ਆਸਟ੍ਰੇਲੀਆ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੇ ਮਾਲਕਾਂ ਦੀ ਸਹੂਲਤ ਲਈ ਦੇਸ਼ ਦੀ ਇੱਕ ਵੱਡੀ ਬਿਜਲੀ ਕੰਪਨੀ 'ਔਸਗ੍ਰਿਡ' ਵਲੋਂ ਇੱਕ ਯੋਜਨਾ ਦੇ ਤਹਿਤ 2029 ਤੱਕ 30,000 ਨਵੇਂ 'ਚਾਰਜਿੰਗ ਸਟੇਸ਼ਨ' ਲਾਉਣ ਦਾ ਫ਼ੈਸਲਾ ਕੀਤਾ ਗਿਆ ਹੈ।
'ਔਸਗ੍ਰਿਡ' ਨੇ ਦੇਸ਼ ਭਰ ਦੇ ਸ਼ਹਿਰੀ ਅਤੇ ਉਪਨਗਰੀ ਸਥਾਨਾਂ ਦੇ ਨਾਲ-ਨਾਲ ਸੈਰ-ਸਪਾਟੇ ਵਾਲ਼ੇ ਸਥਾਨਾਂ ਅਤੇ ਖੇਤਰੀ ਕਸਬਿਆਂ ਵਿੱਚ ਹਜ਼ਾਰਾਂ 'ਚਾਰਜਿੰਗ ਸਟੇਸ਼ਨ' ਸਥਾਪਤ ਕਰਨ ਲਈ ਆਪਣੀ ਯੋਜਨਾ ਦਾ ਖੁਲਾਸਾ ਕੀਤਾ ਹੈ।
'ਔਸਗ੍ਰਿਡ' ਦਾ ਪਹਿਲਾ 'ਚਾਰਜਿੰਗ ਸਟੇਸ਼ਨ' ਨਿਊ ਸਾਊਥ ਵੇਲਜ਼ ਸਥਿਤ 'ਮੇਰਵੈਧਰ' ਦੇ ਡਿਕਸਨ ਪਾਰਕ ਬੀਚ ਵਿਖੇ ਲਗਾਇਆ ਜਾਵੇਗਾ।
ਈ ਵੀ ਐਕਸ ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਫ਼ਸਰ ਐਂਡਰਿਊ ਫੋਰਸਟਰ ਨੇ ਕਿਹਾ ਕਿ ਇਨ੍ਹਾਂ ਚਾਰਜਰਾਂ ਰਾਹੀਂ 50 ਸੈਂਟ ਪ੍ਰਤੀ ਕਿਲੋਵਾਟ ਘੰਟੇ ਦੇ ਫਲੈਟ ਰੇਟ 'ਤੇ ਬਿਜਲੀ ਪ੍ਰਦਾਨ ਕੀਤੀ ਜਾਵੇਗੀ।
Share
