ਆਸਟ੍ਰੇਲੀਅਨ ਬਿਊਰੋ ਆਫ ਸਟੈਟਿਸਟਿਕਸ ਵਲੋਂ ਸਾਲ 2016 ਵਿੱਚ ਕਰਵਾਈ ਜਨਗਨਣਾ ਵਾਲੇ ਆਂਕੜੇ ਦਰਸਾਉਂਦੇ ਹਨ ਕਿ ਆਸਟ੍ਰੇਲੀਆ ਵਿੱਚ ਭਾਰਤ ਦੇ ਜਨਮੇ ਹੋਏ ਕੁੱਲ 455,385 ਲੋਕ ਰਹ ਰਹੇ ਹਨ। ਅਤੇ ਇਸ ਨਾਲ ਇਹ ਵੀ ਪਤਾ ਚਲਿਆ ਹੈ ਕਿ ਪਿਛਲੇ 5 ਸਾਲਾਂ ਦੌਰਾਨ ਭਾਰਤ ਦੇ ਜਨਮੇ ਹੋਏ ਲੋਕਾਂ ਦੀ ਗਿਣਤੀ ਵਿੱਚ 54 ਪ੍ਰਤੀਸ਼ਤ ਦਾ ਵਾਧਾ ਦਰਜ ਹੋਇਆ ਹੈ।
ਆਸਟ੍ਰੇਲੀਆ ਦੀ ਕੁੱਲ ਆਬਾਦੀ ਦਾ 2.1% ਭਾਰਤੀ ਮੂਲ ਦੇ ਲੋਕਾਂ ਦਾ ਹੈ। ਅਤੇ ਇਹ ਆਸਟ੍ਰੇਲੀਆ ਵਿੱਚ ਵਿਦੇਸ਼ਾਂ ਤੋਂ ਜਨਮੇ ਹੋਏ ਲੋਕਾਂ ਦਾ ਪੰਜਵਾਂ ਹਿੱਸਾ ਬਣਦੇ ਹਨ।
ਭਾਰਤ ਦੇ ਜਨਮੇ ਹੋਏ ਲੋਕਾਂ ਵਿੱਚ ਪੰਜਾਬੀ ਭਾਸ਼ਾ ਸਭ ਤੋਂ ਜਿਆਦਾ ਬੋਲੀ ਜਾਂਦੀ ਹੈ। ਸਾਲ 2016 ਵਾਲੀ ਜਨਗਨਣਾ ਵਿੱਚ ਭਾਰਤੀ ਮੂਲ ਦੇ 22% ਆਸਟ੍ਰੇਲੀਅਨ ਲੋਕਾਂ ਨੇ ਕਿਹਾ ਸੀ ਕਿ ਉਹ ਘਰਾਂ ਵਿੱਚ ਪੰਜਾਬੀ ਬੋਲਦੇ ਹਨ।
ਹਿੰਦੀ, ਮਲਿਆਲਮ ਅਤੇ ਗੁਜਰਾਤੀ ਭਾਸ਼ਾਵਾਂ ਇਸ ਪ੍ਰਕਾਰ ਅਨੁਸਾਰ ਦੂਜੇ, ਤੀਜੇ ਅਤੇ ਚੌਥੇ ਸਥਾਨ ਉੱਤੇ ਆਈਆਂ ਹਨ।
ਕੁੱਲ ਮਿਲਾ ਕੇ 102,661 ਭਾਰਤ ਦੇ ਜਨਮੇ ਹੋਏ ਲੋਕਾਂ ਨੇ ਪੰਜਾਬੀ ਨੂੰ ਆਪਣੀ ਮਾਂ-ਬੋਲੀ ਵਜੋਂ ਦਰਜ ਕੀਤਾ ਹੈ ਅਤੇ ਇਸ ਨਾਲ ਇਹ ਭਾਰਤੀ ਮੂਲ ਦੇ ਲੋਕਾਂ ਵਿੱਚ ਸਭ ਤੋਂ ਜਿਆਦਾ ਬੋਲਣ ਵਾਲੀ ਭਾਸ਼ਾ ਬਣ ਗਈ ਹੈ। ਇਸ ਸਮੇਂ ਆਸਟ੍ਰੇਲੀਆ ਵਿੱਚ ਕੁੱਲ 132,000 ਪੰਜਾਬੀ ਬੋਲਣ ਵਾਲਿਆਂ ਵਿੱਚੋਂ ਤਕਰੀਬਨ 78% (ਪੰਜਾਂ ਵਿੱਚੋਂ ਚਾਰ) ਭਾਰਤ ਦੇ ਜਨਮੇ ਹੋਏ ਹਨ।
ਅਤੇ ਭਾਰਤ ਦੇ ਜਨਮੇ ਹੋਏ ਆਸਟ੍ਰੇਲੀਅਨ ਲੋਕਾਂ ਵਿੱਚੋਂ ਦੂਜੇ ਨੰਬਰ ਉੱਤੇ ਹਿੰਦੀ ਭਾਸ਼ਾ ਬੋਲਣ ਵਾਲਿਆਂ ਦੀ ਸੰਖਿਆ 98,623 ਦਰਜ ਕੀਤੀ ਗਈ ਹੈ। ਅਤੇ ਇਹਨਾਂ ਵਿੱਚੋਂ 62.4% ਭਾਰਤ ਦੇ ਜਨਮੇ ਹੋਏ ਹਨ ਅਤੇ ਤਕਰੀਬਨ 21.4% ਫਿਜੀ ਦੇ ਜਨਮੇ ਹੋਏ ਹਨ।
40,000 ਤੋਂ ਕੁੱਝ ਜਿਆਦਾ ਯਾਨਿ ਕਿ 76.6% ਮਲਿਆਲੀ ਭਾਸ਼ਾ ਬੋਲਣ ਵਾਲੇ ਆਸਟ੍ਰੇਲੀਅਨ, ਭਾਰਤ ਵਿੱਚ ਜਨਮੇ ਹੋਏ ਹਨ। ਜਦਕਿ 38,256 ਆਸਟ੍ਰੇਲੀਅਨ ਲੋਕਾਂ ਨੇ ਲਿਖਾਇਆ ਹੈ ਕਿ ਉਹ ਘਰਾਂ ਵਿੱਚ ਗੁਜਰਾਤੀ ਭਾਸ਼ਾ ਬੋਲਦੇ ਹਨ।
ਏ ਬੀ ਐਸ ਵਲੋਂ ਜਾਰੀ ਕੀਤੇ ਗਏ ਆਂਕੜਿਆਂ ਨੂੰ ਜੇ ਥੋੜਾ ਹੋਰ ਖੰਘਾਲਿਆ ਜਾਵੇ ਤਾਂ ਪਤਾ ਚਲਦਾ ਹੈ ਕਿ ਵਿਕਟੋਰੀਆ ਸੂਬੇ ਵਿੱਚ ਚੋਟੀ ਦੀਆਂ ਛੇ ਭਾਸ਼ਾਵਾਂ ਵਿੱਚੋਂ ਪੰਜਾਬੀ ਹੀ ਘਰਾਂ ਵਿੱਚ ਸਭ ਤੋਂ ਜਿਆਦਾ ਬੋਲੀ ਜਾਂਦੀ ਹੈ। 2016 ਵਾਲੀ ਜਨਸੰਖਿਆ ਦੇ ਆਂਕੜੇ ਦਰਸਾਉਂਦੇ ਹਨ ਕਿ ਵਿਕਟੋਰੀਆ ਦੇ 31,523 ਮਰਦ ਅਤੇ 24,645 ਔਰਤਾਂ ਘਰਾਂ ਵਿੱਚ ਪੰਜਾਬੀ ਬੋਲਦੇ ਹਨ।
ਆਸਟ੍ਰੇਲੀਅਨ ਬਿਊਰੋ ਆਫ ਸਟੈਟਿਸਟਿਕਸ ਵਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਮੈਲਬਰਨ ਦੀਆਂ ਚੋਟੀ ਦੀਆਂ ਭਾਸ਼ਾਵਾਂ ਦੀ ਸੂਚੀ ਵਿੱਚ ਪੰਜਾਬੀ ਦਾ ਸਥਾਨ ਸੱਤਵਾਂ ਹੈ। ਇਹ ਮੈਲਬਰਨ ਦੀ ਕੁੱਲ ਜਨਸੰਖਿਆ ਵਿੱਚੋਂ 1.2% ਲੋਕਾਂ ਵਲੋਂ ਬੋਲੀ ਜਾਂਦੀ ਹੈ। ਅਤੇ ਭਾਰਤੀ ਖਿੱਤੇ ਦੀਆਂ ਬਾਕੀ ਦੀਆਂ ਭਾਸ਼ਾਵਾਂ ਵਿੱਚੋਂ ਸਭ ਤੋਂ ਅੱਗੇ ਹੈ, ਇਸ ਤੋਂ ਪਿੱਛੇ ਆਉਂਦੀਆਂ ਹਨ ਹਿੰਦੀ ਅਤੇ ਸਿਨਹਾਲੀਜ਼।
ਵਿਕਟੋਰੀਆ ਦੇ ਨਾਲ ਆਸਟ੍ਰੇਲੀਆ ਦੇ ਦੋ ਹੋਰ ਸੂਬਿਆਂ ਵਿੱਚ ਵੀ ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ ਬਾਕੀ ਦੀਆਂ ਭਾਰਤੀ ਭਾਸ਼ਾਵਾਂ ਦੇ ਮੁਕਾਬਲੇ ਕਾਫੀ ਜਿਆਦਾ ਹੈ। ਇਹ ਹਨ ਪੱਛਮੀ ਆਸਟ੍ਰੇਲੀਆ ਜਿੱਥੇ ਕਿ 12,223 ਪੰਜਾਬੀ ਬੋਲਣ ਵਾਲੇ ਰਹਿੰਦੇ ਹਨ ਜਿਨਾਂ ਵਿੱਚੋਂ 6,862 ਮਰਦ ਅਤੇ 5,537 ਔਰਤਾਂ ਹਨ।
ਤੀਜੇ ਸਥਾਨ ਤੇ ਆਉਣ ਵਾਲਾ ਸੂਬਾ ਹੈ ਦੱਖਣੀ ਆਸਟ੍ਰੇਲੀਆ ਜਿੱਥੇ ਵੀ ਪੰਜਾਬੀ ਨੇ ਬਾਕੀ ਦੀਆਂ ਭਾਰਤੀ ਖਿੱਤੇ ਵਾਲੀਆਂ ਭਾਸ਼ਾਵਾਂ ਨੂੰ ਪਿੱਛੇ ਛੱਡਿਆ ਹੋਇਆ ਹੈ। ਇਸ ਸੂਬੇ ਵਿੱਚ ਕੁੱਲ 9,306 ਪੰਜਾਬੀ ਰਹਿੰਦੇ ਹਨ ਅਤੇ ਇਹਨਾਂ ਵਿੱਚੋਂ 5,031 ਮਰਦ ਅਤੇ 4,273 ਔਰਤਾਂ ਹਨ।
ਕੂਈਨਜ਼ਲੈਂਡ ਸੂਬੇ ਵਿੱਚ ਪੰਜਾਬੀ ਅਤੇ ਹਿੰਦੀ ਬੋਲਣ ਵਾਲਿਆਂ ਦੀ ਗਿਣਤੀ ਲਗਭਗ ਇੱਕੋ ਜਿੰਨੀ ਹੈ। ਬਹੁਤ ਥੋੜੇ ਫਰਕ ਨਾਲ, ਹਿੰਦੀ ਬੋਲਣ ਵਾਲੇ ਕੁੱਲ 18,163 ਲੋਕ, ਪੰਜਾਬੀ ਬੋਲਣ ਵਾਲੇ 17,991 ਨਾਲੋਂ ਅੱਗੇ ਹਨ। ਇੱਥੇ ਤਮਿਲ ਬੋਲਣ ਵਾਲਿਆਂ ਦੀ ਗਿਣਤੀ 2,564 ਹੈ।
ਸਾਊਥ ਆਸਟ੍ਰੇੁਲੀਆ ਵਿੱਚ 9,306 ਪੰਜਾਬੀ ਬੋਲਣ ਵਾਲੇ ਹਨ, ਨਾਰਦਰਨ ਟੈਰੀਟੋਰੀ ਵਿੱਚ 670 ਅਤੇ ਤਸਮਾਨੀਆ ਵਿੱਚ 489।
ਕੁੱਲ਼ ਮਿਲਾ ਕਿ ਆਸਟ੍ਰੇਲੀਆ ਭਰ ਵਿੱਚ ਭਾਰਤੀ ਸਬ-ਕੋਂਟੀਨੈਂਟ ਦੀ ਸਭ ਤੋਂ ਜਿਆਦਾ ਬੋਲੀ ਜਾਣ ਵਾਲੀ ਭਾਸ਼ਾ ਹਿੰਦੀ ਹੈ ਅਤੇ ਇਸ ਨੂੰ ਬੋਲਣ ਵਾਲਿਆਂ ਦੀ ਬਹੁਤਾਤ ਨਿਊ ਸਾਊਥ ਵੇਲਜ਼ ਵਿੱਚ ਸਭ ਤੋਂ ਜਿਆਦਾ ਹੈ ਜਿੱਥੇ ਕਿ 67,304 ਲੋਕਾਂ ਵਲੋਂ ਹਿੰਦੀ ਬੋਲੀ ਜਾਂਦੀ ਹੈ। ਇਸ ਤੋਂ ਬਾਅਦ ਨੰਬਰ ਆਉਂਦਾ ਹੈ ਪੰਜਾਬੀ ਬੋਲਣ ਵਾਲਿਆਂ ਦਾ, ਜੋ ਕਿ 34,345 ਬਣਦਾ ਹੈ। ਅਤੇ ਉਸ ਤੋਂ ਪਿੱਛੇ ਹਨ ਬੰਗਾਲੀ, ਉਰਦੂ ਅਤੇ ਤਮਿਲ। ਇਸ ਵੀ ਗੌਰ ਕਰਨ ਵਾਲਾ ਹੈ ਕਿ ਆਸਟ੍ਰੇਲੀਆ ਦੇ ਕੁੱਲ ਹਿੰਦੂ ਲੋਕਾਂ ਵਿੱਚੋਂ 40% ਸਿਰਫ ਐਨ ਐਸ ਡਬਲਿਊ ਵਿੱਚ ਹੀ ਰਹਿੰਦੇ ਹਨ।
Please note: All the graphs and pie charts above were collated from the Quick Stats data provided by the Australian Bureau of Statistics for Census 2016, which gave information about six subcontinental languages - Punjabi, Hindi, Urdu, Bengali, Tamil and Sinhalese. Apart from these, Gujarati and Malayalam are the most popular Indian subcontinental languages spoken in Australia. There are 52,888 Gujarati speakers in Australia (18,873 in NSW and 15,059 in Victoria), and there are 53,206 Malayalam speakers in Australia (13,881 in NSW and 16,950 in Victoria).
To explore more details about any language community in Australia, go to http://www.sbs.com.au/news/census-explorer
For more news and updates, follow SBS Punjabi on Facebook and Twitter.
