ਨੋਜਵਾਨਾਂ ਵਲੋਂ ਸਥਾਪਤ ਕੀਤਾ ਗਿਆ, ਨੋਜਵਾਨਾਂ ਵਲੋਂ ਜਾਰੀ ਰਖਿਆ ਜਾ ਰਿਹਾ ਅਤੇ ਨੋਜਵਾਨਾਂ ਲਈ ਹੀ ਕੰਮ ਕਰਨ ਵਾਲਾ ‘ਸੁਪਰ ਸਿਖਸ ਸਪੋਰਟਸ ਐਂਡ ਕਲਚਰ’, ਖੁਦ ਆਪ ਵੀ ਇਕ ਬਹੁਤ ਹੀ ਨੋਜਵਾਨ ਸੰਸਥਾ ਹੈ।
ਪੰਜਾਬੀ ਭਾਈਚਾਰੇ ਵਿਚ ਖੇਡਾਂ ਨੂੰ ਮਿਆਰੀ ਰੂਪ ਦੇਣ ਲਈ ਇਸ ਸੰਸਥਾ ਨੂੰ ਹਾਲੇ ਸੱਤ ਸਾਲ ਪਹਿਲਾਂ ਹੀ ਸਥਾਪਤ ਕੀਤਾ ਗਿਆ ਸੀ, ਤਾਂ ਕਿ ਹਰ ਵਰਗ ਦੀਆਂ ਖੇਡਾਂ, ਖਾਸ ਕਰਕੇ ਆਸਟ੍ਰੇਲੀਆ ਦੇ ਸਕੂਲਾਂ ਤੇ ਕਾਲਜਾਂ ਵਾਲੀਆਂ ਖੇਡਾਂ ਨੂੰ ਬਰਾਬਰਤਾ ਨਾਲ ਪ੍ਰਫੁਲਤ ਕੀਤਾ ਜਾ ਸਕੇ। ਇਸ ਸਾਲ ਦਾ ਆਪਣਾ ਸਲਾਨਾ ਖੇਡਾਂ ਦਾ ਟੂਰਨਾਮੈਂਟ ਮਿਤੀ 8 ਅਕਤੂਬਰ ਨੂੰ ਕਰਵਾਂਉਂਦੇ ਹੋਏ ਸੁਪਰ ਸਿਖਸ ਦੇ ਸਕੱਤਰ ਬਲਰਾਜ ਓਗਰਾ ਕਹਿੰਦੇ ਹਨ ਕਿ ਤਕਰੀਬਨ 500 ਦੇ ਕਰੀਬ ਖਿਡਾਰੀ, 9 ਪ੍ਰਕਾਰ ਦੀਆਂ ਖੇਡਾਂ ਵਿਚ ਭਾਗ ਲੈਣਗੇ।
ਇਹ ਖਾਸ ਧਿਆਨ ਰਖਿਆ ਗਿਆ ਹੈ ਕਿ ਸਾਰੀਆਂ ਹੀ ਖੇਡਾਂ ਵਿਚ ਔਰਤ ਖਿਡਾਰੀਆਂ ਨੂੰ ਉਚੇਚਾ ਤੋਰ ਤੇ ਉਤਸ਼ਾਹਿਤ ਕੀਤਾ ਜਾਵੇ।
Share
