ਨਵੀਂ ਖੋਜ ਨੇ ਪਾਇਆ ਹੈ ਕਿ ਘੱਟੋ-ਘੱਟ ਉਜਰਤ 'ਤੇ ਫੁੱਲ-ਟਾਈਮ ਕੰਮ ਕਰਨ ਵਾਲੇ ਆਸਟ੍ਰੇਲੀਅਨ ਕਾਮਿਆਂ ਕੋਲ ਜ਼ਰੂਰੀ ਹਫ਼ਤਾਵਾਰੀ ਖਰਚਿਆਂ ਤੋਂ ਬਾਅਦ ਸਿਰਫ਼ $57 ਹੀ ਬੱਚਦੇ ਹਨ। ਇਸ ਖੋਜ ਨੂੰ ਚੈਰਿਟੀ ਐਂਗਲੀਕੇਅਰ ਆਸਟ੍ਰੇਲੀਆ ਦੁਆਰਾ ਇਕੱਤਰ ਕੀਤੇ ਗਏ ਪਹਿਲੇ ਰਹਿਣ-ਸਹਿਣ ਦੀ ਲਾਗਤ ਵਾਲੇ ਸੂਚਕਾਂਕ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜਿੱਥੋਂ ਪਤਾ ਚੱਲਦਾ ਹੈ ਕਿ ਸਭ ਤੋਂ ਘੱਟ ਆਮਦਨੀ ਵਾਲੇ ਆਸਟ੍ਰੇਲੀਆ ਵਾਸੀਆਂ ਨੂੰ ਘਰ ਦੀ ਸਭ ਤੋਂ ਵੱਡੀ ਲਾਗਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਰਹਿਣ-ਸਹਿਣ ਦੀ ਵੱਧਦੀ ਲਾਗਤ ਘੱਟੋ-ਘੱਟ ਉਜਰਤ 'ਤੇ ਫੁੱਲ-ਟਾਈਮ ਕਾਮਿਆਂ ਨੂੰ ਜ਼ਰੂਰੀ ਚੀਜ਼ਾਂ ਦਾ ਭੁਗਤਾਨ ਕਰਨ ਤੋਂ ਅਸਮਰੱਥ ਬਣਾ ਰਹੀ ਹੈ।
ਇਹ ਐਂਗਲੀਕੇਅਰ ਆਸਟ੍ਰੇਲੀਆ ਦੁਆਰਾ ਇੱਕ ਨਵੇਂ ਰਹਿਣ-ਸਹਿਣ ਦੇ ਖਰਚੇ ਸੂਚਕਾਂਕ ਦੀ ਖੋਜ ਹੈ, ਜੋ ਇਹ ਮਾਪਦਾ ਹੈ ਕਿ ਘੱਟੋ-ਘੱਟ ਉਜਰਤ ਬੁਨਿਆਦੀ ਚੀਜ਼ਾਂ ਨੂੰ ਕਵਰ ਕਰਨ ਵਿੱਚ ਕਿੰਨੀ ਸਫਲ ਹੁੰਦੀ ਹੈ - ਜਿਸ ਵਿੱਚ ਉਪਯੋਗਤਾਵਾਂ, ਬੀਮਾ ਜਾਂ ਫ਼ੋਨ ਬਿੱਲਾਂ ਦੇ ਮਾਸਿਕ ਜਾਂ ਤਿਮਾਹੀ ਖਰਚਿਆਂ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ।
ਇੱਕ ਫੁੱਲ-ਟਾਈਮ ਘੱਟੋ-ਘੱਟ ਉਜਰਤ ਕਰਮਚਾਰੀ ਕੋਲ ਉਹਨਾਂ ਦੇ ਬੁਨਿਆਦੀ ਹਫ਼ਤਾਵਾਰ ਖਰਚਿਆਂ ਤੋਂ ਬਾਅਦ ਸਿਰਫ਼ 57 ਡਾਲਰ ਬੱਚਦੇ ਹਨ ਅਤੇ ਚਾਰ ਲੋਕਾਂ ਦੇ ਪਰਿਵਾਰ ਲਈ ਇਹ ਸਿਰਫ਼ 73 ਡਾਲਰ ਹੈ, ਜਿਸ ਵਿੱਚ ਦੋ ਫੁੱਲ-ਟਾਈਮ ਘੱਟੋ-ਘੱਟ ਉਜਰਤ ਵਾਲੇ ਕਾਮੇ ਹਨ।
ਕਿਰਾਏ, ਟ੍ਰਾਂਸਪੋਰਟ, ਭੋਜਨ, ਸਿੱਖਿਆ ਅਤੇ ਬਾਲ ਦੇਖਭਾਲ ਲਈ ਭੁਗਤਾਨ ਕਰਨ ਤੋਂ ਬਾਅਦ 180 ਡਾਲਰ ਘੱਟ ਜਾਂਦੇ ਹਨ।
ਐਂਗਲੀਕੇਅਰ ਆਸਟ੍ਰੇਲੀਆ ਦੇ ਕਾਰਜਕਾਰੀ ਨਿਰਦੇਸ਼ਕ, ਕੈਸੀ ਚੈਂਬਰਜ਼ ਦਾ ਕਹਿਣਾ ਹੈ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਸਮੂਹ ਨੇ 'ਲਿਵਿੰਗ ਕਾਸਟਸ ਇੰਡੈਕਸ' ਤਿਆਰ ਕੀਤਾ ਹੈ।
