ਭਾਰਤੀ ਜੋੜੇ ਨੇ ਜਿੱਤਿਆ 'ਆਸਟ੍ਰੇਲੀਅਨ ਬਿਜ਼ਨਸ ਐਵਾਰਡ', 10 ਹਜ਼ਾਰ ਦੀ ਇਨਾਮੀ ਰਾਸ਼ੀ ਦਿੱਤੀ ਸਿੱਖ ਸੰਸਥਾ ਨੂੰ ਦਾਨ

ਪ੍ਰਿਯੰਕਾ ਸੇਠੀ ਬੇਰਾਨੀ ਅਤੇ ਉਨ੍ਹਾਂ ਦੇ ਪਤੀ ਵੇਦ ਬੇਰਾਨੀ ਦੀ ਦੰਦਾਂ ਦੀ ਪ੍ਰੈਕਟਿਸ ਨੇ 'ਛੋਟੇ ਕਾਰੋਬਾਰ' ਸ਼੍ਰੇਣੀ ਵਿੱਚ 32ਵਾਂ ਸਲਾਨਾ 'ਐਥਨਿਕ ਬਿਜ਼ਨਸ ਅਵਾਰਡ' ਜਿੱਤਿਆ ਹੈ। ਸ੍ਰੀ ਬੇਰਾਨੀ ਮੁਤਾਬਿਕ ਪਿਛਲੇ 31 ਸਾਲਾਂ ਦੌਰਾਨ ਇਸ ਸ਼੍ਰੇਣੀ ਵਿੱਚ ਜਿੱਤਣ ਵਾਲੇ ਉਹ ਪਹਿਲੇ ਭਾਰਤੀ ਮੂਲ ਦੇ ਪ੍ਰਵਾਸੀ ਹਨ।

Dr Ved Berani (centre) and his wife Priyanka Sethi Berani with Prime Minister Scott Morrison at the 32nd Ethnic Business Awards. Source: Supplied by Ethnic Business Awards

ਦੰਦਾਂ ਦੇ ਡਾਕਟਰ ਸ਼੍ਰੀ ਵੇਦ ਬੇਰਾਨੀ ਮੁੰਬਈ ਵਿੱਚ ਡੈਂਟਲ ਪੋਸਟ-ਗ੍ਰੈਜੂਏਟ ਕੋਰਸ ਵਿੱਚ ਦਾਖਲਾ ਪਾਉਣ ਵਿੱਚ ਅਸਫ਼ਲ ਰਹਿਣ ਤੋਂ ਬਾਅਦ 2001 ਵਿੱਚ ਮੋਨਾਸ਼ ਯੂਨੀਵਰਸਿਟੀ ਵਿੱਚ 'ਬਿਜ਼ਨਸ ਐਡਮਿਨਿਸਟ੍ਰੇਸ਼ਨ' ਵਿੱਚ ਡਿਗਰੀ ਹਾਸਲ ਕਰਨ ਲਈ ਆਸਟ੍ਰੇਲੀਆ ਆਏ ਸਨ।

ਇੱਕ ਰਾਤ ਇੱਕ ਪੈਟਰੋਲ ਸਟੇਸ਼ਨ 'ਤੇ ਕੰਮ ਕਰਦੇ ਸਮੇਂ ਉਨ੍ਹਾਂ ਨੂੰ ਬੰਦੂਕ ਦੀ ਨੋਕ 'ਤੇ ਲੁਟਣ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਘਟਨਾ ਨੇ ਉਨ੍ਹਾਂ ਦੀ ਜ਼ਿੰਦਗੀ ਦਾ ਰੁੱਖ ਹਮੇਸ਼ਾ ਲਈ ਬਦਲ ਕੇ ਰੱਖ ਦਿੱਤਾ।

ਅੱਜ ਇਸ ਜੋੜੇ ਵਲੋਂ ਚਲਾਏ ਜਾ ਰਹੇ 'ਹੈਲਥੀ ਸਮਾਈਲਜ਼ ਡੈਂਟਲ ਗਰੁੱਪ' ਵਿੱਚ 35 ਸਟਾਫ ਅਤੇ 11 ਡਾਕਟਰ ਕੰਮ ਕਰਦੇ ਹਨ। ਸ਼੍ਰੀ ਬੇਰਾਨੀ ਨੇ ਕਿਹਾ ਕਿ 'ਸਲੀਪ ਡੈਂਟਿਸਟਰੀ' ਤਕਨੀਕ ਦੀ ਸ਼ੁਰੂਆਤ ਕਰਨ ਵਾਲ਼ੀ ਉਨ੍ਹਾਂ ਦੀ ਪਹਿਲੀ ਕਲੀਨਿਕ ਸੀ।

ਡਾ: ਬੇਰਾਨੀ ਨੇ ਇਸ ਪੁਰਸਕਾਰ ਵਿੱਚ ਮਿਲ਼ੀ 10,000 ਡਾਲਰ ਦੀ ਇਨਾਮੀ ਰਾਸ਼ੀ ਨੂੰ ਇੱਕ ਸਿੱਖ ਸਵੈ-ਸੇਵੀ ਸੰਸਥਾ ਸਿੱਖ ਵਲੰਟੀਅਰਜ਼ ਨੂੰ ਦਾਨ ਕਰਨ ਦਾ ਫ਼ੈਸਲਾ ਕੀਤਾ ਹੈ।

For more details read this story in English - Via SBS Hindi

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਸੁਣੋ ਤੇ ਸਾਨੂੰ ਫੇਸਬੁੱਕ ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ।