਨਹੀਂ ਹੋਵੇਗੀ।"
ਪਰ ਪੁਰਾਣੀ ਪ੍ਰਣਾਲੀ ਦੀ ਤੁਲਨਾ ਵਿੱਚ, ਜਿਸ ਵਿੱਚ ਸੀਮਤ ਰਿਕਾਰਡ ਰੱਖਣ ਦੀਆਂ ਜ਼ਰੂਰਤਾਂ ਸਨ, ਟੈਕਸਦਾਤਾਵਾਂ ਨੂੰ ਹੁਣ ਆਪਣੇ ਘਰ ਤੋਂ ਕੰਮ ਕਰਨ ਦੀ ਸਮਾਂ-ਸਾਰਣੀ ਅਤੇ ਸਮਾਂ ਸ਼ੀਟ ਤਿਆਰ ਕਰਨੀ ਪਵੇਗੀ।
ਆਪਣੀ ਰਿਹਾਇਸ਼ੀ ਥਾਂ ਵਿੱਚ ਕਿਰਾਏਦਾਰ ਰੱਖ ਰਹੇ ਲੋਕ ਜਦੋਂ ਆਪਣੀ ਜਗ੍ਹਾ ਨੂੰ ਭਵਿੱਖ ਵਿਚ ਵੇਚਣਗੇ ਤਾਂ ਉਨ੍ਹਾਂ ਨੂੰ ਪੂੰਜੀ ਲਾਭ ਟੈਕਸ ਦੇਣਾ ਪੈ ਸਕਦਾ ਹੈ।
ਏ ਟੀ ਓ ਤੋਂ ਕੰਮ ਕਾਰਨ ਯਾਤਰਾ ਸੰਬੰਧੀ ਖਰਚੇ ਵਸੂਲ ਕਰ ਰਹੇ ਲੋਕਾਂ ਲਈ ਦਰ 72 ਸੈਂਟ ਪ੍ਰਤੀ ਕਿਲੋਮੀਟਰ ਤੋਂ ਵਧ ਕੇ 78 ਸੈਂਟ ਪ੍ਰਤੀ ਕਿਲੋਮੀਟਰ ਹੋ ਗਈ ਹੈ।
ਸੱਭਿਆਚਾਰਕ ਅਤੇ ਭਾਸ਼ਾਈ ਤੌਰ 'ਤੇ ਵਿਭਿੰਨ ਭਾਈਚਾਰਿਆਂ ਲਈ 20 ਤੋਂ ਵੱਧ ਭਾਸ਼ਾਵਾਂ ਵਿੱਚ ਅਨੁਵਾਦ ਕੀਤਾ ਗਿਆ ਹੈ ਜਿਸ ਦੀ ਜਾਣਕਾਰੀ ਏ ਟੀ ਓ ਦੀ ਵੈੱਬਸਾਈਟ ਤੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
