1 ਜੁਲਾਈ 2023 ਤੋਂ ਪਿਛਲੇ ਫੈਡਰਲ ਬਜਟ ਵਿੱਚ ਵਾਅਦਾ ਕੀਤੀਆਂ ਗਈਆਂ ਨੀਤੀਆਂ ਲਾਗੂ ਹੋਣਗੀਆਂ, ਜਿਸ ਵਿੱਚ ਸਸਤੀ ਚਾਈਲਡ ਕੇਅਰ,ਪੇਡ ਪੇਰੈਂਟਲ ਛੁੱਟੀ ਵਿੱਚ ਬਦਲਾਅ, ਪਹਿਲੀ ਹੋਮ ਗਰੰਟੀ ਸਕੀਮ ਦਾ ਵਿਸਥਾਰ, ਬਜ਼ੁਰਗ ਦੇਖਭਾਲ ਕਰਮਚਾਰੀਆਂ ਲਈ 15 ਪ੍ਰਤੀਸ਼ਤ ਤਨਖਾਹ ਵਿੱਚ ਵਾਧਾ, ਜੀਪੀ ਨੂੰ ਵੇਖਣ ਲਈ ਤਿੰਨ ਗੁਣਾ ਬਲਕ ਬਿਲਿੰਗ ਪ੍ਰੋਤਸਾਹਨ, ਕੁਝ ਘਰਾਂ ਲਈ ਬਿਜਲੀ ਬਿੱਲ ਵਿੱਚ ਰਾਹਤ ਅਤੇ ਛੋਟੇ ਕਾਰੋਬਾਰਾਂ ਨੂੰ ਵਧੇਰੇ ਊਰਜਾ ਕੁਸ਼ਲ ਬਣਨ ਵਿੱਚ ਮਦਦ ਸ਼ਾਮਲ ਹੈ। ਵਧੇਰੇ ਜਾਣਕਾਰੀ ਲਈ ਇਹ ਪੌਡਕਾਸਟ ਸੁਣੋ…
ਰਹਿਣ-ਸਹਿਣ ਦੀ ਲਾਗਤ ਨੇ ਆਸਟ੍ਰੇਲੀਆ ਭਰ ਦੇ ਘਰੇਲੂ ਬਜਟ ਨੂੰ ਹਿਲਾਇਆ ਹੋਇਆ ਹੈ ਪਰ ਫੈਡਰਲ ਸਰਕਾਰ ਇਸ ਨੂੰ ਸੌਖਾ ਕਰਨ ਲਈ ਉਪਾਅ ਕਰਨ ਦਾ ਵਾਅਦਾ ਕਰ ਰਹੀ ਹੈ।
ਪਹਿਲੀ ਜੁਲਾਈ ਨੂੰ ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ ਹੁੰਦੀ ਹੈ ਅਤੇ ਫੈਡਰਲ ਸਰਕਾਰ ਨੇ ਕਿਹਾ ਹੈ ਕਿ ਇਹ 1 ਜੁਲਾਈ ਤੋਂ ਇਹ ਉਪਾਅ ਘਰਾਂ 'ਤੇ ਆਰਥਿਕ ਦਬਾਅ ਨੂੰ ਘੱਟ ਕਰਨ ਅਤੇ ਮਹਿੰਗਾਈ ਨੂੰ ਘਟਾਉਣ ਦੀ ਕੋਸ਼ਿਸ਼ ਕਰਨਗੇ।
ਮਈ ਵਿੱਚ ਸਰਕਾਰ ਨੇ ਬਜਟ ਅਧੀਨ ਘਰਾਂ 'ਤੇ ਤਣਾਅ ਨੂੰ ਘੱਟ ਕਰਨ ਲਈ ਅਗਲੇ ਚਾਰ ਸਾਲਾਂ ਵਿੱਚ ਲਗਭਗ 15 ਬਿਲੀਅਨ ਡਾਲਰ ਦੇ ਰਹਿਣ-ਸਹਿਣ ਦੇ ਪੈਕੇਜ ਦਾ ਐਲਾਨ ਕੀਤਾ ਸੀ ।
ਜੌਬਸੀਕਰ, ਯੂਥ ਅਲਾਉਂਸ, ਪਾਰਟਨਰਡ ਪੇਰੈਂਟਿੰਗ ਪੇਮੈਂਟ, ਅਤੇ ਯੂਥ ਡਿਸਏਬਿਲਿਟੀ ਸਪੋਰਟ ਪੈਨਸ਼ਨ 'ਤੇ ਲੋਕਾਂ ਨੂੰ 20 ਸਤੰਬਰ ਤੋਂ ਪ੍ਰਤੀ ਪੰਦਰਵਾੜੇ $40 ਦੀ ਬੇਸ ਰੇਟ ਵਿੱਚ ਵਾਧਾ ਮਿਲੇਗਾ।
5 ਮਿਲੀਅਨ ਪਰਿਵਾਰਾਂ ਅਤੇ 10 ਲੱਖ ਛੋਟੇ ਕਾਰੋਬਾਰਾਂ ਨੂੰ ਫੈਡਰਲ ਬਜਟ ਵਿੱਚ ਊਰਜਾ ਬਿੱਲ ਵਿੱਚ ਰਾਹਤ ਮਿਲੇਗੀ, ਜੋ ਕਿ ਆਸਟ੍ਰੇਲੀਆ ਦੇ ਰਾਜਾਂ ਅਤੇ ਪ੍ਰਦੇਸ਼ਾਂ ਨਾਲ ਸਾਂਝੇ ਤੌਰ 'ਤੇ ਫੰਡ ਕੀਤੇ ਗਏ ਇੱਕ ਸਕੀਮ ਦਾ ਹਿੱਸਾ ਹੈ।
ਇਸ ਦੌਰਾਨ, ਬਿਜਲੀ ਦੇ ਬਿੱਲਾਂ ਨੂੰ ਸਥਾਈ ਤੌਰ 'ਤੇ ਘਟਾਉਣ ਅਤੇ ਸਾਫ਼-ਸੁਥਰੀਆਂ ਨੌਕਰੀਆਂ ਪੈਦਾ ਕਰਨ ਲਈ ਬਜਟ ਵਿੱਚ ਊਰਜਾ ਦੇ ਨਵੀਨੀਕਰਨ ਅਤੇ ਰਾਸ਼ਟਰ ਨਿਰਮਾਣ ਦੇ ਨਵੇਂ ਉਦਯੋਗਾਂ ਲਈ ਸਸਤੇ ਕਰਜ਼ੇ ਦੀ ਹਮਾਇਤ ਕੀਤੀ ਗਈ ਹੈ।
ਇੱਕ ਹੋਰ ਮੁੱਖ ਤਬਦੀਲੀ ਅਧੀਨ ਹੋਮ ਗਾਰੰਟੀ ਸਕੀਮ ਦੇ ਤਹਿਤ ਫਰਸਟ ਹੋਮ ਬਾਇਰ ਨਿਯਮਾਂ ਵਿੱਚ ਢਿੱਲ ਹੋਵੇਗੀ , ਸੰਭਾਵਤ ਤੌਰ 'ਤੇ ਲੱਖਾਂ ਆਸਟ੍ਰੇਲੀਅਨਾਂ ਨੂੰ ਨਵੀਂ ਜਾਇਦਾਦ ਖਰੀਦਣ ਵੇਲੇ ਸਰਕਾਰੀ ਸਹਾਇਤਾ ਲਈ ਯੋਗ ਬਣਾਇਆ ਜਾਵੇਗਾ।
ਮੁੱਖ ਤਬਦੀਲੀ ਤਹਿਤ 1 ਜੁਲਾਈ ਤੋਂ ਦੋਸਤ, ਭੈਣ-ਭਰਾ, ਅਤੇ ਪਰਿਵਾਰ ਦੇ ਹੋਰ ਮੈਂਬਰ ਮਿਲ ਕੇ ਸਾਂਝੇ ਤੌਰ 'ਤੇ ਪਹਿਲਾ ਘਰ ਖਰੀਦਣ ਦੇ ਯੋਗ ਹੋਣਗੇ ਜਦਕਿ ਪਹਿਲਾਂ ਸਿਰਫ ਵਿਆਹੇ ਹੋਏ ਯਾ 'ਡੀ ਫੈਕਟੋ' ਰਿਸ਼ਤੇ ਵਾਲੇ ਜੋੜੇ ਹੀ ਸਾਂਝੇ ਤੌਰ ਤੇ 'ਫਸਟ ਹੋਮ ਗਰੰਟੀ' ਲਈ ਯੋਗ ਸਨ।। ਨਾਲ ਹੀ ਜਿਨ੍ਹਾਂ ਨੇ ਆਸਟ੍ਰੇਲੀਆ ਵਿੱਚ ਪਿਛਲੇ 10 ਸਾਲਾਂ ਤੋਂ ਕੋਈ ਘਰ ਨਹੀਂ ਖਰੀਦਿਆ ਹੈ, ਉਹ ਵੀ ਇਸ ਸਕੀਮ ਲਈ ਅਪਲਾਈ ਕਰਨ ਦੇ ਯੋਗ ਹੋਣਗੇ।
ਫੈਡਰਲ ਸਰਕਾਰ ਡਾਕਟਰਾਂ ਦੀਆਂ ਨਿਯੁਕਤੀਆਂ ਲਈ ਬਲਕ ਬਿਲਿੰਗ ਤੱਕ ਵੀ ਪਹੁੰਚ ਵਧਾ ਰਹੀ ਹੈ ਤਾਂ ਜੋ ਜ਼ਿਆਦਾ ਲੋਕ ਬਿਨਾਂ ਕਿਸੇ ਖਰਚੇ ਦੇ GP ਨੂੰ ਦੇਖ ਸਕਣ।
ਬਜਟ ਵਿੱਚ ਆਹਮੋ-ਸਾਹਮਣੇ ਅਤੇ ਟੈਲੀਹੈਲਥ ਸਲਾਹ-ਮਸ਼ਵਰੇ ਲਈ ਤਿੰਨ ਗੁਣਾ ਬਲਕ ਬਿਲਿੰਗ ਪ੍ਰੋਤਸਾਹਨ ਲਈ ਵਾਧੂ $3.5 ਬਿਲੀਅਨ ਨਿਰਧਾਰਤ ਕੀਤੇ ਗਏ ਹਨ।
ਇਸਦਾ ਮਤਲਬ ਹੈ ਕਿ ਲਗਭਗ 11.6 ਮਿਲੀਅਨ ਆਸਟ੍ਰੇਲੀਅਨ ਬਲਕ ਬਿਲਿੰਗ ਤੱਕ ਪਹੁੰਚ ਕਰਨ ਦੇ ਯੋਗ ਹੋਣਗੇ, ਜਿਸ ਵਿੱਚ 16 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਅਤੇ ਸਿਹਤ ਦੇਖਭਾਲ ਕਾਰਡ ਧਾਰਕ ਸ਼ਾਮਲ ਹਨ।
ਖਜ਼ਾਨਚੀ ਜਿਮ ਚੈਲਮਰਸ ਦਾ ਕਹਿਣਾ ਹੈ ਕਿ ਸੁਧਾਰ ਇਹ ਯਕੀਨੀ ਬਣਾਏਗਾ ਕਿ ਕਿਸੇ ਵਿਅਕਤੀ ਦੀ ਸਿਹਤ ਸੰਭਾਲ ਦੀ ਗੁਣਵੱਤਾ ਉਹਨਾਂ ਦੇ ਮੈਡੀਕੇਅਰ ਕਾਰਡ ਦੁਆਰਾ ਗਾਰੰਟੀ ਦਿੱਤੀ ਜਾਂਦੀ ਹੈ, ਨਾ ਕਿ ਉਹਨਾਂ ਦੇ ਕ੍ਰੈਡਿਟ ਕਾਰਡ ਦੁਆਰਾ।
ਵਿਸਥਾਰ ਵਿੱਚ ਜਾਨਣ ਲਈ ਸੁਣੋ ਇਹ ਖਾਸ ਪੌਡਕਾਸਟ...
