ਕੰਜ਼ਿਊਮਰ ਵਾਚਡੌਗ ਅਨੁਸਾਰ ਕੋਵਿਡ ਮਹਾਂਮਾਰੀ ਦੌਰਾਨ ਕਵਾਂਟਾਸ ਨੇ ਕਥਿਤ ਤੌਰ 'ਤੇ ਪਹਿਲਾਂ ਤੋਂ ਹੀ ਰੱਦ ਕੀਤੀਆਂ ਹਜ਼ਾਰਾਂ ਉਡਾਣਾਂ ਲਈ ਲੋਕਾਂ ਨੂੰ 8,000 ਤੋਂ ਵੱਧ ਬੇਕਾਰ ਟਿਕਟਾਂ ਵੇਚੀਆਂ ਸਨ। ਜਨਤਕ ਪ੍ਰਤੀਕ੍ਰਿਆ ਤੋਂ ਬਾਅਦ ਕਵਾਂਟਾਸ ਲੱਖਾਂ ਡਾਲਰ ਦੇ ਯਾਤਰਾ ਕ੍ਰੈਡਿਟ ਦੀ ਮਿਆਦ ਦੀ ਪਹਿਲੀ ਮਿੱਥੀ ਹੋਈ ਮਿਤੀ ਨੂੰ ਹੁਣ ਰੱਦ ਕਰ ਰਿਹਾ ਹੈ, ਅਤੇ ਪ੍ਰਭਾਵਿਤ ਗਾਹਕ ਹੁਣ ਭਵਿੱਖ ਵਿੱਚ ਕਿਸੇ ਵੀ ਸਮੇਂ ਇੰਨ੍ਹਾ ਤੋਂ ਰਿਫੰਡ ਦੀ ਬੇਨਤੀ ਕਰਨ ਦੇ ਯੋਗ ਹੋਣਗੇ।
ਕਵਾਂਟਾਸ ਏਅਰਵੇਜ਼ ਨੂੰ ਫੈਡਰਲ ਕੋਰਟ ਵਿੱਚ ਮਲਟੀਮਿਲੀਅਨ ਡਾਲਰ ਦੇ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਮਹਾਂਮਾਰੀ ਦੌਰਾਨ ਫਲਾਈਟਾਂ ਦੇ ਰੱਦ ਹੋਣ ਦੇ ਔਸਤਨ ਦੋ ਹਫ਼ਤਿਆਂ ਤੋਂ ਬਾਅਦ ਪਹਿਲਾਂ ਹੀ ਰੱਦ ਕੀਤੀਆਂ 8,000 ਤੋਂ ਵੱਧ ਉਡਾਣਾਂ ਦੀਆਂ ਟਿਕਟਾਂ ਵੇਚਣ ਲਈ ਆਸਟ੍ਰੇਲੀਆਈ ਪ੍ਰਤੀਯੋਗਤਾ ਅਤੇ ਖਪਤਕਾਰ ਕਮਿਸ਼ਨ (ACCC) ਰਾਸ਼ਟਰੀ ਕੈਰੀਅਰ ਕਵਾਂਟਾਸ ਏਅਰਲਾਈਨ 'ਤੇ ਮੁਕੱਦਮਾ ਕਰ ਰਹੀ ਹੈ।
ਕਵਾਂਟਾਸ ਦੇ ਗਾਹਕ ਜਿਨ੍ਹਾਂ ਦੀਆਂ ਉਡਾਣਾਂ ਬਾਰਡਰ ਬੰਦ ਹੋਣ ਕਾਰਨ ਰੱਦ ਕੀਤੀਆਂ ਗਈਆਂ ਸਨ, ਕਥਿਤ ਤੌਰ 'ਤੇ ਹੁਣ ਭਵਿੱਖ ਵਿੱਚ ਕਿਸੇ ਵੀ ਸਮੇਂ ਰਿਫੰਡ ਦੀ ਬੇਨਤੀ ਕਰਨ ਦੇ ਯੋਗ ਹੋਣਗੇ।
ਕਵਾਂਟਾਸ ਕੋਲ ਲਗਭਗ $500 ਮਿਲੀਅਨ ਬਕਾਇਆ ਫਲਾਈਟ ਕ੍ਰੈਡਿਟ ਹਨ, ਜਿਸ ਵਿੱਚ ਵਾਧੂ $100 ਮਿਲੀਅਨ ਅਜੇ ਤੱਕ Jetstar ਗਾਹਕਾਂ ਦੁਆਰਾ ਰੀਡੀਮ ਕੀਤੇ ਜਾਣੇ ਹਨ।
ਵਧੇਰੇ ਲੋਕਾਂ ਨੂੰ ਆਪਣੇ ਕ੍ਰੈਡਿਟ ਨਾਲ ਮੁੜ ਜੁੜਨ ਲਈ ਉਤਸ਼ਾਹਿਤ ਕਰਨ ਲਈ ਹੁਣ ਏਅਰਲਾਈਨ 4 ਸਤੰਬਰ ਤੋਂ 31 ਦਸੰਬਰ ਦੇ ਵਿਚਕਾਰ ਬੁੱਕ ਕੀਤੀਆਂ ਉਡਾਣਾਂ ਤੋਂ ਦੁੱਗਣੇ ਫਲਾਇਰ ਪੁਆਇੰਟਾਂ ਦੀ ਵੀ ਪੇਸ਼ਕਸ਼ ਕਰ ਰਹੀ ਹੈ।
ਉਪਭੋਗਤਾ ਨਿਗਰਾਨ (Consumer watchdog) ਨੇ ਕਵਾਂਟਾਸ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਹੈ ਅਤੇ ਦਾਅਵਾ ਕੀਤਾ ਹੈ ਕਿ ਉਸਨੇ ਪਹਿਲਾਂ ਹੀ ਰੱਦ ਕੀਤੀਆਂ ਉਡਾਣਾਂ ਦੀਆਂ ਟਿਕਟਾਂ ਮੁੜ ਵੇਚੀਆਂ ਹਨ।
ਆਸਟ੍ਰੇਲੀਆਈ ਖਪਤਕਾਰ ਅਤੇ ਮੁਕਾਬਲਾ ਕਮਿਸ਼ਨ ACCC ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਉਹ ਕੰਪਨੀਆਂ ਦੇ ਕਾਰੋਬਾਰ ਕਰਨ ਦੇ ਤਰੀਕੇ ਨੂੰ ਬਦਲਣਾ ਚਾਹੁੰਦੇ ਹਨ।
ਹੋਰ ਜਾਣਕਾਰੀ ਲਈ ਇਹ ਆਡੀਓ ਸੁਣੋ
