ਨਿਊ ਸਾਊਥ ਵੇਲਜ਼ ਦੇ ਹਜ਼ਾਰਾਂ ਪਬਲਿਕ ਅਤੇ ਕੈਥੋਲਿਕ ਸਕੂਲਾਂ ਦੇ ਕਰਮਚਾਰੀਆਂ ਨੇ ਸਿਡਨੀ ਦੇ ਸੀਬੀਡੀ ਵਿੱਚ ਬਿਹਤਰ ਤਨਖਾਹਾਂ ਅਤੇ ਕੰਮ ਦੀਆਂ ਸਥਿਤੀਆਂ ਦੀ ਮੰਗ ਕਰਦੇ ਹੋਏ ਇੱਕ ਵੱਡੀ ਰੈਲੀ ਕੀਤੀ।
"ਸਿਰਫ਼ ਧੰਨਵਾਦ ਹੀ ਨਹੀਂ" ਸ਼ਬਦਾਵਲੀ ਨਾਲ ਅੰਕਿਤ ਲਾਲ ਕਮੀਜ਼ਾਂ ਵਿੱਚ ਸਜੇ ਅਧਿਆਪਕ ਮੁਸ਼ਕਲ ਵਰਤਮਾਨ ਹਲਾਤਾਂ ਅਤੇ ਲਗਾਤਾਰ ਵੱਧ ਰਹੀ ਰਿਕਾਰਡ ਤੋੜ ਮਹਿੰਗਾਈ ਦਰ ਦੇ ਚਲਦਿਆਂ ਸਰਕਾਰ ਤੋਂ ਤਨਖਾਹ ਵਿੱਚ ਸਾਰਥਕ ਵਾਧੇ ਦੀ ਮੰਗ ਕਰ ਰਹੇ ਹਨ। ਨਿਊ ਸਾਊਥ ਵੇਲਜ਼ ਟੀਚਰਜ਼ ਫੈਡਰੇਸ਼ਨ ਨੇ ਪੰਜ ਤੋਂ ਸੱਤ ਫੀਸਦੀ ਦੇ ਵਿਚਕਾਰ ਤਨਖਾਹ ਵਿੱਚ ਵਾਧੇ ਦੀ ਮੰਗ ਕੀਤੀ ਹੈ।
ਬਹੁਤ ਸਾਰੇ ਪ੍ਰਦਰਸ਼ਨਕਾਰੀਆਂ ਨੇ ਰਹਿਣ-ਸਹਿਣ ਦੀਆਂ ਵੱਧ ਰਹਿਆਂ ਲਾਗਤਾਂ ਵੱਲ ਸਰਕਾਰ ਦਾ ਧਿਆਨ ਦਵਾਉਣ ਲਈ "ਇਸ ਤਨਖ਼ਾਹ ਵਿੱਚ ਅਜਕਲ ਲੈਟਿਸ ਖਾਣੀ ਵੀ ਔਖੀ" ਵਰਗੀਆਂ ਵਿਅੰਗਮਈ ਤਖ਼ਤੀਆਂ ਵੀ ਫੜੀਆਂ ਹੋਈਆਂ ਸਨ।
ਨਿਊ ਸਾਊਥ ਵੇਲਜ਼ ਟੀਚਰਜ਼ ਫੈਡਰੇਸ਼ਨ ਅਤੇ ਨਿਊ ਸਾਊਥ ਵੇਲਜ਼ ਅਤੇ ਏ ਸੀ ਟੀ ਦੀ ਇੰਡੀਪੈਂਡੈਂਟ ਐਜੂਕੇਸ਼ਨ ਯੂਨੀਅਨ, ਜੋ ਕਿ ਤਕਰੀਬਨ 85,000 ਅਧਿਆਪਕਾਂ ਦੀ ਨੁਮਾਇੰਦਗੀ ਕਰਦੀ ਹੈ,ਵਲੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਪਿਛਲੇ ਛੇ ਮਹੀਨਿਆਂ ਵਿੱਚ ਇਹ ਤੀਜੀ ਵਾਰ ਸਰਕਾਰ ਖ਼ਿਲਾਫ਼ ਪ੍ਰਦਰਸ਼ਨ ਕੀਤਾ ਗਿਆ।
For more details read this story in English
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
