ਕਰੋਨਾਵਾਇਰਸ ਕਾਰਨ ਲੱਗੀਆਂ ਬੰਦਿਸ਼ਾਂ ਦੌਰਾਨ ਜਦੋਂ ਮੈਲਬਰਨ ਨਿਵਾਸੀ 7-ਸਾਲਾ ਅਨਾਹਤ ਕੌਰ ਆਪਣੇ ਘਰ ਵਿੱਚ ਖਿਡੌਣਿਆਂ ਨੂੰ ਮਾਸਕ ਪਵਾਕੇ ਸਾਵਧਾਨੀਆਂ ਬਾਰੇ ਸਮਝਾ ਰਹੀ ਸੀ ਤਾਂ ਉਸ ਦੀ ਮਾਂ ਨੇ ਇਸ ਖੇਡ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ‘ਤੇ ਸਾਂਝੀ ਕਰ ਦਿੱਤੀ। ਮਿਲੇ ਹੁੰਗਾਰੇ ਤੋਂ ਪ੍ਰੇਰਤ ਹੋਕੇ ਹੁਣ ਇਹ ਸਾਰਾ ਪਰਿਵਾਰ ਹੀ ਸਿਹਤ, ਸਮਾਜਕ ਅਤੇ ਹੋਰਨਾਂ ਮਸਲਿਆਂ ਬਾਰੇ ਛੋਟੀਆਂ ਫਿਲਮਾਂ ਬਣਾਕੇ ਭਾਈਚਾਰੇ ਤੱਕ ਪਹੁੰਚ ਬਣਾ ਰਿਹਾ ਹੈ।
ਅਨਾਹਤ ਕੌਰ ਦੀ ਮਾਤਾ ਜਸਮੀਨ ਕੌਰ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਵਿੱਚ ਅਦਾਕਾਰੀ ਦਾ ਕੁਦਰਤੀ ਗੁਣ ਹੈ ਅਤੇ ਉਹ ਬਹੁਤ ਹੀ ਆਤਮ ਵਿਸ਼ਵਾਸ ਨਾਲ ਆਪਣੀ ਗੱਲ ਦੂਜਿਆਂ ਤੱਕ ਪਹੁੰਚਾਉਣ ਦੀ ਮੁਹਾਰਤ ਰੱਖਦੀ ਹੈ।
"ਮੇਰੇ ਪਤੀ ਨੂੰ ਵੀ ਵਿਡੀਓਜ਼ ਬਨਾਉਣ ਦਾ ਸ਼ੌਂਕ ਹੈ। ਅਤੇ ਅਸੀਂ ਆਪਣਾ ਇੱਕ ਚੈਨਲ ‘ਐਮ ਕਿਊਬ ਮੀਡੀਆ’ ਦੇ ਨਾਮ ਹੇਠ ਚਲਾ ਕੇ ਇਹਨਾਂ ਛੋਟੀਆਂ ਫਿਲਮਾਂ ਨੂੰ ਸਮਾਜ ਤੱਕ ਪਹੁੰਚਾਉਣ ਦਾ ਯਤਨ ਕਰ ਰਹੇ ਹਾਂ," ਜਸਮੀਨ ਨੇ ਦੱਸਿਆ।
ਆਪਣੀ ਬੱਚੀ ਦੇ ਹੁਨਰ ਨੂੰ ਵਰਤਦੇ ਹੋਏ ਇਹ ਪੰਜਾਬੀ ਪਰਿਵਾਰ ਹੁਣ ਛੋਟੀਆਂ ਫਿਲਮਾਂ ਬਣਾ ਕਿ ਸਮਾਜ ਨੂੰ ਸਿਹਤ, ਸਮਾਜਕ ਅਤੇ ਹੋਰਨਾਂ ਮਸਲਿਆਂ ਬਾਰੇ ਸੇਧ ਪ੍ਰਦਾਨ ਕਰਨ ਦੇ ਸੋਚ ਰੱਖਦਾ ਹੈ।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
Share
