I se lipoti a le faalapotopotoga le Australian Council of Social Service o loo ta'ua ai le alu i luga o le aofai o tagata i le atunuu o loo aaifa i le mativa ma le le tagolima.
O le popolega o le ACOSS, ona o aafiaga o le mativa i le fanau.
O loo fautuaina e lea faalapotopotoga le malo tele ina ia toe iloilo lana faaiuga e tipi fesoasoani ma penefiti i nisi o aiga.
O le tamaitai o Jessica Russell o se tina e leai sona toalua ae o loo ia tausia na o ia lana fanau tama e to'a 2 e i lalo ifo o le tai 3 tausaga le matutua.
Na ia faaalia e uma ona totogi pili ua toe $50 e totoe seia oo i le isi penefiti.
RUSSELL
"I pay weekly rent, and then I have my mobile phone bill - my mobile phone bill - and then there's food for the boys, plus nappies, plus the essential every-day life things that we need. And then there's child-care for Ryan, and car maintenance. That's just ridiculous. So, after all that I'm probably left with $50 at least in my bank to get us through to my next pay. Which is not good, not good."
O le tina o Jessica Russell e i le vaega o le 3 miliona tagata i Ausetalia nei o loo ola i lalo o le laina o le mativa poo le poverty line.
Mo se tagata matua, e faatusa lea i le $426 vaiaso.
Mo se ulugalii ma se fanau e toa 2, e faatusa i le $900 i le vaiaso.
Na saunoa Dr Cassandra Goldie le faatonu sili o le ACOSS o se mea e tatau ona popole iai le malosi o le atinae o le tamaoaiga o le atunuu i tausaga e tele ua mavae, ae o lea lava e iai le toatele i se tulaga mativa ma le tagolima....
GOLDIE
"As a nation, despite 25 consecutive years of economic growth, we have barely touched the sides in being able to reduce the level of poverty in Australia."
Na faaalia i le lipoti e ova i le 730 afe tamaiti, poo le 17% o tamaiti uma i le atunuu, o loo ola i aiga i lalo o le pverty line, le laina o le mativa.
