E pei ona lipotia atu i a tatou talafou, na maliliu ni tagata e ova i le toa 10 ma le toatele na manunua ina ua solia i se loli na ave e se tagata i se maketi i le taulaga o Berlin i Siamani.
E le o iloa poo ai na faia lenei osofaiga, e ui ua faailoa e le faalapotopotoga fouvale le I-SIS poo le daesh o i latou na faatonuina.
E le o iloa le moni o lenei faaaliga mai le ISIS ona soo se osofaiga lava i europa latou te fai o i latou na faatonuina.
Na taofia e leoleo se tagatanuu e Pakistan ma suesueina, ae ua toe tatala ona o le leai o ni molimau o lona faatupuina o le faalavelave.
Ua faia se lapataiga lautele i tagata o loo aumau i Berlin ina ia 'aua le tuua ai a latou feau masani ae maise tapenaga o le Kerisimasi ma aso malolo.
Peita'i ua fautuaina tagata ina ia faaeteete ae maise i nofoaga e tumutumu ai.
O le fautuaga foi lenei mai le minisita o le vaifafo i Ausetalia nei, Julie Bishop mo i latou e malaga i fafo e fai malologa i aso fiafia........
BISHOP
"Our travel advice for Germany was, in fact, updated on the 17th of December to warn people that Christmas markets and places of mass gatherings are vulnerable to attacks. And so we ask people to take care, to take the normal precautions, but, if they are visiting places like a Christmas market, to ensure that they have an exit plan worked out should there be a security incident of this type or worse."
Ae i Siamani na faia se sauniga faavauvau i se malumalu i Berlin...........
Na auai atu iai le taitai o le faigamalo i Siamani, Chancellor Angela Merkel ma na ia saunoa, poo ai na faatupuina lenei faalavelave, o le a sailia ma faasalaina.
Ma na ia faaigoaina o se osofaiga terorisi...........
MERKEL
"The perpetrators will be punished as hard as our laws will demand. We will have to assume now that this is a terror attack. I know that it would be very difficult to bear for us that a human being has perpetrated this deed who has sought and found protection in Germany."
O le tupu mai o le faalavelave lenei, ua tusilima ai nisi ia Angela Merkel ona o le faaiuga a lana faigamalo e tatala le avanoa i le ova i le toa 800 afe o tagata sulufa'i e aumau i Siamani.
Ina ua toe tatala le tagata Pakistani lea na masalomia, ua talia ai le minisita o mataupu i le lotoifale,Thomas de Maiziere, e tele le avanoa ua sao i fafo ma le atunuu le taata tonu na aveina le loli.
Ae mo le taimi nei, na saunoa le Komesina o leoleo i Berlin, Klaus Kandt o loo faa-auau a latou suesuega ma o le a siitia le tulaga i le puipuiga...
KANDT
"We will have stone barriers in various shapes to prevent this modus operandi to be repeated. We will have police with machine guns and with protective clothing."
