ਵਿਸ਼ਵ ਡਾਇਬੀਟੀਜ਼ ਦਿਵਸ ਹਰ ਸਾਲ 14 ਨਵੰਬਰ ਵਾਲੇ ਦਿਨ ਇਸ ਆਸ਼ੇ ਨਾਲ ਮਨਾਇਆ ਜਾਂਦਾ ਹੈ ਤਾਂ ਕਿ ਇਸ ਰੋਗ ਦੇ ਲੱਛਣਾਂ, ਕਾਰਨਾਂ ਅਤੇ ਇਸ ਦੇ ਇਲਾਜ ਬਾਰੇ ਜਾਗਰੂਕਤਾ ਫੈਲਾਈ ਜਾ ਸਕੇ।
ਐਸ ਬੀ ਐਸ ਪੰਜਾਬੀ ਨੇ ਪੇਸ਼ੇਵਰ ਡਾਈਟੀਸ਼ੀਅਨ ਸਿਮਰਨ ਗਰੋਵਰ ਨਾਲ ਗੱਲ ਕਰਦੇ ਹੋਏ ਇਸ ਰੋਗ ਦੀਆਂ ਕਿਸਮਾਂ, ਇਸ ਦੇ ਇਲਾਜ ਅਤੇ ਇਸ ਰੋਗ ਦੀ ਰੋਕਥਾਮ ਬਾਰੇ ਜਾਨਣ ਦੀ ਕੋਸ਼ਿਸ਼ ਕੀਤੀ ਹੈ।
ਪ੍ਰਮੁੱਖ ਨੁਕਤੇ:
- ਸੰਸਾਰ ਭਰ ਵਿੱਚ 14 ਨਵੰਬਰ ਦਾ ਦਿਨ ਡਾਇਬੀਟੀਜ਼ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ ਤਾਂ ਕਿ ਇਸ ਰੋਗ ਬਾਰੇ ਜਾਗਰੂਕਤਾ ਫੈਲਾਉਣ ਦੇ ਨਾਲ ਨਾਲ ਇਸ ਦੇ ਇਲਾਜ ਲਈ ਵੀ ਲੋਕਾਂ ਨੂੰ ਅੱਗੇ ਆਉਣ ਲਈ ਪ੍ਰੇਰਿਆ ਜਾਵੇ।
- ਡਾਟਿਬੀਟੀਜ਼ ਰੋਗ ਕਿਸੇ ਨੂੰ ਵੀ, ਕਿਸੇ ਵੀ ਉਮਰ ਵਿੱਚ ਹੋ ਸਕਦਾ ਹੈ, ਬੇਸ਼ਕ ਇਸ ਦੇ ਕੋਈ ਲੱਛਣ ਤੁਹਾਡੇ ਪਰਿਵਾਰ ਵਿੱਚ ਨਾ ਵੀ ਹੋਣ।
- ਡਾਇਬੀਟੀਜ਼ ਰੋਗ ਜੀਵਨਸ਼ੈਲੀ ਉੱਤੇ ਨਿਰਭਰ ਕਰਦਾ ਹੈ, ਇਸ ਲਈ ਇਸ ਰੋਗ ਨੂੰ ਛੋਟੇ ਬਦਲਾਵਾਂ ਦੁਆਰਾ ਘਟਾਇਆ ਜਾਂ ਕੁੱਝ ਕੇਸਾਂ ਵਿੱਚ ਜੜੋਂ ਵੀ ਮੁਕਾਇਆ ਜਾ ਸਕਦਾ ਹੈ।
Dietician Simran Grover spoke to SBS Punjabi on World Diabetes Day. Source: Simran Grover
ਸਿਰਫ 5 ਤੋਂ 10% ਸ਼ਰੀਰਕ ਭਾਰ ਘਟਾਉਣ ਦੇ ਨਾਲ-ਨਾਲ, ਹਰੀਆਂ ਅਤੇ ਤਾਜ਼ੀਆਂ ਸਬਜ਼ੀਆਂ ਖਾਉਣਾ ਆਦਿ ਡਾਇਬੀਟੀਜ਼ ਰੋਗ ਨੂੰ ਘਟਾਉਣ ਲਈ ਲਾਹੇਵੰਦ ਹੋ ਸਕਦਾ ਹੈ।
ਸਿਡਨੀ ਦੀ ਡਾਈਟੀਸ਼ੀਅਨ ਸਿਮਰਨ ਗਰੋਵਰ ਕਹਿੰਦੀ ਹੈ, “ਡਾਇਬੀਟੀਜ਼ ਰੋਗ ਸੰਸਾਰ ਦੇ ਬਾਕੀ ਭਾਈਚਾਰਿਆਂ ਵਾਂਗ ਪੰਜਾਬੀ ਭਾਈਚਾਰੇ ਵਿੱਚ ਵੀ ਬਰਾਬਰ ਦੀ ਮਾਤਰਾ ਵਿੱਚ ਹੀ ਪ੍ਰਚਲਤ ਹੈ।”
ਇਸ ਗਲਬਾਤ ਵਿੱਚ ਡਾਇਟੀਸ਼ੀਅਨ ਸਿਮਰਨ ਗਰੋਵਰ ਡਾਇਬੀਟੀਜ਼ ਰੋਗ ਦੀਆਂ ਕਿਸਮਾਂ, ਇਸ ਦੇ ਲੱਛਣਾਂ, ਅਤੇ ਇਸ ਰੋਗ ਦੇ ਇਲਾਜ ਬਾਰੇ ਵਿਸਥਾਰ ਨਾਲ ਦਸ ਰਹੇ ਹਨ। ਤੁਸੀਂ ਇਸ ਗਲਬਾਤ ਨੂੰ ਉੱਪਰ ਫੋਟੋ ਵਿਚਲੇ ਸਪੀਕਰ ਉੱਤੇ ਕਲਿੱਕ ਕਰਕੇ ਸੁਣ ਸਕਦੇ ਹੋ।
ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ। ਤੁਸੀਂ ਸਾਨੂੰ ਟਵਿੱਟਰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।
Other related podcasts
ਦੱਖਣੀ ਏਸ਼ੀਆਈਆਂ ਵਿੱਚੋਂ ਭਾਰਤੀਆਂ ਨੂੰ ਸ਼ੂਗਰ ਰੋਗ ਦਾ ਖਤਰਾ ਸਭ ਤੋਂ ਜਿਆਦਾ
