ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ੀ ਵੱਲੋਂ ਮਹਾਰਾਣੀ ਐਲਜ਼ਿਾਬੈਥ-॥ ਦੀ ਮੌਤ ਉੱਤੇ ਸੋਗ ਮਨਾਉਣ ਲਈ 22 ਸਤੰਬਰ ਨੂੰ ‘ਪਬਲਿਕ ਹਾਲੀਡੇਅ’ ਦੇ ਐਲਾਨ ਪਿੱਛੋਂ ਕੁਝ ਲੋਕ ਪ੍ਰੇਸ਼ਾਨ ਹਨ।
ਹਰ ਕੋਈ ਜਨਤਕ ਛੁੱਟੀ ਲਈ 22 ਸਤੰਬਰ ਦੇ ਦਿਨ ਦੀ ਚੋਣ ਕੀਤੇ ਜਾਣ ਤੋਂ ਖੁਸ਼ ਨਹੀਂ ਹੈ। ਇਕ ਪਾਸੇ ਏ.ਐਫ.ਐਲ ਦਾ ਫਾਈਨਲ ਮੈਚ ਅਤੇ ਦੂਜੇ ਪਾਸੇ ਪਹਿਲਾਂ ਹੀ ਸ਼ੁਕਰਵਾਰ 23 ਸਤੰਬਰ ਨੂੰ ‘ਵਿਕਟੋਰੀਅਨ ਪਬਲਿਕ ਹਾਲੀਡੇਅ’ ਹੁੰਦਾ ਹੈ। ਅਜਿਹੇ ਵਿੱਚ 22 ਸਤੰਬਰ ਨੂੰ ਇੱਕ ਹੋਰ ਜਨਤਕ ਛੁੱਟੀ ਨਾਲ ਕਾਰੋਬਾਰੀ ਕੁੱਝ ਨਿਰਾਸ਼ ਹਨ।
ਬਰੂਸ ਕੀਬੌਅ ਏ.ਐਫ.ਐਲ ਗ੍ਰੈਂਡ ਫਾਈਨਲ ਸਮਾਗਮਾਂ ਦਾ ਮੰਚਨ ਕਰਨ ਵਾਲੀ ਕੰਪਨੀ ‘ਦਾ ਬਿੱਗ ਗਰੁੱਪ’ ਦੇ ਸੰਸਥਾਪਕ ਹਨ।
ਉਹਨਾਂ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਕੰਪਨੀ ਲਈ ਇਹ ਸਭ ਤੋਂ ਮਾੜਾ ਸਮ੍ਹਾਂ ਹੈ।
ਵੱਖ-ਵੱਖ ਰਾਜਾਂ ਅਤੇ ਪ੍ਰਦੇਸ਼ਾਂ ਦੀਆਂ ਜਨਤਕ ਛੁੱਟੀਆਂ ਵਿੱਚ ਇੱਕਸਾਰਤਾ ਦੀ ਘਾਟ ਹੈ ਅਤੇ ‘ਆਸਟ੍ਰੇਲੀਅਨ ਰਿਟੇਲਰ ਐਸੋਸੀਏਸ਼ਨ’ ਦੇ ਮੁਤਾਬਕ ਇਹ ਘਾਟ ਦੇਸ਼ ਦੇ ਕਾਰੋਬਾਰਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ।
ਕੁੱਝ ਕਾਰੋਬਾਰੀ ਜਿਵੇਂ ਕਿ ਬਰੂਸ ਕੀਬੌਅ ਦਾ ਕਹਿਣਾ ਹੈ ਕਿ ਸਮਾਂ ਆ ਗਿਆ ਹੈ ਕਿ ਕਰਮਚਾਰੀਆਂ ਨੂੰ ਵਧੇਰੇ ਵਿਕਲਪ ਦਿੱਤੇ ਜਾਣ ਬਾਰੇ ਵਿਚਾਰ ਕੀਤੀ ਜਾਵੇ ਕਿ ਉਹ ਕਿਹੜੀਆਂ ਜਨਤਕ ਛੁੱਟੀਆਂ ਚਾਹੁੰਦੇ ਹਨ।
