ਭਾਰਤ ਦਾ ਉੱਤਰ-ਪੂਰਬੀ ਰਾਜ ਮਨੀਪੁਰ ਦੋ ਮਹੀਨਿਆਂ ਤੋਂ ਵੀ ਵੱਧ ਸਮੇਂ ਤੋਂ ਨਸਲੀ ਸੰਘਰਸ਼ ਦਾ ਸਾਹਮਣਾ ਕਰ ਰਿਹਾ ਹੈ। ਮਾਹੌਲ ਸ਼ਾਂਤ ਹੋਣ ਦੇ ਬਹੁਤ ਹੀ ਘੱਟ ਸੰਕੇਤ ਨਜ਼ਰ ਆ ਰਹੇ ਹਨ ਕਿਉਂਕਿ ਸ਼ਾਂਤੀ ਵਾਰਤਾ ਕਾਮਯਾਬ ਨਹੀਂ ਹੋਈ ਅਤੇ ਦੂਜੇ ਪਾਸੇ ਦੇਸ਼ ਦੀ ਸਰਕਾਰ ਨੇ ਵੀ ਇਸ ਮਾਮਲੇ ਉੱਤੇ ਚੁੱਪੀ ਵੱਟੀ ਹੋਈ ਹੈ।
ਭਾਰਤ ਦੇ ਮਨੀਪੁਰ ਰਾਜ ਵਿੱਚ ਹਿੰਸਾ ਦਾ ਖ਼ਤਰਾ ਬਰਕਰਾਰ ਹੈ।
ਸਕੂਲਾਂ ਨੂੰ ਮੁੜ ਖੋਲ੍ਹਣ ਦੇ ਸਰਕਾਰੀ ਹੁਕਮ ਦੇ ਬਾਵਜੂਦ, ਮਨੀਪੁਰ ਵਿੱਚ ਲਗਭਗ ਸਾਰੇ ਸਕੂਲ ਬੰਦ ਹਨ।
ਮਈ ਦੀ ਸ਼ੁਰੂਆਤ ਵਿੱਚ ਘੱਟ-ਗਿਣਤੀ ਕੂਕੀ ਅਤੇ ਬਹੁਗਿਣਤੀ ਮੇਈਟੀਜ਼ ਭਾਈਚਾਰੇ ਵਿੱਚ ਝੜਪਾਂ ਹੋਈਆਂ।
ਅਜਿਹਾ ਇੱਕ ਅਦਾਲਤੀ ਫੈਸਲੇ ਤੋਂ ਬਾਅਦ ਦੇਖਣ ਨੂੰ ਮਿਲਿਆ ਜਿਸ ਮੁਤਾਬਕ ਮੇਈਟੀਜ਼ ਭਾਈਚਾਰੇ ਨੂੰ ਵੀ ਇੱਕ "ਕਬਾਇਲੀ ਦਰਜਾ" ਦਿੱਤਾ ਗਿਆ ਹੈ ਜੋ ਉਹਨਾਂ ਨੂੰ ਉਹੀ ਵਿਸ਼ੇਸ਼ ਅਧਿਕਾਰ ਪ੍ਰਦਾਨ ਕਰਦਾ ਹੈ ਜੋ ਕੂਕੀ ਭਾਈਚਾਰੇ ਨੂੰ ਦਿੱਤੇ ਗਏ ਸਨ।
ਇਸ ਵਿੱਚ ਆਰਥਿਕ ਲਾਭ ਸ਼ਾਮਲ ਹਨ, ਜਿਵੇਂ ਕਿ ਕੂਕੀਆਂ ਦੀ ਆਬਾਦੀ ਵਾਲੀਆਂ ਪਹਾੜੀਆਂ ਵਿੱਚ ਜ਼ਮੀਨ ਖਰੀਦਣ ਦੀ ਇਜਾਜ਼ਤ ਅਤੇ ਸਰਕਾਰੀ ਨੌਕਰੀਆਂ ਅਤੇ ਸਿੱਖਿਆ ਵਿੱਚ ਕੋਟਾ ਆਦਿ।
ਇਸ ਤੋਂ ਬਾਅਦ ਰਾਜ ਵਿੱਚ ਮੇਈਟੀਜ਼ ਅਤੇ ਕੂਕੀ ਭਾਈਚਾਰਿਆਂ ਦੇ ਵਿਚਕਾਰ ਮਤਭੇਦ ਪੈਦਾ ਹੋ ਗਏ ਹਨ ਜੋ ਕਿ ਹਿੰਸਕ ਰੂਪ ਲੈ ਰਹੇ ਹਨ।
ਸ਼ਾਂਤੀ ਵਾਰਤਾ ਵਾਰ-ਵਾਰ ਅਸਫਲ ਹੋਣ ਕਾਰਨ ਸੰਘਰਸ਼ ਦੇ ਨਤੀਜੇ ਵਜੋਂ 40,000 ਤੋਂ ਵੱਧ ਲੋਕ ਬੇਘਰ ਹੋ ਗਏ ਹਨ।
ਸੁਸ਼ਾਂਤ ਸਿੰਘ ਸੈਂਟਰ ਫਾਰ ਪਾਲਿਸੀ ਰਿਸਰਚ ਇਨ ਇੰਡੀਆ ਦੇ ਸੀਨੀਅਰ ਫੈਲੋ ਹਨ ਅਤੇ ਕਹਿੰਦੇ ਹਨ ਕਿ ਇਹ ਸਥਿਤੀ ਘਰੇਲੂ ਯੁੱਧ ਵਰਗੀ ਹੈ।
ਦੋ ਮਹੀਨਿਆਂ ਦੀ ਅਸ਼ਾਂਤੀ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਚੁੱਪੀ ਨੂੰ ਲੈ ਕੇ ਇਸ ਖੇਤਰ ਵਿੱਚ ਨਿਰਾਸ਼ਾ ਵਧ ਰਹੀ ਹੈ।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਸੁਣੋ ਤੇ ਸਾਨੂੰ ਫੇਸਬੁੱਕ ‘ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ।
