ਸਰਕਾਰ ਨੇ ਐਲਾਨਿਆ ਹੈ ਕਿ ਉਹ ਰੁਜ਼ਗਾਰ ਕਾਨੂੰਨ ਵਿੱਚ ਕੁੱਝ ਤਬਦੀਲੀਆਂ ਕਰਨਗੇ ਜਿਸ ਨਾਲ ਕੱਚੇ ਕਰਮਚਾਰੀ ਸੁਖਾਲੇ ਤਰੀਕੇ ਨਾਲ ਪੱਕੇ ਤੌਰ ਤੇ ਪੂਰਾ ਸਮਾਂ ਜਾਂ ਥੋੜਾ ਸਮਾਂ ਕੰਮ ਕਰ ਸਕਣਗੇ।
‘ਇੰਪਲੋਇਮਿੰਟ ਐਂਡ ਵਰਕ ਰਿਲੇਸ਼ਨਜ਼’ ਵਿਭਾਗ ਦੇ ਮਨਿਸਟਰ ਟੋਨੀ ਬਰਕ ਵਲੋਂ ਦੱਸਿਆ ਗਿਆ ਹੈ ਕਿ ਸਰਕਾਰ ਸੰਸਦ ਵਿਚ ਇਹ ਤਬਦੀਲਆਂ ਇਸ ਸਾਲ ਦੇ ਅਖੀਰ ਤੋਂ ਪਹਿਲਾਂ ਲਿਆਉਣ ਬਾਰੇ ਸੋਚ ਰਹੀ ਹੈ।
ਇਹ ਤਬਦੀਲੀਆਂ ਉਨ੍ਹਾਂ ਕਮੀਆਂ ਨੂੰ ਬੰਦ ਕਰ ਦੇਣਗੀਆਂ ਜੋ ਰੁਜ਼ਗਾਰਦਾਤਾਵਾਂ ਨੂੰ ਨੌਕਰੀ ਦੀ ਸੁਰੱਖਿਆ ਅਤੇ ਪੂਰਾ ਸਮਾਂ ਕੰਮ ਕਰਨ ਵੇਲੇ ਮਿਲਣ ਵਾਲੀ ਛੁੱਟੀ ਦਿੱਤੇ ਬਿਨਾਂ ਨਿਯਮਤ ਘੰਟੇ ਕੰਮ ਕਰਨ ਦੀ ਆਗਿਆ ਦਿੰਦੀਆਂ ਹਨ।
ਸ਼੍ਰੀ ਬਰਕ ਦਾ ਕਹਿਣਾ ਹੈ ਕਿ ਇਹਨਾਂ ਉਲੀਕੀਆਂ ਤਬਦੀਲੀਆਂ ਦੇ ਤਹਿਤ ਕੱਚੇ ਕਰਮਚਾਰੀ, ਜੋ ਪੱਕੇ ਕਰਮਚਾਰੀਆਂ ਜਿੰਨੇ ਘੰਟੇ ਕੰਮ ਕਰ ਰਹੇ ਹਨ, ਉਹ ਪੱਕੀ ਨੌਕਰੀ ਹਾਸਲ ਕਰ ਸਕਣਗੇ, ਪਰ ਉਹਨਾਂ ਨੂੰ ਲੰਘੇ ਸਮੇਂ ਦੀ ਤਨਖਾਹ ਨਹੀਂ ਮਿਲੇਗੀ।
ਇਸ ਬਾਰੇ ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਆਡੀਓ ਬਟਨ ‘ਤੇ ਕਲਿੱਕ ਕਰੋ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਸੁਣੋ ਤੇ ਸਾਨੂੰ ਫੇਸਬੁੱਕ ‘ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ।
