Na faaauau ananafi felafolafoa'iga i le Senate i le teuteuga o le tulafono e tuuina ai le pule poo le aia i le minisita o femalagaiga na te soloia ai pe taofia se Visa o se tagata ona o manatu ma uiga faaalia o lea tagata - i le teuteuga tau faaofi o loo faaigoaina o character concerns.
O loo tetee le Greens i le teuteuga ona o le a tele le pule e tuuina i le minisita e aunoa ma se siaki e faapaleni ai ne'i soona faaoga e le minisita lana aia i lalo o le teuteuga.
Na saunoa Senator Nick McKim o le Greens, o se faiga le fetaui ma tu ma aga le faasalaina o se tagata ona o se mea na te ono faia i le lumana'i e pei ona iai nei i nisi o tulafono.
