ਆਸਟ੍ਰੇਲੀਅਨ ਫੈਡਰਲ ਪੁਲਿਸ ਨੇ 21 ਸਾਲਾ ਪਾਕਿਸਤਾਨੀ ਮੂਲ ਦੇ ਆਦਮੀ ‘ਅਹਿਮਦ’ ਨੂੰ ਪਰਥ ਏਅਰਪੋਰਟ ਤੋਂ ਮੈਲਬੌਰਨ ਜਾਂਦੀ ਉਡਾਣ ਵਿੱਚੋਂ ਉਤਾਰ ਕੇ ਗਿਰਫ਼ਤਾਰ ਕੀਤਾ ਹੈ। ਤਲਾਸ਼ੀ ਦੌਰਾਨ, ਉਸਦੇ ਸਮਾਨ ਵਿੱਚੋਂ ਕਥਿਤ ਤੌਰ ‘ਤੇ ਕਰੀਬ $100,000 ਨਕਦ ਬਰਾਮਦ ਕੀਤਾ ਗਿਆ, ਜਦਕਿ ਉਸਦੇ ਹਵਾਈ ਟਿੱਕਟ ਉੱਤੇ ਦਰਜ ਨਾਮ ਵੀ ਉਸ ਦੇ ਪਹਿਚਾਣ ਪੱਤਰ ਨਾਲ ਮੇਲ ਨਹੀਂ ਖਾਂਦਾ ਸੀ।
19 ਜੂਨ ਨੂੰ ਆਸਟ੍ਰੇਲੀਅਨ ਫੈਡਰਲ ਪੁਲਿਸ (AFP) ਨੇ ਪਰਥ ਏਅਰਪੋਰਟ ਉੱਤੇ 21 ਸਾਲਾ ਪਾਕਿਸਤਾਨੀ ਨਾਗਰਿਕ ਅਹਿਮਦ ਨੂੰ ਮੈਲਬਰਨ ਜਾਂਦੀ ਉਡਾਣ ‘ਤੇ ਸਵਾਰ ਹੋਣ ਤੋਂ ਪਹਿਲਾਂ ਗਿਰਫ਼ਤਾਰ ਕਰ ਲਿਆ।
AFP ਦੇ ਮੀਡਿਆ ਰਿਲੀਜ਼ ਅਨੁਸਾਰ ਤਲਾਸ਼ੀ ਲੈਣ ਉੱਤੇ ਇਸ ਵਿਅਕਤੀ ਦੇ ‘ਕੈਰੀ ਆਨ ਲੱਗੇਜ’ ਵਿੱਚੋਂ $50 ਨੋਟਾਂ ਦੀਆਂ ਗੱਥੀਆਂ ਮਿਲੀਆਂ ਜੋ ਕੇ ਤਕਰੀਬਨ $100,000 ਨਕਦ ਸੀ। ਉਸ ਦੇ ਬੋਰਡਿੰਗ ਪਾਸ ਉੱਪਰ ਛਪਿਆ ਨਾਮ ਵੀ ਉਸ ਦੇ ਪਾਸਪੋਰਟ ਨਾਲ ਨਹੀਂ ਮਿਲਿਆ।
ਅਹਿਮਦ ਨੂੰ ਜਹਾਜ ਵਿੱਚੋਂ ਗਿਰਫ਼ਤਾਰ ਕਰ ਲਿਆ ਗਿਆ ਅਤੇ ਕਥਿਤ ਤੌਰ ‘ਤੇ ਦੋ ਕਾਨੂੰਨੀ ਅਪਰਾਧਾਂ ਦੇ ਦੋਸ਼ ਲਗਾਏ ਗਏ ਹਨ ਜਿਸ ਵਿੱਚ ਅਪਰਾਧ ਨਾਲ ਕਮਾਈ ਹੋਈ ਦੌਲਤ ਨਾਲ ਸੌਦਾ ਕਰਨਾ ਅਤੇ ਝੂਠੀ ਪਹਿਚਾਣ ਨਾਲ ਹਵਾਈ ਟਿਕਟ ਲੈਣਾ ਸ਼ਾਮਿਲ ਹਨ।
20 ਜੂਨ ਤੋਂ ਪੁਲਿਸ ਰਿਮਾਂਡ ‘ਚ ਰਹਿਣ ਤੋਂ ਬਾਅਦ, 24 ਜੂਨ ਨੂੰ ਉਸਨੂੰ ਸ਼ਰਤਾਂ ਸਮੇਤ ਜ਼ਮਾਨਤ ਮਿਲ ਗਈ ਹੈ। ਮਾਮਲੇ ਦੀ ਅਗਲੀ ਸੁਣਵਾਈ 15 ਅਗਸਤ ਨੂੰ ਪਰਥ ਮੈਜਿਸਟਰੇਟਸ ਕੋਰਟ ਵਿਚ ਹੋਵੇਗੀ।
ਪੂਰਾ ਵੇਰਵਾ ਇਸ ਆਡੀਉ ਵਿੱਚ ਸੁਣੋ।
ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ।
ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ
ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ
ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
