ਚੀਨ ਦੇ ਵਿਦਿਆਰਥੀ ਐਂਡਰਿਊ* ਨੂੰ ਪਰਥ ਦੀ ਕਰਟਿਨ ਯੂਨੀਵਰਸਿਟੀ ਵਲੋਂ ਪੀ ਐਚ ਡੀ ਕਰਨ ਲਈ ਸਕਾਲਰਸ਼ਿਪ ਮਨਜ਼ੂਰ ਕੀਤੀ ਗਈ ਸੀ ਪਰ ਦੋ ਸਾਲ ਬਾਅਦ ਵੀ ਉਹ ਆਪਣੇ ਵੀਜ਼ੇ ਦੇ ਮਨਜ਼ੂਰ ਹੋਣ ਦੀ ਉਡੀਕ ਕਰ ਰਿਹਾ ਹੈ।
"ਮੈਂ ਕਈ ਵਾਰ ਗ੍ਰਹਿ ਵਿਭਾਗ ਕੋਲੋਂ ਇਹ ਪੁੱਛਣ ਦੀ ਕੋਸ਼ਿਸ਼ ਕੀਤੀ ਕਿ ਮੇਰੀ ਅਰਜ਼ੀ ਕਦੋਂ ਤੱਕ ਮਨਜ਼ੂਰ ਹੋਣ ਦੀ ਸੰਭਾਵਨਾ ਹੈ ਪਰ ਹਰ ਵਾਰ ਜਵਾਬ ਇਹੋ ਮਿਲਦਾ ਹੈ ਕਿ ਇਸ 'ਤੇ ਅਰਜ਼ੀ ਤੇ ਕਾਰਵਾਈ ਪੂਰੀ ਨਹੀਂ ਹੋਈ ਹੈ " ਉਨ੍ਹਾਂ ਕਿਹਾ
ਈਰਾਨ ਦੇ ਇੱਕ ਵਿਦਿਆਰਥੀ ਨੂੰ ਜੂਨ 2020 ਵਿੱਚ ਨਿਊਕੈਸਲ ਯੂਨੀਵਰਸਿਟੀ ਵਿੱਚ ਪੀ ਐਚ ਡੀ ਪੂਰੀ ਕਰਨ ਲਈ ਸਕਾਲਰਸ਼ਿਪ ਦੀ ਪੇਸ਼ਕਸ਼ ਕੀਤੀ ਗਈ ਸੀ। ਪਰ ਤਿੰਨ ਸਾਲਾਂ ਦੀ ਉਡੀਕ ਤੋਂ ਬਾਅਦ ਇਹ 35 ਸਾਲਾ ਵਿਦਿਆਰਥੀ ਹੁਣ ਇੰਗਲੈਂਡ ਦੀ ਅਲਸਟਰ ਯੂਨੀਵਰਸਿਟੀ ਵਿੱਚ ਕੰਪਿਊਟਰ ਵਿਗਿਆਨ ਵਿੱਚ ਆਪਣਾ ਥੀਸਿਸ ਪੂਰਾ ਕਰ ਰਿਹਾ ਹੈ।
ਐਸ ਬੀ ਐਸ ਨਿਊਜ਼ ਨੂੰ ਮਿਲ਼ੀ ਜਾਣਕਾਰੀ ਮੁਤਾਬਕ ਘੱਟੋ ਘੱਟ 50 ਈਰਾਨੀ ਵਿਦਿਆਰਥੀਆਂ ਕੋਲ ਪੀ ਐਚ ਡੀ ਕਰਨ ਲਈ ਸਕਾਲਰਸ਼ਿਪ ਦੀ ਪੇਸ਼ਕਸ਼ ਹੋਣ ਦੇ ਬਾਵਜੂਦ ਵੀ ਇਨ੍ਹਾਂ ਨੂੰ ਵੀਜ਼ੇ ਦੀ ਉਡੀਕ ਕਰਦੇ ਹੋਏ ਇੱਕ ਸਾਲ ਤੋਂ ਵੱਧ ਹੋ ਗਿਆ ਹੈ।
ਗ੍ਰਹਿ ਮਾਮਲਿਆਂ ਦੇ ਵਿਭਾਗ ਦੇ ਬੁਲਾਰੇ ਨੇ ਕਿਹਾ ਕਿ 1 ਜੁਲਾਈ 2022 ਤੋਂ 28 ਫਰਵਰੀ 2023 ਦਰਮਿਆਨ ਲਗਭਗ 10,800 ਪੋਸਟ ਗ੍ਰੈਜੂਏਟ ਖੋਜ ਵੀਜ਼ੇ ਪ੍ਰਦਾਨ ਕੀਤੇ ਗਏ ਸਨ ਜਿਨ੍ਹਾਂ ਵਿਚੋਂ ਸਭ ਤੋਂ ਵੱਧ ਵੀਜ਼ੇ ਚੀਨ ਦੇ ਬਿਨੈਕਾਰਾਂ ਨੂੰ ਦਿੱਤੇ ਗਏ। ਇਸ ਸੂਚੀ ਵਿੱਚ ਭਾਰਤ ਤੀਜੇ ਨੰਬਰ 'ਤੇ ਰਿਹਾ।
* ਅਸਲ ਨਾਮ ਨਹੀਂ
