ਆਸਟ੍ਰੇਲੀਆ ਵਿੱਚ, ਯੋਗ ਪਰਿਵਾਰਾਂ ਲਈ ਸਰਕਾਰ ਵਲੋਂ ਸਬਸਿਡੀ ਪ੍ਰਾਪਤ ਕਿਰਾਏ ਦੀ ਰਿਹਾਇਸ਼ ਉਪਲਬਧ ਹੈ। ਮੁਲਾਂਕਣ ਤੁਹਾਡੇ ਰਾਜ ਜਾਂ ਖੇਤਰ ਦੇ ਆਧਾਰ 'ਤੇ ਵੱਖ-ਵੱਖ ਮਾਪਦੰਡਾਂ ਦੇ ਆਧਾਰ 'ਤੇ ਕੀਤਾ ਜਾਂਦਾ ਹੈ। ਵੱਖ-ਵੱਖ ਕਿਸਮ ਦੀ ਰਿਹਾਇਸ਼ ਸਹਾਇਤਾ ਲਈ ਅਰਜ਼ੀ ਦਿੰਦੇ ਸਮੇਂ ਕੀ ਉਮੀਦ ਕਰਨੀ ਚਾਹੀਦੀ ਹੈ, ਸਮਾਜਿਕ ਰਿਹਾਇਸ਼ ਨਾਲ ਜੁੜੀਆਂ ਕੁਝ ਆਮ ਧਾਰਨਾਵਾਂ ਅਤੇ ਮਦਦ ਲਈ ਕਿੱਥੇ ਪਹੁੰਚ ਕਰਨੀ ਹੈ, ਇਸ ਦੀ ਜਾਣਕਾਰੀ ਇੱਥੇ ਦਿੱਤੀ ਗਈ ਹੈ।
Key Points
- ਆਸਟ੍ਰੇਲੀਆ ਭਰ ਵਿੱਚ ਸਮਾਜਿਕ ਰਿਹਾਇਸ਼ ਲਈ ਮੰਗ ਸਪਲਾਈ ਨਾਲੋਂ ਵੱਧ ਹੈ।
- ਹਰੇਕ ਰਾਜ ਜਾਂ ਪ੍ਰਦੇਸ਼ ਦਾ ਸੋਸ਼ਲ ਹਾਊਸਿੰਗ ਅਰਜ਼ੀਆਂ ਲਈ ਆਪਣਾ ਵੱਖਰਾ ਰਜਿਸਟਰ ਹੁੰਦਾ ਹੈ।
- ਮਾਹਿਰਾਂ ਦਾ ਕਹਿਣਾ ਹੈ ਕਿ ਕੋਈ ਵੀ ਵਿਅਕਤੀ ਕਿਰਾਏ ਦੇ ਤਣਾਅ ਤੋਂ ਗ੍ਰਸਤ ਹੋ ਸਕਦਾ ਹੈ।
- ਕਿਫਾਇਤੀ ਰਿਹਾਇਸ਼ ਤੋਂ ਭਾਵ ਸਬਸਿਡੀ ਵਾਲੇ ਕਿਰਾਏ ਦੇ ਪ੍ਰੋਗਰਾਮਾਂ ਤੋਂ ਹੈ ਜੋ ਸਮਾਜਿਕ ਰਿਹਾਇਸ਼ ਪ੍ਰਣਾਲੀ ਅਤੇ ਨਿੱਜੀ ਬਾਜ਼ਾਰ ਦੇ ਵਿਚਕਾਰ ਸਥਿਤ ਹੁੰਦੇ ਹਨ।
ਆਸਟ੍ਰੇਲੀਆ ਵਿੱਚ, ਕਿਫਾਇਤੀ ਅਤੇ ਢੁੱਕਵੀਂ ਰਿਹਾਇਸ਼ ਲੱਭਣ ਜਾਂ ਉਸ ਨੂੰ ਬਣਾਈ ਰੱਖਣ ਵਿੱਚ ਮੁਸ਼ਕਿਲ ਦਾ ਸਾਹਮਣਾ ਕਰ ਰਹੇ ਲੋਕਾਂ ਲਈ ਸਰਕਾਰੀ ਸਹਾਇਤਾ ਉਪਲਬਧ ਹੈ।
ਇਹ ਸਹਾਇਤਾ ਸਮਾਜਿਕ ਰਿਹਾਇਸ਼ ਨਾਮਕ ਪ੍ਰਣਾਲੀ ਦੇ ਤਹਿਤ ਆਉਂਦੀ ਹੈ ਅਤੇ ਹਰੇਕ ਖੇਤਰ ਵਿੱਚ ਲੰਮੇ ਸਮੇਂ ਦੀ ਸਮਾਜਿਕ ਰਿਹਾਇਸ਼ ਕਿਰਾਏ ਤੱਕ ਪਹੁੰਚਣ ਲਈ ਵੱਖ-ਵੱਖ ਨਿਯਮ ਅਤੇ ਮਾਪਦੰਡ ਹਨ।
ਸਮਾਜਿਕ ਰਿਹਾਇਸ਼ ਅਰਜ਼ੀਆਂ ਲਈ ਕੋਈ ਰਾਸ਼ਟਰੀ ਪੱਧਰ ’ਤੇ ਇੱਕ ਹੀ ਜਗ੍ਹਾ ਉੱਤੇ ਸਾਰੀਆਂ ਲੋੜੀਂਦੀਆਂ ਸਹੂਲਤਾਂ ਉਪਲਬਧ ਨਹੀਂ ਹਨ।
ਸਮਾਜਿਕ ਰਿਹਾਇਸ਼ ਰਜਿਸਟਰ ਵਿੱਚ ਆਪਣਾ ਨਾਮ ਦਰਜ ਕਰਵਾਉਣ ਲਈ, ਜਿਸ ਨੂੰ ਅਕਸਰ ਇੰਤਜ਼ਾਰ ਸੂਚੀ ਵੀ ਕਿਹਾ ਜਾਂਦਾ ਹੈ, ਤੁਹਾਨੂੰ ਆਪਣੇ ਸਥਾਨਿਕ ਹਾਊਸਿੰਗ ਅਥਾਰਿਟੀ ਵਿੱਚ ਅਰਜ਼ੀ ਦੇਣੀ ਹੋਵੇਗੀ।
ਰਜਿਸਟ੍ਰੇਸ਼ਨ ਪ੍ਰਕ੍ਰਿਆ ਤਹਿਤ, ਤੁਹਾਨੂੰ ਜ਼ਰੂਰੀ ਫਾਰਮ ਭਰਨੇ ਹੋਣਗੇ ਅਤੇ ਤੁਹਾਡੀ ਅਰਜ਼ੀ ਦਾ ਮੁਲਾਂਕਣ ਕੀਤਾ ਜਾਵੇਗਾ।
ਇਹ ਪ੍ਰਕ੍ਰਿਆ ਤੁਹਾਡੇ ਹਾਲਾਤਾਂ ਅਤੇ ਤੁਹਾਡੇ ਨਿਵਾਸ ਸਥਾਨ ਦੇ ਆਧਾਰ ਉੱਤੇ ਵੱਖ ਹੁੰਦੀ ਹੈ।
ਇਨ੍ਹਾਂ ਭਿੰਨਤਾਵਾਂ ਦੇ ਕਾਰਨ, ਇਹ ਜਾਨਣਾ ਜ਼ਰੂਰੀ ਹੈ ਕਿ ਤੁਹਾਡੇ ਰਾਜ ਜਾਂ ਖੇਤਰ ਦੀ ਹਾਊਸਿੰਗ ਅਥਾਰਿਟੀ ਨਾਲ ਸੰਪਰਕ ਕਰ ਕੇ ਤੁਸੀਂ ਇਹ ਪਤਾ ਕਰ ਲਓ ਕਿ ਤੁਹਾਡੇ ਖੇਤਰ ਵਿੱਚ ਕਿਹੜੇ ਨਿਯਮ ਲਾਗੂ ਹੁੰਦੇ ਹਨ।
ਕੁਝ ਲੋਕ ਗਲਤ ਧਾਰਨਾਵਾਂ ਰੱਖਦੇ ਹਨ ਕਿ ਵਿਦੇਸ਼ਾਂ ਵਿੱਚ ਪੈਦਾ ਹੋਏ ਲੋਕ ਸਮਾਜਿਕ ਰਿਹਾਇਸ਼ ਲਈ ਅਰਜ਼ੀ ਦੇਣ ਦੇ ਯੋਗ ਨਹੀਂ ਹੁੰਦੇ ਪਰ ਅਜਿਹਾ ਨਹੀਂ ਹੈ।ਇਹ ਵੀ ਸੱਚ ਨਹੀਂ ਹੈ ਕਿ ਪ੍ਰਵਾਸੀ ਹੋਣ ’ਤੇ ਤੁਹਾਨੂੰ ਖੁਦ ਹੀ ਸਮਾਜਿਕ ਰਿਹਾਇਸ਼ ਮਿਲ ਜਾਂਦੀ ਹੈ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਿਰਾਏ ਦਾ ਤਣਾਅ ਅਤੇ ਮਹਿੰਗਾਈ ਮੁੱਖ ਕਾਰਨ ਹਨ, ਜਿਸ ਦੀ ਵਜ੍ਹਾ ਕਾਰਨ ਲੋਕ ਸੋਸ਼ਲ ਹਾਊਸਿੰਗ ਚੁਣਦੇ ਹਨ ਜਾਂ ਉੱਥੇ ਰਹਿਣ ਲਈ ਮਜਬੂਰ ਹੋ ਜਾਂਦੇ ਹਨ।
ਆਸਟ੍ਰੇਲੀਆ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਵਿੱਚ ਸੈਟਲ ਹੋਣ ਬਾਰੇ ਵਧੇਰੇ ਕੀਮਤੀ ਜਾਣਕਾਰੀ ਅਤੇ ਸੁਝਾਵਾਂ ਲਈ ਆਸਟ੍ਰੇਲੀਆ ਐਕਸਪਲੇਨਡ ਪੋਡਕਾਸਟ ਨੂੰ ਸਬਸਕ੍ਰਾਈਬ ਕਰੋ ਜਾਂ ਫਾਲੋ ਕਰੋ।
ਕੀ ਤੁਹਾਡੇ ਕੋਈ ਸਵਾਲ ਜਾਂ ਵਿਸ਼ੇ ਦੇ ਵਿਚਾਰ ਹਨ ਤਾਂ australiaexplained@sbs.com.au ਉਤੇ ਇੱਕ ਈਮੇਲ ਭੇਜੋ
