ਆਸਟ੍ਰੇਲੀਆ ਦੇ ਸੁਪਰਮਾਰਕਿਟ ਦਿੱਗਜਾਂ ਵੱਲੋਂ ਕਥਿਤ ਤੌਰ 'ਤੇ ਦੇਸ਼ ਦੇ ਖਪਤਕਾਰ ਕਾਨੂੰਨ ਦੀ ਉਲੰਘਣਾ ਤੋਂ ਬਾਅਦ ਉਨ੍ਹਾਂ ਨੂੰ ਅਦਾਲਤ ਸਾਹਮਣੇ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਲਈ ਜੇਕਰ ਕੋਲਸ ਅਤੇ ਵੂਲਵਰਥਸ ਦੋਸ਼ੀ ਪਾਏ ਜਾਂਦੇ ਹਨ ਤਾਂ ਉਨ੍ਹਾਂ 'ਤੇ ਕਿਸ ਕਿਸਮ ਦੇ ਜੁਰਮਾਨੇ ਦੀ ਉਮੀਦ ਕੀਤੀ ਜਾ ਸਕਦੀ ਹੈ, ਅਤੇ ਵੱਡੀਆਂ ਕੰਪਨੀਆਂ ਨੂੰ ਜਵਾਬਦੇਹ ਬਣਾਉਣ ਵਿੱਚ ਖਪਤਕਾਰ ਕੀ ਭੂਮਿਕਾ ਨਿਭਾ ਸਕਦੇ ਹਨ? ਪੇਸ਼ ਹੈ ਖਾਸ ਰਿਪੋਰਟ...
ਵੱਡੇ ਲਾਲ ਅਤੇ ਪੀਲੇ ਸਟਿੱਕਰਾਂ ਰਾਹੀਂ... ਗਾਹਕਾਂ ਨੂੰ ਕਰਿਆਨੇ ਦੀਆਂ ਚੀਜ਼ਾਂ ਤੇ ਛੋਟਾਂ ਦੇ ਵਾਅਦੇ ਨਾਲ ਲੁਭਾਇਆ ਜਾ ਰਿਹਾ ਹੈ।
ਪਰ ਕੀ ਸੁਪਰਮਾਰਕਿਟ ਦਿੱਗਜ ਵੱਲੋਂ ਪ੍ਰਦਰਸ਼ਿਤ ਇਹ ਛੋਟਾਂ ਚੀਜ਼ਾਂ ਦੀਆਂ ਕੀਮਤਾਂ ਵਿੱਚ ਅਸਲ ਗਿਰਾਵਟ ਹੈ?
ਇਸ ਬਾਬਤ ਸੋਸ਼ਲ ਮੀਡੀਆ ਤੇ ਪਾਏ ਰੌਲੇ-ਰੱਪੇ ਤੋਂ ਬਾਅਦ, ਹੁਣ ਆਸਟ੍ਰੇਲੀਅਨ ਕੰਪੀਟੀਸ਼ਨ ਐਂਡ ਕੰਜ਼ਿਊਮਰ ਕਮਿਸ਼ਨ ਇਸ ਮੁੱਦੇ ਨੂੰ ਅਦਾਲਤ ਵਿੱਚ ਲਿਜਾ ਰਿਹਾ ਹੈ।
ਕੋਲਸ ਅਤੇ ਵੂਲਵਰਥਸ 'ਤੇ ਕ੍ਰਮਵਾਰ 15 ਅਤੇ 20 ਮਹੀਨਿਆਂ ਦੀ ਮਿਆਦ ਦੇ ਦੌਰਾਨ ਸੈਂਕੜੇ ਪ੍ਰਸਿੱਧ ਉਤਪਾਦਾਂ 'ਤੇ ਭਾਰੀ ਮਾਰਕੀਟਿੰਗ ਛੋਟਾਂ ਦੇ ਨਾਲ, ਆਸਟ੍ਰੇਲੀਅਨ ਉਪਭੋਗਤਾ ਕਾਨੂੰਨ ਦੀ ਉਲੰਘਣਾ ਕਰਨ ਦਾ ਦੋਸ਼ ਹੈ।
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਐਸ ਬੀ ਐਸ ਸਾਊਥ ਏਸ਼ੀਅਨ 'ਤੇ ਸੁਣੋ।
Share
