ਮੈਲਬੌਰਨ ਟਰੱਕ ਹਾਦਸੇ ਵਿੱਚ ਚਾਰ ਪੁਲਿਸ ਅਧਿਕਾਰੀਆਂ ਦੀ ਮੌਤ ਲਈ ਜ਼ਿੰਮੇਵਾਰ ਡਰਾਈਵਰ ਨੂੰ 22 ਸਾਲ ਦੀ ਕੈਦ

ਪਿਛਲੇ ਸਾਲ 22 ਅਪ੍ਰੈਲ ਨੂੰ ਮੈਲਬੌਰਨ ਵਿੱਚ ਹੋਏ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਚਾਰ ਪੁਲਿਸਕਰਮੀਆਂ ਦੀ ਮੌਤ ਲਈ ਜ਼ਿੰਮੇਵਾਰ 'ਨਸ਼ੇੜੀ' ਪੰਜਾਬੀ ਟਰੱਕ ਡਰਾਈਵਰ ਨੂੰ ਵਿਕਟੋਰੀਅਨ ਸੁਪ੍ਰੀਮ ਕੋਰਟ ਵੱਲੋਂ 22 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।

Mohinder Singh arrives to the Supreme Court of Victoria in Melbourne, on Friday, 12 March, 2021.

Mohinder Singh arrives to the Supreme Court of Victoria in Melbourne, on Friday, 12 March, 2021. Source: AAP

ਮੈਲਬੌਰਨ ਦੇ ਦੱਖਣ-ਪੂਰਬ ਵਿੱਚ ਕਿਊ ਇਲਾਕੇ ਨੇੜੇ ਫ੍ਰੀਵੇ ਉੱਤੇ ਹੋਏ ਇਸ ਹਾਦਸੇ ਪਿੱਛੋਂ ਕਰੇਨਬਰਨ ਦੇ ਵਸਨੀਕ 48-ਸਾਲਾ ਟਰੱਕ ਡਰਾਵੀਰ ਮਹਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।

ਮਹਿੰਦਰ ਸਿੰਘ ਜੋ 'ਚਿੱਟੇ' ਦਾ ਆਦੀ ਦੱਸਿਆ ਜਾ ਰਿਹਾ ਹੈ ਵੱਲੋਂ ਅਦਾਲਤ ਵਿੱਚ ਆਪਣੀ ਸਫਾਈ ਵਿੱਚ ਕਈ ਦਲੀਲਾਂ ਦਿਤੀਆਂ ਗਈਆਂ ਪਰ ਜੱਜ ਵੱਲੋਂ ਇਹ ਬੁਰੀ ਤਰਾਂਹ ਨਕਾਰ ਦਿਤੀਆਂ ਗਈਆਂ। 

ਵਿਕਟੋਰੀਅਨ ਸੁਪਰੀਮ ਕੋਰਟ ਜਸਟਿਸ ਪਾਲ ਕੋਗਲਨ ਨੇ 14 ਅਪ੍ਰੈਲ, ਬੁੱਧਵਾਰ ਨੂੰ ਫੈਸਲਾ ਸੁਣਾਉਂਦਿਆਂ ਕਿਹਾ ਕਿ ਦੋਸ਼ੀ ਨੂੰ  ਪੈਰੋਲ ਉੱਤੇ ਰਿਹਾ ਹੋਣ ਲਈ ਘੱਟੋ-ਘੱਟ 18 ਸਾਲ ਅਤੇ ਛੇ ਮਹੀਨਿਆਂ ਦੀ ਕੈਦ ਕੱਟਣੀ ਪਏਗੀ ਅਤੇ ਜ਼ਿੰਦਗੀ ਦੇ 22 ਸਾਲ ਜੇਲ਼ ਦੀਆਂ ਸਲਾਖਾਂ ਪਿੱਛੇ ਬੰਦ ਰਹਿਣਾ ਪਏਗਾ।
(L-R) Constable Glen Humphris, Senior Constable Kevin King, Leading Senior Constable Lynette Taylor and Constable Joshua Prestney were killed.
(L-R) Constable Glen Humphris, Senior Constable Kevin King, Leading Senior Constable Lynette Taylor and Constable Joshua Prestney were killed. Source: Victoria Police
ਜ਼ਿਕਰਯੋਗ ਹੈ ਕਿ ਪ੍ਰਮੁੱਖ ਸੀਨੀਅਰ ਕਾਂਸਟੇਬਲ ਲੀਨੇਟ ਟੇਲਰ, ਸੀਨੀਅਰ ਕਾਂਸਟੇਬਲ ਕੇਵਿਨ ਕਿੰਗ, ਕਾਂਸਟੇਬਲ ਗਲੇਨ ਹੰਫ੍ਰਿਸ ਅਤੇ ਜੋਸ਼ ਪ੍ਰੈਸਨੇ ਦੀ ਇਸ ਹਾਦਸੇ ਵਿੱਚ ਮੌਤ  ਹੋ ਗਈ ਸੀ।

ਮ੍ਰਿਤਕਾਂ ਦੇ ਪਰਿਵਾਰਾਂ ਵੱਲੋਂ ਅਦਾਲਤੀ ਕਾਰਵਾਈ ਪਿੱਛੋਂ ਇੱਕ ਸਾਂਝਾ ਬਿਆਨ ਦਿੰਦਿਆਂ ਇਸਨੂੰ ਕਦੇ ਵੀ ਨਾ ਭੁੱਲਣ ਵਾਲ਼ੀ ਘਟਨਾ ਵਜੋਂ ਯਾਦ ਕੀਤਾ ਹੈ।
ਮੋਹਿੰਦਰ ਸਿੰਘ ਦੀ ਸਜ਼ਾ ਸੁਣਾਉਂਦਿਆਂ ਅਦਾਲਤ ਨੇ ਉਸਦੇ 'ਨਸ਼ੇੜੀ' ਹੋਣ ਅਤੇ ਟਰੱਕ ਵਿੱਚ ਨਸ਼ੇ ਦੇ ਪਾਏ ਜਾਣ ਨੂੰ ਵੀ ਧਿਆਨ ਵਿੱਚ ਰੱਖਿਆ। 

ਅਦਾਲਤ ਨੂੰ ਦੱਸਿਆ ਗਿਆ ਕਿ ਹਾਦਸੇ ਤੋਂ 70 ਘੰਟੇ ਪਹਿਲਾਂ ਮੋਹਿੰਦਰ ਸਿੰਘ ਨੇ ਸਿਰਫ “ਪੰਜ ਘੰਟੇ ਹੀ ਆਰਾਮ” ਕੀਤਾ ਸੀ।

ਪਿਛਲੇ ਮਹੀਨੇ ਹੋਈ ਸੁਣਵਾਈ ਦੌਰਾਨ ਉਸਦੇ ਸਰਕਾਰੀ ਵਕੀਲ ਬਰੈਂਡਨ ਕਿਸੇਨ ਨੇ ਕਿਹਾ ਕਿ ਉਸਦਾ ਮੁਵੱਕਲ ਇੱਕ ਹਫਤੇ ਤੋਂ ਬੇਅਰਾਮੀ ਦੇ ਚਲਦਿਆਂ ਚੰਗੀ ਤਰਾਂਹ “ਸੌਂ ਨਹੀਂ ਸੀ ਸਕਿਆ” ਅਤੇ ਹਾਦਸੇ ਵਾਲ਼ੇ ਦਿਨ ਨਸ਼ੇ ਦੇ ਇੰਨੇ ਅਸਰ ਵਿੱਚ ਸੀ ਕਿ ਇੱਕ ਸਮੇਂ ਉਹ “ਬੋਲ ਵੀ ਨਹੀਂ ਸੀ ਸਕਦਾ”।

ਸ੍ਰੀ ਕਿਸੇਨ ਨੇ ਕਿਹਾ ਕਿ ਉਸਨੇ ਹਾਦਸੇ ਤੋਂ ਇੱਕ ਰਾਤ ਪਹਿਲਾਂ ਆਪਣੇ ਇੱਕ ਸਾਥੀ ਨੂੰ ਦੱਸਿਆ ਸੀ ਕਿ ਉਹ ਟਰੱਕ ਚਲਾਉਣ ਦੇ "ਯੋਗ ਨਹੀਂ ਹੈ"।

ਪਰ ਜਦੋਂ ਉਸਨੇ ਹਾਦਸੇ ਦੀ ਸਵੇਰ ਇਹ ਮਾਮਲਾ ਆਪਣੇ ਸੁਪਰਵਾਈਜ਼ਰ ਕੋਲ਼ ਉਠਾਇਆ ਤਾਂ ਉਸਨੇ ਇਸ ਗੱਲ ਦੀ "ਪ੍ਰਵਾਹ ਨਹੀਂ ਕੀਤੀ"।

ਇਸ ਗੱਲ ਦੇ ਸਬੂਤ ਵਜੋਂ ਹਾਦਸੇ ਵਾਲ਼ੇ ਦਿਨ ਸਵੇਰੇ 8.52 ਤੋਂ ਸਵੇਰੇ 9.12 ਦੇ ਵਿਚਕਾਰ ਮੋਹਿੰਦਰ ਸਿੰਘ ਅਤੇ ਉਸਦੇ ਸੁਪਰਵਾਈਜ਼ਰ ਵਿਚਕਾਰ ਹੋਏ ਮੋਬਾਈਲ ਸੁਨੇਹੇ ਵੀ ਅਦਾਲਤ ਵਿੱਚ ਪੜ੍ਹੇ ਗਏ।
Four police officers have died in a crash involving a truck on Melbourne's Eastern Freeway.
Four police officers have died in a crash involving a truck on Melbourne's Eastern Freeway. Source: AAP
ਦੱਸਣਯੋਗ ਹੈ ਕਿ ਦੁਰਘਟਨਾ ਉਸ ਵੇਲ਼ੇ ਹੋਈ ਜਦੋਂ ਉਸਦਾ ਸੇਮੀਟਰੈਲੇਰ ਟਰੱਕ ਈਸਟਰਨ ਫ੍ਰੀਵੇ ਦੀ ਮੁੱਖ ਸੜਕ ਤੋਂ ਹਟਕੇ ਅਪਾਤਕਲੀਨ ਲਾਈਨ ਵਿੱਚ ਚਲਿਆ ਗਿਆ ਸੀ।

ਇਹ ਟਰੱਕ ਐਮਰਜੈਂਸੀ ਲਾਈਨ ਵਿੱਚ ਸੌ ਦੀ ਸਪੀਡ 'ਤੇ ਦਾਖਿਲ ਹੋਇਆ ਦੱਸਿਆ ਜਾਂਦਾ ਹੈ ਜਿਸ ਪਿੱਛੋਂ ਵੱਜੀ ਟੱਕਰ ਨਾਲ਼ ਚਾਰ ਪੁਲਸ ਕਰਮਚਾਰੀਆਂ ਦੀ ਥਾਏਂ ਮੌਤ ਹੋ ਗਈ ਸੀ।

ਮੇਜਰ ਕੁਲੀਜਨ ਇਨਵੈਸਟੀਗੇਸ਼ਨ ਯੂਨਿਟ ਤੇ ਹੋਮੀਸਾਈਡ ਸਕੁਐਡ ਵੱਲੋਂ ਟਰੱਕ ਡਰਾਈਵਰ ਉੱਤੇ ਡਰਾਈਵਿੰਗ ਦੌਰਾਨ ਚਾਰ ਪੁਲਿਸ ਕਰਮਚਾਰੀਆਂ ਨੂੰ ਮਾਰਨ ਦੇ ਦੋਸ਼ ਲਾਏ ਗਏ ਸਨ।

ਜਸਟਿਸ ਪਾਲ ਕੋਗਲਨ ਨੇ ਸਾਰੀਆਂ ਦਲੀਲਾਂ ਸੁਨਣ ਪਿੱਛੋਂ 48-ਸਾਲਾ ਟਰੱਕ ਡਰਾਵੀਰ ਮਹਿੰਦਰ ਸਿੰਘ ਨੂੰ 22 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।

ਐਸ ਬੀ ਐਸ ਪੰਜਾਬੀ ਦੀ ਵੈਬਸਾਈਟ ਨੂੰ ਬੁੱਕਮਾਰਕ ਕਰੋ ਅਤੇ ਐਸ ਬੀ ਐਸ ਰੇਡੀਓ ਐਪ ਲਈ ਐਪ ਸਟੋਰ ਉੱਤੇ ਜਾਓ। ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ। ਤੁਸੀਂ ਸਾਨੂੰ ਫੇਸਬੁੱਕ ਅਤੇ ਟਵਿੱਟਰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।

Share

Published

Updated

By Preetinder Grewal

Share this with family and friends


Follow SBS Punjabi

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Punjabi-speaking Australians.
Understand the quirky parts of Aussie life.
Get the latest with our exclusive in-language podcasts on your favourite podcast apps.

Watch on SBS
Punjabi News

Punjabi News

Watch in onDemand
ਮੈਲਬੌਰਨ ਟਰੱਕ ਹਾਦਸੇ ਵਿੱਚ ਚਾਰ ਪੁਲਿਸ ਅਧਿਕਾਰੀਆਂ ਦੀ ਮੌਤ ਲਈ ਜ਼ਿੰਮੇਵਾਰ ਡਰਾਈਵਰ ਨੂੰ 22 ਸਾਲ ਦੀ ਕੈਦ | SBS Punjabi