ਫੈਡਰਲ ਚੈਂਬਰ ਆਫ ਆਟੋਮੋਟਿਵ ਇੰਡਸਟਰੀਜ਼ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਪਿਛਲੇ ਸਾਲ 1.2 ਮਿਲੀਅਨ ਨਵੇਂ ਵਾਹਨ ਡਿਲੀਵਰ ਕੀਤੇ ਗਏ ਸਨ ਅਤੇ ਵਿਕਰੀ 'ਚ 18 ਫੀਸਦੀ ਮਾਰਕੀਟ ਸ਼ੇਅਰ ਦੇ ਨਾਲ ਟੋਯੋਟਾ ਸਭ ਤੋਂ ਵੱਧ ਵਿਕਣ ਵਾਲਾ ਬ੍ਰਾਂਡ ਹੈ। 2023 ਵਿੱਚ ਨਵੀਂਆਂ ਇਲੈਕਟ੍ਰਿਕ ਵਾਹਨਾਂ ਦੀ ਵਿਕਰੀ 7.2 ਪ੍ਰਤੀਸ਼ਤ ਤੱਕ ਪਹੁੰਚ ਗਈ, ਜੋ ਕਿ 2022 ਵਿੱਚ 3.1 ਪ੍ਰਤੀਸ਼ਤ ਸੀ। ਇਹ ਵਾਧਾ ਕੋਵਿਡ ਮਹਾਂਮਾਰੀ ਦੌਰਾਨ ਸਪਲਾਈ ਦੀ ਘਾਟ ਕਾਰਨ ਪੈਦਾ ਹੋਈ ਮੰਗ ਦੇ ਕਾਰਨ ਪੈਦਾ ਹੋਇਆ ਦੱਸਿਆ ਜਾ ਰਿਹਾ ਹੈ। ਆਸਟ੍ਰੇਲੀਆ ਦੇ ਮੌਜੂਦਾ ਕਾਰ ਬਾਜ਼ਾਰ ਅੰਕੜਿਆਂ ਬਾਰੇ ਵਿਸਥਾਰ 'ਚ ਜਾਨਣ ਲਈ ਸੁਣੋ ਇਹ ਖਾਸ ਰਿਪੋਰਟ...
ਆਸਟ੍ਰੇਲੀਆ 'ਚ ਮਹਿੰਗਾਈ ਕਰਕੇ ਸਾਹਮਣੇ ਆਈਆਂ ਰਹਿਣ-ਸਹਿਣ ਦੀਆਂ ਚੁਣੌਤੀਆਂ 2023 ਵਿੱਚ ਨਵੀਂਆਂ ਕਾਰਾਂ ਦੀ ਵਿਕਰੀ 'ਤੇ ਕਮਜ਼ੋਰ ਸਾਬਤ ਨਹੀਂ ਹੋਈਆਂ।
2017 ਦੇ ਪਿਛਲੇ ਸਭ ਤੋਂ ਵੱਧ ਕਾਰ ਵਿਕਰੀ ਦੇ ਨਤੀਜੇ ਨੂੰ ਪਛਾੜਦੇ ਹੋਏ, 2023 ਵਿੱਚ ਆਸਟ੍ਰੇਲੀਆ 'ਚ ਨਵੀਆਂ ਕਾਰਾਂ ਦੀ ਵਿਕਰੀ ਰਿਕਾਰਡ ਪੱਧਰ 'ਤੇ ਪਹੁੰਚ ਗਈ ਹੈ।
ਭਾਵੇਂ ਆਟੋਮੋਟਿਵ ਉਦਯੋਗ ਕਾਰਾਂ ਦੀ ਰਿਕਾਰਡ-ਤੋੜ ਵਿਕਰੀ ਦਾ ਸੁਆਗਤ ਕਰ ਰਿਹਾ ਹੈ, ਪਰ ਇਸ ਸਾਲ ਉਦਯੋਗ ਘੱਟ ਮਾਰਕੀਟ ਦੀ ਉਮੀਦ ਕਰ ਰਿਹਾ ਹੈ।
2023 ਵਿੱਚ ਨਵੀਂਆਂ ਇਲੈਕਟ੍ਰਿਕ ਵਾਹਨਾਂ ਦੀ ਵਿਕਰੀ 7.2 ਪ੍ਰਤੀਸ਼ਤ ਤੱਕ ਪਹੁੰਚ ਗਈ, ਜੋ ਕਿ 2022 ਵਿੱਚ 3.1 ਪ੍ਰਤੀਸ਼ਤ ਸੀ ।
ਫੈਡਰਲ ਚੈਂਬਰ ਆਫ਼ ਆਟੋਮੋਟਿਵ ਇੰਡਸਟਰੀਜ਼ (FCAI) ਦੇ ਚੀਫ ਐਗਜ਼ੀਕਿਊਟਿਵ ਟੋਨੀ ਵੇਬਰ ਦਾ ਕਹਿਣਾ ਹੈ ਕਿ ਆਸਟ੍ਰੇਲੀਆ ਦੇ ਸਾਹਮਣੇ ਇਕ ਵੱਡੀ ਚੁਣੌਤੀ ਇਲੈਕਟ੍ਰਿਕ ਵਾਹਨ ਚਾਰਜਿੰਗ ਬੁਨਿਆਦੀ ਢਾਂਚੇ ਦਾ ਨਿਰਮਾਣ ਕਰਨਾ ਹੈ ਜੋ 'ਟਰਬੋਚਾਰਜ ਈਵੀ' ਵਿਕਰੀ ਲਈ ਲੋੜੀਂਦਾ ਹੈ।
ਆਸਟ੍ਰੇਲੀਅਨ ਇਲੈਕਟ੍ਰਿਕ ਵ੍ਹੀਕਲ ਐਸੋਸੀਏਸ਼ਨ ਦੇ ਪ੍ਰਧਾਨ, ਕ੍ਰਿਸ ਜੋਨਸ ਦਾ ਕਹਿਣਾ ਹੈ ਕਿ ਚਾਰਜਿੰਗ ਬੁਨਿਆਦੀ ਢਾਂਚਾ ਇੱਕ ਚੁਣੌਤੀ ਹੈ ਪਰ ਉਹ ਕਹਿੰਦਾ ਹੈ ਕਿ ਹੋਰ ਕਾਰਕਾਂ ਨੂੰ ਸੰਬੋਧਿਤ ਕਰਨ ਦੀ ਲੋੜ ਹੈ ਤਾਂ ਜੋ ਵਧੇਰੇ ਆਸਟ੍ਰੇਲੀਆਈ ਇਲੈਕਟ੍ਰਿਕ ਵਾਹਨ ਵਿੱਚ ਤਬਦੀਲ ਹੋ ਸਕਣ।
ਆਸਟ੍ਰੇਲੀਆ ਵਿੱਚ ਜ਼ਿਆਦਾਤਰ ਕਾਰ ਖਰੀਦਦਾਰ ਵਰਤੀ ਗਈ ਕਾਰ ਖਰੀਦਣ ਦੀ ਚੋਣ ਕਰਦੇ ਹਨ ਅਤੇ ਕਹਿੰਦੇ ਹਨ ਕਿ ਇਲੈਕਟ੍ਰਿਕ ਵਾਹਨਾਂ ਲਈ ਵਰਤੀ ਗਈ ਕਾਰ ਦੀ ਮਾਰਕੀਟ ਅਜੇ ਵੀ ਬਹੁਤ ਘੱਟ ਹੈ। ਜ਼ਿਕਰਯੋਗ ਹੈ ਕਿ ਐਂਟਰੀ-ਪੱਧਰ ਦੇ ਇਲੈਕਟ੍ਰਿਕ ਵਾਹਨਾਂ ਦੀ ਕੀਮਤ ਆਸਟ੍ਰੇਲੀਆ ਵਿੱਚ ਲਗਭਗ $40,000 ਤੋਂ ਸ਼ੁਰੂ ਹੁੰਦੀ ਹੈ ।
ਜਿਵੇਂ ਕਿ ਆਸਟਰੇਲੀਆ ਆਪਣੇ 2030 ਨਿਕਾਸੀ ਘਟਾਉਣ ਦੇ ਟੀਚਿਆਂ ਨੂੰ ਵੇਖਦਾ ਹੈ, ਅਲਬਾਨੀਜ਼ ਸਰਕਾਰ 'ਤੇ ਅਜਿਹੇ ਕਾਨੂੰਨਾਂ ਨੂੰ ਲਾਗੂ ਕਰਨ ਦੇ ਵਾਅਦੇ ਨੂੰ ਪੂਰਾ ਕਰਨ ਲਈ ਦਬਾਅ ਹੈ ਜੋ ਕਾਰ ਨਿਰਮਾਤਾਵਾਂ ਨੂੰ ਸਾਫ਼-ਸੁਥਰੇ ਵਾਹਨ ਬਣਾਉਣ ਲਈ ਉਤਸ਼ਾਹਿਤ ਕਰਨਗੇ। ਜੌਨ ਡੀ ਦਾ ਕਹਿਣਾ ਹੈ ਕਿ ਸਰਕਾਰ ਨੇ 2023 ਦੇ ਅੰਤ ਤੱਕ ਅਜਿਹਾ ਉਪਾਅ ਸ਼ੁਰੂ ਕਰਨ ਦਾ ਵਾਅਦਾ ਕੀਤਾ ਸੀ ਪਰ ਅਜਿਹਾ ਕਰਨ ਵਿੱਚ ਅਸਫਲ ਰਹੀ।
ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਆਡੀਓ ਬਟਨ ‘ਤੇ ਕਲਿੱਕ ਕਰੋ।
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਪੌਪ ਦੇਸੀ 'ਤੇ ਸੁਣੋ ਸਾਨੂੰ ਫੇਸਬੁੱਕ
ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ।
