ਮਾਨਸਿਕ ਸਿਹਤ ਵੀ ਸੰਪੂਰਨ ਸਰੀਰਕ ਸਿਹਤ ਦਾ ਹੀ ਹਿੱਸਾ ਹੈ ਪਰ ਮਾਹਰਾਂ ਦਾ ਕਹਿਣਾ ਹੈ ਕਿ ਭਾਈਚਾਰੇ ਵਿੱਚ ਇਸ ਬਾਰੇ ਬਹੁਤ ਘੱਟ ਗੱਲਬਾਤ ਕੀਤੀ ਜਾਂਦੀ ਹੈ। ਮੈਲਬੌਰਨ ਦੇ ਨਈਮ ਰਾਨਾ ਇੱਕ ਪੇਸ਼ੇਵਰ ਸਲਾਹਕਾਰ ਹਨ ਜੋ ਮੰਨਦੇ ਹਨ ਕਿ ਭਾਈਚਾਰੇ ਵਿੱਚ ਮਾਨਸਿਕ ਸਮੱਸਿਆਵਾਂ ਨੂੰ ਲੈ ਕੇ ਜਾਗਰੂਕਤਾ ਦੀ ਘਾਟ ਹੈ ਅਤੇ ਕੁੱਝ ਲੋਕ ਇਸ ਬਾਰੇ ਗੱਲ ਕਰਨ ਤੋਂ ਝਿਜਕਦੇ ਹਨ।
ਮਾਨਸਿਕ ਸਿਹਤ ਨਾਲ ਜੁੜੇ ਮਸਲਿਆਂ ਬਾਰੇ ਅਕਸਰ ਘੱਟ ਗੱਲਬਾਤ ਕੀਤੀ ਜਾਂਦੀ ਹੈ।
ਮੈਲਬੌਰਨ ਦੇ ਪੇਸ਼ੇਵਰ ਕੌਂਸਲਰ ਨਈਮ ਰਾਨਾ ਮੰਨਦੇ ਹਨ ਕਿ ਨਜ਼ਰਅੰਦਾਜ਼ੀ ਕਰਨ ਨਾਲ ਚਿੰਤਾ ਅਤੇ ਤਣਾਅ ਵਰਗੇ ਮਾਨਸਿਕ ਮਸਲੇ ਬਹੁਤ ਭਿਆਨਕ ਰੂਪ ਵੀ ਲੈ ਲੈਂਦੇ ਹਨ।
ਉਹਨਾਂ ਦਾ ਮੰਨਣਾ ਹੈ ਕਿ ਕਿਸੇ ਕਰੀਬੀ ਵਿੱਚ ਮਾਨਸਿਕ ਸਮੱਸਿਆ ਦੇ ਲੱਛਣ ਦਿਖਣ ਉੱਤੇ ਉਸਨੂੰ ਨਸੀਹਤ ਜਾਂ ਸਲਾਹ ਦੇਣ ਤੋਂ ਗੁਰੇਜ਼ ਕਰਨਾ ਚਾਹੀਦਾ ਹੈ।
ਇਹ ਕਿਸੇ ਵਿਅਕਤੀ ਦਾ ਸੁਭਾਅ ਨਹੀਂ ਬਲਕਿ ਮਾਨਸਿਕ ਰੋਗ ਦਾ ਮਾਮਲਾ ਹੋ ਸਕਦਾ ਹੈ ਅਤੇ ਉਸ ਲਈ ਪੇਸ਼ੇਵਰ ਸਹਾਇਤਾ ਲੈਣੀ ਹੀ ਲਾਹੇਵੰਦ ਵਿਕਲਪ ਹੈ।
ਨਈਮ ਰਾਨਾ ਵਲੋਂ ਸਾਂਝੇ ਕੀਤੇ ਗਏ ਹੋਰ ਸੁਝਾਅ ਪੰਜਾਬੀ ‘ਚ ਜਾਨਣ ਲਈ ਇਹ ਇੰਟਰਵਿਊ ਸੁਣੋ..
Share
