Na amata i le Aso 1 o Iulai (le Aso Sa na te'a nei) ona totogi taui mo tagata na sauaina e auala i le faia iai o feusua'iga faamalosi ma isi solitulafono i le taimi o laiti i lalo o le National Redress Scheme.
O le polokalame o taui na fautuaina e le Komisi Suesue, le Royal Commission into Institutional Responses to Child Sexual Abuse, ma e oo i le $150,000 taui mo nisi na sauaina e auala i le faia iai o feusua'iga faamalosi ma isi faiga mataga ma solitulafono i le taimi o laiti. Ua auai faatasi uma faigamalo Setete ma Teritori atoa ai Ekalesia i le National Redress Scheme, ma o le a taualuga i se faato'esega aloa'ia e fofogaina e le palemia Malcolm Turnbull i le masina o Oketopa.
Share
