Ua tauaao ia Bob Dylan le faailoga taualoa le Nobel Prize for Literature.
O ia le tagata fatu pese muamua ua tauaaoina iai le Nobel Prize for Literature - e masani na o tagata tusitala iloga.
Masalo o i matou ia e fiafia e pese ma fatuga mai le 1960 ma le 1970 e masani tele i upu ma fati a Bob Dylan............
E le gata i fati, ae o upu o ana pese na faaalia ai manatu o tagata fia saoloto ma tetee i tulafono faia faamalosi ma saua - le faamalosi ona ave tupulaga i taua, aia tatau a tagata uma...
O le upu Literature, e pei e faamamafa pe mafuli i galuega faatusi tala - tusitala fatu e pei o Shakespeare, poo William Golding na tusia le Lord of the Flies, lea na manumalo ai le Nobel Peace Prize for Literature.
Ae le'i tauaaoina lava le Nobel i se tagata fatu pese.
Na saunoa Sara Danius o le Nobel, o le filifila o Dylan na faavae i luga o upu o ana pese poo ni solo, ni poems...
DANIUS
"He is a great poet. He is a great poet in the English-speaking tradition, and he is a wonderful sampler, a very original sampler. He embodies the tradition, and, for 54 years now, he has been at it, and reinventing himself constantly, reinventing himself, creating a new identity."
Ua 115 tausaga o tauaaoina le Nobel Peace Prize for Literature, ma o le taimi muamua lenei ua tofia ai se tagata fatu pese.
O le a tuu faatasi ai le igoa o Bob Dylan ma tagata tusitala taualoa e pei o Ernest Hemingway, John Steinbeck ma Jean-Paul Sartre.
