O le taimi muamua lenei ua matala mai ai nisi o faamatalaga ma molimau ua tele tausaga o tanu e le Ekalesia Katoliko Roma i Ausetalia nei i le mataupu i faiga solitulafono a patele, faifeau ma nisi o le aufaigaluega a le Ekalesia i tamaiti e auala i feusuaiga faamalosi ma isi auala saua ma mataga.
E le gata ia te i latou na faia nei sauaga i le fanau, ae o taitai o le Ekalesia i lo latou faalafi ma puipui i le aufaigaluega ma faia nei solitulafono, ona o le manumanu i le igoa ta'uleleia o le Ekalesia.
I se periota e 30 tausaga, e lata i le 4,500 tagi na faaulu e nisi e faasino i tuuaiga o faiga saua ma solitulafono a patele ma le aufaigaluega a le Ekalesia Katoliko i tamaiti.
I luma o le Komisi suesue, le Royal Commission into Institutional Responses to Child Sexual Abuse into the Catholic Church i Sini, na saunoa le loia o loo fesoasoani i le suesuega, Gail Furness, i le va o Ianuari 1980 ma Fepuari 2015, e 4,444 tagi na faaulu i faiga solitulafono a patele ma le aufaigaluega a le Ekalesia.
FURNESS
"Between January 1980 and February 2015, 4444 people alleged incidents of child sexual abuse made to 93 Catholic Church authorities."
E 'ova i le afe aulotu ma faalapotopotoga e pei o a'oga ma nofoaga tuma na tausi ai fanau e le Ekalesia na faia ai nei faiga solitulafono i tamaiti.
E le gata i patele ma le itupa o alii, ae na tuuaia foi nisi o le aufaigaluega tamaitai ma taupou sa i le faia o nei solitulafono.
FURNESS
"Of the 1880 identified alleged perpetrators, 597 or 32% were religious brothers, 572 or 30% were priests, 543 or 29% were lay people, and 96 or 5% were religious sisters. Of the alleged perpetrators, 90% were male and 10% were female."
O le isi vaega na iloa i le suesuega a le Komisi, o le 'umi o le va i le taimi na tupu ai se solitulafono ma le taimi na suesue ai - 33 tausaga.
O le ituaiga na sili ona taatele ai nei solitulafono, o le ituaiga le St John of God (40%), 20 per cent of Marist brothers and 22 per cent of Christian brothers.
Na tutulu le faatonu o le faalapotopotoga a le Ekalesia Katoliko, le Truth, Justice and Healing Council, Francis Sullivan, ma ia ta'utino e le'i faia le itute o le Ekalesia e pei ona iai i ana tala'iga, epuipuia ai le saogalemu o fanau na i lalo o lana vaaiga.
SULLIVAN
"The fact that child sex abuse has been perpetrated by those holding privileged positions within the church and the fact that many church leaders then compounded the damage in various ways including, in some cases, covering up the truth is a tragedy in itself."
"The data tells us that over the six decades over 1950-2010, some 1265 Catholic priests and religious... (chokes up) were the subject of a child sexual abuse claim is shocking, they are tragic and they are indefensible."
