ਫਰ ਕੈਪਿਟਾ ਵਿੱਚ ਰਿਸਰਚ ਫੈਲੋ ਓਸਮੰਡ ਚੀਯੂ ਦਾ ਕਹਿਣਾ ਹੈ ਕਿ ਸਰਕਾਰ ਨੂੰ ਦੀਵਾਲੀ ਅਤੇ ਲੂਨਰ ਨਿਊ ਯੀਅਰ ਵਰਗੇ ਵੱਡੇ ਜਸ਼ਨ ਮਨਾਉਣੇ ਚਾਹੀਦੇ ਹਨ।
ਮਿਸਟਰ ਚੀਯੂ ਨੇ ਇਸ ਸਾਲ ਜਨਵਰੀ ਵਿੱਚ ਲੋਵੀ ਇੰਸਟੀਚਿਊਟ ਦੁਆਰਾ ਪ੍ਰਕਾਸ਼ਿਤ ਇੱਕ ਲੇਖ ਵਿੱਚ ਅਜਿਹੀਆਂ ਟਿੱਪਣੀਆਂ ਕੀਤੀਆਂ।
ਉਸ ਦਾ ਕਹਿਣਾ ਹੈ ਕਿ ਏਸ਼ੀਆਈ ਗੁਆਂਢੀਆਂ ਵਿੱਚ ਆਸਟ੍ਰੇਲੀਆ ਦੀ ਇਮੇਜ ਨੂੰ ਸੁਧਾਰਨ ਲਈ ਇਹ ਇਕ ਮਹੱਤਵਪੂਰਨ ਕਦਮ ਹੈ।
ਪਿਛਲੇ ਦੋ ਦਹਾਕਿਆਂ ਵਿੱਚ, ਆਸਟ੍ਰੇਲੀਆ ਵਿਚਲਾ ਪ੍ਰਵਾਸ ਮੁੱਖ ਤੌਰ 'ਤੇ ਯੂਨਾਈਟਿਡ ਕਿੰਗਡਮ ਦੇ ਦੇਸ਼ਾਂ ਤੋਂ ਬਦਲ ਕੇ ਹੁਣ ਗੈਰ-ਯੂਰਪੀਅਨ ਦੇਸ਼ਾਂ ਵਿੱਚ ਤਬਦੀਲ ਹੋ ਗਿਆ ਹੈ।
ਭਾਰਤ, ਨੇਪਾਲ, ਚੀਨ, ਵੀਅਤਨਾਮ ਅਤੇ ਫਿਲੀਪੀਨਜ਼ 2016-2021 ਦੇ ਵਿਚਕਾਰ ਆਸਟ੍ਰੇਲੀਆ ਵਿੱਚ ਪ੍ਰਵਾਸੀਆਂ ਵਿੱਚ ਜਨਮ ਦੇ ਸਭ ਤੋਂ ਵੱਧ ਆਮ ਦੇਸ਼ ਸਨ।
ਸਿੱਖ ਵਲੰਟੀਅਰਜ਼ ਆਸਟ੍ਰੇਲੀਆ ਤੋਂ ਜਸਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਦੀਵਾਲੀ ਨੂੰ ਰਾਸ਼ਟਰੀ ਛੁੱਟੀ ਬਣਾਉਣਾ ਸਹੀ ਦਿਸ਼ਾ ਵਿੱਚ ਇੱਕ ਕਦਮ ਹੋਵੇਗਾ।
ਪਰ ਹਰ ਕੋਈ ਇਹ ਨਹੀਂ ਮੰਨਦਾ ਕਿ ਵਧੇਰੇ ਜਨਤਕ ਛੁੱਟੀਆਂ ਇੱਕ ਚੰਗਾ ਕਦਮ ਹੋਵੇਗਾ।
ਐਡਵਿਨ ਟਾਊਨ, ਚਾਈਨੀਜ਼ ਐਸੋਸੀਏਸ਼ਨ ਆਫ ਵਿਕਟੋਰੀਆ ਦੇ ਪਬਲਿਕ ਰਿਲੇਸ਼ਨ ਅਫਸਰ ਹਨ ਅਤੇ ਇਹਨਾਂ ਦਾ ਕਹਿਣਾ ਹੈ ਕਿ ਇਹ ਉਹਨਾਂ ਭਾਈਚਾਰਿਆਂ ਨੂੰ ਭੜਕਾਏਗਾ ਜਿਹਨਾਂ ਦੀ ਜਨਤਕ ਛੁੱਟੀ ਦੇ ਨਾਲ ਨੁਮਾਇੰਦਗੀ ਨਹੀਂ ਹੁੰਦੀ ਅਤੇ ਇਹ ਭਾਈਚਾਰੇ ਵੀ ਪ੍ਰਸ਼ਨ ਕਰਨਗੇ ਕਿ ਸਾਨੂੰ ਕਿਉਂ ਸ਼ਾਮਲ ਨਹੀਂ ਕੀਤਾ ਗਿਆ?
