Atonu o le Senate na fuafuaina e le palemia Malcolm Turnbull e faafaigofie ai ona pasia tulafono a lana faigamalo - lea na toe teuteuina ai le auala e palota ai le Senate - ua foliga mai ua toe utia ai lava le faigamalo a le soofaatsiga ma le palemia.
E toa 11 sui o le Senate e faaigoaina o crossbenches, poo sui tutoatasi ma sui o vaega faaupufai laiti - aofia ai sui fou mai le One Nation, Nick Xenophon Team ma le Justice Party.
O le tulaga faigata i le palemia ma lana faigamalo, ona e tatau ona palota atu le toa 9 o sui nei o le crossbench ina ia pasia ai tulafono a le malo i le Senate.
E tasi le sui faaopoopo na malo mai a le Labor lea ua 26 ai ona nofoa i le Senate, ae 9 nofoa a le Greens.
O le 11 i le crossbench, e aofai ai le toa 4 a le One Nation, le toa 3 a le Nick Xenophon Team, toatasi le Family First, tasi le Liberal Democrat ma le sui toatasi o Jacqui Lambie Network.
Mo le taimi muamua ua ulufale ai i upufai le alii lauiloa i f/lalauga, Derryn Hinch o le sui e toatasi o le Justice Party.
Na tuuaia e le taitai o le ituagai Bill Shorten le tulaga o le Senate i le paeaiga lenei i le palemia ma le Liberals, atoa ai le v/fai a le Greens....
SHORTEN
"Pauline Hanson's One Nation party appears to have four senators. They have four senators because because the Greens political party and Malcolm Turnbull changed the rules in the Senate and then Malcolm Turnbull called a double dissolution. The presence in such numbers of One Nation in the Senate is a direct result of Mr Turnbull and Mr (Greens leader Richard) Di Natale's actions, in terms of their so-called electoral reform."
