ਕੈਨਬਰਾ ਦੀ ਵਸਨੀਕ ਅਮਰਦੀਪ ਸ਼ੇਰਗਿੱਲ ਸਾਲ 2017 ਵਿੱਚ ਮਾਸਟਰ ਆਫ਼ ਵਿਜ਼ੂਅਲ ਆਰਟਸ ਵਿੱਚ ਗ੍ਰੈਜੂਏਟ ਹੋਣ ਤੋਂ ਬਾਅਦ ਚਾਰ ਕਲਾ ਪ੍ਰਦਰਸ਼ਨੀਆਂ ਵਿੱਚ ਆਪਣੀ ਕਲਾ ਦੇ ਜੌਹਰ ਵਿਖਾ ਚੁੱਕੀ ਹੈ ਜਿਨ੍ਹਾਂ ਵਿੱਚੋਂ ਦੋ ਆਸਟਰੇਲੀਅਨ ਨੈਸ਼ਨਲ ਯੂਨੀਵਰਸਿਟੀ, ਕੈਨਬਰਾ ਦੁਆਰਾ ਲਗਵਾਈਆਂ ਗਈਆਂ ਸਨ।
ਅਮਰਦੀਪ ਦੀ ਕਲਾ ਅਕਸਰ ‘ਅੱਜ ਦੀ ਔਰਤ’ ਅਤੇ ਉਸ ਨਾਲ਼ ਸਬੰਧਿਤ ਦ੍ਰਿਸ਼ਟੀਕੋਣਾਂ ਦੀ ਪੜਚੋਲ ਕਰਦੀ ਹੈ।
ਉਸਦੇ ਫੋਟੋਮੌਂਟਾਜ ਆਰਟਵਰਕ ‘ਟੋਕਿਓ ਵਿੱਚ ਔਜ਼ੀ ਬੱਦਲ’ਲਈ ਉਸਨੂੰ ਸਾਲ 2018 ਦੇ ਕਲਾ ਪੁਰਸਕਾਰ ਦੌਰਾਨ ਇੱਕ ਖਾਸ ਸਨਮਾਨ ਮਿਲਿਆ।
ਉਸਦੀ ਰਚਨਾ ‘ਧੰਨ ਕੌਰ ਦੀ ਫੁਲਕਾਰੀ’ ਨੂੰ ਸਾਲ 2019 ਵਿੱਚ ਵਾਂਗਰਟਾ ਟੈਕਸਟਾਈਲ ਅਵਾਰਡ ਅਤੇ ਗਿੱਪਸਲੈਂਡ ਸਕਲਪਚਰ ਪੁਰਸਕਾਰ ਦੌਰਾਨ 'ਫਾਈਨਲਿਸਟ' ਹੋਣ ਦਾ ਮਾਣ ਵੀ ਪ੍ਰਾਪਤ ਹੋਇਆ।
ਐਸ ਬੀ ਐਸ ਪੰਜਾਬੀ ਨਾਲ਼ ਇੱਕ ਇੰਟਰਵਿਊ ਦੌਰਾਨ ਉਸਨੇ ਦੱਸਿਆ ਕਿ ‘ਪੰਜਾਬੀ ਔਰਤ ਅਤੇ ਸਮਾਜ ਵਿੱਚ ਉਸਦੀ ਹੋਂਦ-ਹਸਤੀ ਅਤੇ ਚਲਣ’ ਉਸਦਾ ਮਨਭਾਉਂਦਾ ਵਿਸ਼ਾ ਹੈ।
ਆਪਣੇ ਫੋਟੋਮੌਂਟਾਜ ਵਿੱਚ ਉਹ ਔਰਤ ਨੂੰ ਚਿਹਰੇ ਤੋਂ ਬਿਨਾਂ ਪੇਸ਼ ਕਰਦੀ ਹੈ, ਇਸ ਪਿਛਲੇ ਕਾਰਨਾਂ ਬਾਰੇ ਜਾਨਣ ਲਈ ਸੁਣੋ ਉੱਪਰ ਦਿੱਤੀ ਇਹ ਵਿਸ਼ੇਸ਼ ਗੱਲਬਾਤ…
