ਭਾਰਤੀ ਪਿਛੋਕੜ ਵਾਲੇ ਬਹੁਤ ਸਾਰੇ ਮਾਪਿਆਂ ਵਾਂਗ, ਸਿਡਨੀ ਨਿਵਾਸੀ ਬਾਲੀ ਪੱਡਾ ਦੇ ਮਾਪਿਆਂ ਨੇ ਵੀ ਉਸਨੂੰ ਆਈ ਟੀ ਸੈਕਟਰ ਵਿੱਚ ਚੰਗੀ ਤਨਖਾਹ ਵਾਲੀ ਨੌਕਰੀ ਕਰਨ ਲਈ ਉਤਸ਼ਾਹਿਤ ਕੀਤਾ। ਪਰ ਬਾਲੀ ਨੇ ਇੱਕ ਅਭਿਨੇਤਾ ਬਣ ਕੇ ਆਪਣੇ ਸੁਫਨਿਆਂ ਨੂੰ ਅੱਗੇ ਵਧਾਉਣ ਨੂੰ ਪਹਿਲ ਦਿੱਤੀ ਅਤੇ ਹੁਣ ਬਾਲੀ ਨੇ ਆਪਣੇ ਨਾਟਕ, 'ਗਾਰਡਸ ਐਟ ਦਾ ਤਾਜ' ਦਾ ਨਿਰਦੇਸ਼ਨ ਕੀਤਾ ਹੈ।
Highlights
- ਬਾਲੀ ਪੱਡਾ ਨੇ ਆਪਣੇ ਦਿਲ ਦੀ ਸੁਣੀ ਅਤੇ ਆਪਣਾ ਕਰੀਅਰ ਆਈਟੀ ਤੋਂ ਐਕਟਿੰਗ ਵਿੱਚ ਬਦਲ ਲਿਆ।
- ਆਪਣੀ ਚੰਗੇ ਪੈਸੇ ਵਾਲੀ ਨੌਕਰੀ ਛੱਡ ਕੇ ਸ਼੍ਰੀ ਪੱਡਾ ਇੰਗਲੈਂਡ ਚਲੇ ਗਏ ਅਤੇ ਅਦਾਕਾਰੀ ਸਿੱਖਣ ਲਈ ਜ਼ੋਰ ਲਗਾਇਆ।
- ਹੁਣ ਸ਼੍ਰੀ ਪੱਡਾ ਅਦਾਕਾਰੀ ਤੋਂ ਅੱਗੇ ਵੱਧ ਕੇ ਨਿਰਦੇਸ਼ਨ ਦੇ ਖੇਤਰ ਵਿੱਚ ਪ੍ਰਸਿੱਧੀ ਪ੍ਰਾਪਤ ਕਰ ਰਹੇ ਹਨ।
ਤਕਰੀਬਨ 17 ਸਾਲ ਪਹਿਲਾਂ ਸਿਡਨੀ ਨਿਵਾਸੀ ਬਾਲੀ ਪੱਡਾ ਨੇ ਆਪਣੇ ਚੰਗੇ ਪੈਸੇ ਵਾਲੀ ਆਈ ਟੀ ਦੀ ਨੌਕਰੀ ਇਸ ਲਈ ਛੱਡਣ ਦਾ ਫੈਸਲਾ ਲਿਆ ਕਿਉਂਕਿ ਉਹ ਅਦਾਕਾਰੀ ਵਿੱਚ ਆਪਣੀ ਕਿਸਮਤ ਅਜ਼ਮਾਉਣਾ ਚਾਹੁੰਦੇ ਸਨ।
ਇਸ ਲਈ ਉਹ ਕਈ ਸਾਲ ਇੰਗਲੈਂਡ ਵਿੱਚ ਰਹੇ ਤੇ ਅਦਾਕਾਰੀ ਸਿੱਖੀ ਅਤੇ ਕਈ ਨਾਟਕਾਂ ਵਿੱਚ ਅਹਿਮ ਭੂਮਿਕਾ ਨਿਭਾਈ।
ਇਸ ਨਾਟਕ ਦਾ ਪ੍ਰਦਰਸ਼ਨ ਸਿਡਨੀ ਸਮੇਤ ਬਹੁਤ ਸਾਰੇ ਵੱਡੇ ਸ਼ਹਿਰਾਂ ਵਿੱਚ ਹੋ ਚੁੱਕਿਆ ਹੈ।
ਵਾਪਸ ਆਸਟ੍ਰੇਲੀਆ ਆ ਕੇ ਵੀ ਕਈ ਨਾਮਵਾਰ ਨਾਟਕਾਂ ਵਿੱਚ ਕੰਮ ਕੀਤਾ ਅਤੇ ਇਸ ਤੋਂ ਅੱਗੇ ਵਧਦੇ ਹੋਏ ਸ਼੍ਰੀ ਪੱਡਾ ਹੁਣ ਨਿਰਦੇਸ਼ਨ ਦਾ ਕਾਰਜ ਕਰ ਰਹੇ ਹਨ।
ਉਨਾਂ ਦਾ ਇੱਕ ਨਾਟਕ 'ਗਾਰਡਸ ਐਟ ਦਾ ਤਾਜ' ਉਸ ਵੇਲੇ ਦੀ ਯਾਦ ਦਿਵਾਉਂਦਾ ਹੈ ਜਦੋਂ ਜਹਾਂਗੀਰ ਨੇ ਤਾਜ ਬਨਾਉਣ ਵਾਲੇ ਸਾਰੇ ਮਜ਼ਦੂਰਾਂ ਦੇ ਹੱਥ ਵੱਢਣ ਦਾ ਹੁਕਮ ਦੇ ਦਿੱਤਾ ਸੀ।
ਇਸ ਬਾਰੇ ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਆਡੀਓ ਬਟਨ ‘ਤੇ ਕਲਿੱਕ ਕਰੋ।
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਐਸ ਬੀ ਐਸ ਸਾਊਥ ਏਸ਼ੀਅਨ 'ਤੇ ਸੁਣੋ। ਸਾਨੂੰ ਫੇਸਬੁੱਕ ਤੇ X ਉੱਤੇ ਵੀ ਫਾਲੋ ਕਰੋ।
Share
