ਆਸਟ੍ਰੇਲੀਆ ਵਿੱਚ ਸਾਲ 2020 ਤੋਂ ਬਾਅਦ ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ ਤਲਾਕ ਦੇ ਮਾਮਲਿਆਂ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ। ਮੈਲਬੌਰਨ ਦੇ ਨਈਮ ਰਾਨਾ ਪਿਛਲੇ 12 ਸਾਲਾਂ ਤੋਂ ਮੁਸ਼ਕਿਲ ਸਮੇਂ ਵਿਚੋਂ ਗੁਜ਼ਰ ਰਹੇ ਜੋੜਿਆਂ ਨੂੰ ਕਾਊਂਸਲਿੰਗ ਦੇ ਰਹੇ ਹਨ। ਉਹਨਾਂ ਦਾ ਮੰਨਣਾ ਹੈ ਕਿ ਭਾਈਚਾਰੇ ਵਿੱਚ ਪਰਿਵਾਰਾਂ ਤੋਂ ਦੂਰੀ ਅਤੇ ਦੂਜੇ ਨੂੰ ਗੱਲ ਰੱਖਣ ਦਾ ਮੌਕਾ ਨਾ ਦੇਣ ਕਾਰਨ ਛੋਟੇ-ਛੋਟੇ ਝਗੜੇ ਰਿਸ਼ਟਾ ਟੁੱਟਣ ਦੇ ਹਾਲਾਤ ਪੈਦਾ ਕਰ ਦਿੰਦੇ ਹਨ।
ਆਸਟ੍ਰੇਲੀਅਨ ਬਿਊਰੋ ਆਫ ਸਟੈਟਿਸਟਿਕਸ ਦੇ ਮੁਤਾਬਕ ਸਾਲ 2021 ਵਿੱਚ ਹੋਏ ਤਲਾਕ ਦੇ ਮਾਮਲਿਆਂ ਦਾ ਅੰਕੜਾ 2020 ਵਿੱਚ ਹੋਏ ਮਾਮਲਿਆਂ ਦੇ ਅੰਕੜੇ ਤੋਂ 13 ਫੀਸਦ ਵੱਧ ਦਰਜ ਕੀਤਾ ਗਿਆ ਸੀ।
ਮੈਲਬੌਰਨ ਦੇ ਨਈਮ ਰਾਨਾ ਪਿਛਲੇ 12 ਸਾਲਾਂ ਤੋਂ ਕਾਊਂਸਲਿੰਗ ਰਾਹੀਂ ਜੋੜਿਆਂ ਦੇ ਰਿਸ਼ਤੇ ਨੂੰ ਬਹਿਤਰ ਬਣਾਉਣ ਲਈ ਕੰਮ ਕਰ ਰਹੇ ਹਨ।
ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਉਹਨਾਂ ਕਿਹਾ ਕਿ ਉਹ ਮਹਿਸੂਸ ਕਰਦੇ ਹਨ ਕਿ ਭਾਈਚਾਰੇ ਵਿੱਚ ਇਹ ਸਮੱਸਿਆ ਦਿਨੋਂ ਦਿਨ ਵੱਧ ਰਹੀ ਹੈ।
ਉਹਨਾਂ ਮੁਤਾਬਕ ਜਦੋਂ ਪਰਿਵਾਰ ਦਾ ਕੋਈ ਵੱਡਾ ਨਾਲ ਨਾ ਹੋਵੇ ਜਾਂ ਕੋਈ ਸਮਝਾਉਣ ਵਾਲਾ ਨਾ ਹੋਵੇ ਤਾਂ ਛੋਟੀ ਜਿਹੀ ਲੜਾਈ ਵੀ ਵੱਡਾ ਮਸਲਾ ਬਣ ਜਾਂਦੀ ਹੈ।
ਸ਼੍ਰੀਮਾਨ ਰਾਨਾ ਮੁਤਾਬਕ ਇੱਕ ਦੂਸਰੇ ਨਾਲ ਬੈਠ ਕੇ ਗੱਲ ਨਾ ਕਰਨਾ ਅਤੇ ਦੂਸਰੇ ਦੀ ਗੱਲ ਨਾ ਸੁਣਨਾ ਹੀ ਲੜਾਈ ਵੱਧਣ ਦਾ ਸਭ ਤੋਂ ਆਮ ਕਾਰਨ ਹੈ।
ਉਹਨਾਂ ਦਾ ਕਹਿਣਾ ਹੈ ਕਿ ਭਾਈਚਾਰੇ ਵਿੱਚ ਉਹਨਾਂ ਅਕਸਰ ਦੇਖਿਆ ਹੈ ਕਿ ਕੁੱਝ ਜੋੜੇ ਆਪਣੇ ਰਿਸ਼ਤੇ ਨੂੰ ਬਹਿਤਰ ਬਣਾਉਣ ਲਈ ਕਾਊਂਸਲਿੰਗ ਦਾ ਸਹਾਰਾ ਲੈਣ ਤੋਂ ਝਿਜਕਦੇ ਹਨ।
ਉਹਨਾਂ ਮੁਤਾਬਕ ਇੱਕ ਰਿਸ਼ਤੇ ਨੂੰ ਬਚਾਉਣ ਲਈ ਸਭ ਤੋਂ ਪਹਿਲਾ ਕਦਮ ਇਹੀ ਸਮਝਣਾ ਹੈ ਕਿ ਤੁਹਾਨੂੰ ਮਦਦ ਦੀ ਲੋੜ ਹੈ ਜਾਂ ਨਹੀਂ ਅਤੇ ਤੁਹਾਨੂੰ ਲੋੜੀਂਦੀ ਸਹਾਇਤਾ ਕਿਥੋਂ ਮਿਲ ਸਕਦੀ ਹੈ।
ਆਪਣੇ ਪਿਆਰ ਦੇ ਰਿਸ਼ਤੇ ਵਿੱਚ ਆਉਂਦੀਆਂ ਨਿੱਕੀਆਂ-ਨਿੱਕੀਆਂ ਮੁਸ਼ਕਿਲਾਂ ਕਿਵੇਂ ਹੱਲ ਹੋ ਸਕਦੀਆਂ ਹਨ ਇਸ ਲਈ ਉਹਨਾਂ ਕੁੱਝ ਸੁਝਾਅ ਵੀ ਸਾਂਝੇ ਕੀਤੇ।
ਮਾਹਰ ਨਈਮ ਰਾਨਾ ਵਲੋਂ ਸਾਂਝੇ ਕੀਤੇ ਗਏ ਇਹ ਸੁਝਾਅ ਜਾਨਣ ਲਈ ਇਹ ਇੰਟਰਵਿਊ ਸੁਣੋ..
