ਅਮਰੀਕਾ ਦੀ ਯਾਤਰਾ ਕਰਨ ਬਾਰੇ ਸੋਚ ਰਹੇ ਵਿਅਕਤੀਆਂ ਲਈ ਇਹ ਯਾਤਰਾ ਪਹਿਲਾਂ ਨਾਲੋਂ ਮਹਿੰਗੀ ਹੋ ਸਕਦੀ ਹੈ ਕਿਉਂਕਿ ਆਸਟ੍ਰੇਲੀਅਨ ਡਾਲਰ ਅਮਰੀਕਨ ਡਾਲਰ ਦੇ ਮੁਕਾਬਲੇ ਮਜ਼ਬੂਤ ਨਜ਼ਰ ਨਹੀਂ ਆ ਰਿਹਾ ਹੈ।
ਏ ਐਮ ਪੀ ਦੀ ਸੀਨੀਅਰ ਅਰਥ ਸ਼ਾਸਤਰੀ, ਡਾਇਨਾ ਮੌਸੀਨਾ ਨੇ ਕਿਹਾ ਕਿ ਆਸਟ੍ਰੇਲੀਅਨ ਡਾਲਰ ਦੀ ਕੀਮਤ ਪਿਛਲੇ ਅੱਠ ਮਹੀਨਿਆਂ ਤੋਂ ਅਮਰੀਕੀ ਡਾਲਰ ਦੇ ਮੁਕਾਬਲੇ 65-70 ਸੈਂਟ ਦੇ ਵਿਚਕਾਰ ਰਹੀ ਹੈ ਜਿਸ ਨੂੰ ਕਿਸੇ ਪਾਸੋਂ ਵੀ ਮਜ਼ਬੂਤੀ ਦਾ ਪ੍ਰਤੀਕ ਨਹੀਂ ਮੰਨਿਆ ਜਾ ਸਕਦਾ।
ਆਸਟ੍ਰੇਲੀਅਨ ਡਾਲਰ ਅਕਤੂਬਰ 2022 ਤੋਂ ਜਾਪਾਨੀ ਯੇਨ ਦੇ ਮੁਕਾਬਲੇ 7.1 ਫੀਸਦੀ ਅਤੇ ਚੀਨੀ ਰੈਨਮਿੰਬੀ ਦੇ ਮੁਕਬਲੇ 10 ਫੀਸਦੀ ਮਜ਼ਬੂਤ ਹੋਇਆ ਹੈ।
ਪਿਛਲੇ ਸਾਲ ਅਕਤੂਬਰ ਤੋਂ ਆਸਟ੍ਰੇਲੀਅਨ ਡਾਲਰ ਭਾਰਤੀ ਰੁਪਏ ਦੇ ਮੁਕਾਬਲੇ 10.1 ਫੀਸਦੀ ਵਧਿਆ ਹੈ। ਇਸ ਵੇਲੇ ਇੱਕ ਡਾਲਰ ਦਾ ਮੁੱਲ ਤਕਰੀਬਨ 56 ਰੁਪਏ ਹੈ। ਆਸਟ੍ਰੇਲੀਅਨ ਡਾਲਰ ਪਿਛਲੇ ਤਿੰਨ ਸਾਲਾਂ ਵਿੱਚ ਭਾਰਤੀ ਕਰੰਸੀ ਦੇ ਮੁਕਾਬਲੇ ਸਭ ਤੋਂ ਮਜ਼ਬੂਤ ਪੱਧਰ ਤੇ ਹੈ।
ਦੂਜੇ ਪਾਸੇ ਆਸਟ੍ਰੇਲੀਅਨ ਡਾਲਰ ਵਿਚ ਯੂਰੋ ਦੇ ਮੁਕਾਬਲੇ 1.75 ਫੀਸਦੀ, ਪੌਂਡ ਦੇ ਮੁਕਾਬਲੇ 2.64 ਫੀਸਦੀ ਅਤੇ ਮੈਕਸੀਕੋ ਦੇ ਪੇਸੋ ਦੇ ਮੁਕਾਬਲੇ 5 ਫੀਸਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
