ਅਹਿਸਾਸ ਫਾਊਂਡੇਸ਼ਨ ਦੇ ਪਲੇਠੇ ਸਮਾਗਮ ਤਹਿਤ ਲੋਕਾਂ ਨੂੰ ਮਾਨਸਿਕ ਸਿਹਤ ਵੱਲ਼ ਧਿਆਨ ਦੇਣ ਦਾ ਸੱਦਾ

ਅਹਿਸਾਸ ਫਾਊਂਡੇਸ਼ਨ ਦਾ ਪਹਿਲਾ ਈਵੈਂਟ ‘ਕੀ ਹੈ ਸੋਚ’ ਜ਼ਿੰਦਗੀ ਦੇ ਸੰਘਰਸ਼ਾਂ ਨੂੰ ਬਿਆਨ ਕਰਨ ਅਤੇ ਔਖੇ ਸਮੇਂ ਵਿੱਚੋਂ ਗੁਜ਼ਰਨ ਵਾਲਿਆਂ ਨੂੰ ਪ੍ਰੇਰਿਤ ਕਰਨ ਦੀ ਇੱਕ ਕੋਸ਼ਿਸ਼ ਕਹੀ ਜਾ ਸਕਦੀ ਹੈ। ਇਸ ਫਾਊਂਡੇਸ਼ਨ ਨੂੰ ਸਥਾਪਿਤ ਕਾਰਨ ਵਾਲੀ ਜਸਬੀਰ ਕੌਰ ਨੇ ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਆਪਣੇ 7 ਜਨਵਰੀ ਨੂੰ ਮੈਲਬੌਰਨ ਵਿੱਚ ਕਰਵਾਏ ਗਏ ਇਸ ਸਮਾਗਮ ਬਾਰੇ ਹੋਰ ਜਾਣਕਾਰੀ ਦਿੱਤੀ।

Credit: Supplied

ਜਸਬੀਰ ਕੌਰ ਨੇ ਦੱਸਿਆ ਕਿ ਉਹਨਾਂ ਨੂੰ ਇਹ ਫਾਊਂਡੇਸ਼ਨ ਸ਼ੁਰੂ ਕਰਨ ਅਤੇ ਭਾਈਚਾਰੇ ਵਿੱਚ ਮਾਨਸਿਕ ਸਿਹਤ ਨਾਲ ਜੁੜੇ ਮੁੱਦਿਆਂ ਉੱਤੇ ਗੱਲ ਕਰਨ ਦੀ ਪ੍ਰੇਰਣਾ ਆਪਣੇ ਪਿਤਾ ਅਤੇ ਸਹਿਯੋਗੀਆਂ ਤੋਂ ਮਿਲੀ ਸੀ।

ਸ਼੍ਰੀਮਤੀ ਕੌਰ ਨੇ 'ਕੀ ਹੈ ਸੋਚ' ਸਮਾਗਮ ਬਾਰੇ ਗੱਲ ਕਰਦਿਆਂ ਦੱਸਿਆ ਕਿ ਉਸ ਵਿੱਚ ਸ਼ਿਰਕਤ ਕਰਨ ਵਾਲੇ ਸਮਾਗਮ ਦੇ ਅੰਤ ਤੱਕ ਬਣੇ ਰਹੇ ਅਤੇ ਸਪੀਕਰਾਂ ਦੀਆਂ ਗੱਲ੍ਹਾਂ ਤੋਂ ਕਾਫੀ ਪ੍ਰਭਾਵਿਤ ਵੀ ਨਜ਼ਰ ਆ ਰਹੇ ਸਨ।

ਸ਼੍ਰੀਮਤੀ ਕੌਰ ਦਾ ਮੰਨਣਾ ਹੈ ਕਿ ਭਾਈਚਾਰੇ ਵਿੱਚ ਮਾਨਸਿਕ ਮੁੱਦਿਆਂ ਨੂੰ ਲੈਕੇ ਬਹੁਤ ਜਾਗਰੂਕਤਾ ਲਿਆਉਣ ਦੀ ਲੋੜ ਹੈ ਪਰ ਉਹਨਾਂ ਨੂੰ ਉਮੀਦ ਹੈ ਕਿ ਅਜਿਹੀ ਕੋਸ਼ਿਸ ਨਾਲ ਇਸ ਵਿੱਚ ਕੁੱਝ ਹੱਦ ਤੱਕ ਸੁਧਾਰ ਲਿਆਂਦਾ ਜਾ ਸਕਦਾ ਹੈ

ਇਸ ਸਮਾਗਮ ਦੌਰਾਨ ਮੁੱਖ ਸਪੀਕਰ ਕਿਹੜੇ ਰਹੇ ਅਤੇ ਉਹਨਾਂ ਵੱਲੋਂ ਕਿਹੜੀਆਂ ਪ੍ਰੇਰਣਾ ਭਰਪੂਰ ਗੱਲ੍ਹਾਂ ਸਾਂਝੀਆਂ ਕੀਤੀਆਂ ਗਈਆਂ ਇਹ ਜਾਨਣ ਲਈ ਪੇਜ਼ ਉੱਪਰ ਸਾਂਝੀ ਕੀਤੀ ਗਈ ਇੰਟਰਵਿਊ ਸੁਣੋ...