Ua toe valaauina e le Komisi o Aia Tatau a tagata, le Australian Human Rights Commission le tatau i atunuu uma o le lalolagi ona soloia le faasalaga i le oti.
Na faia lenei valaau i le vaiaso talu ai, ina ua faamanatuina le atoaga o le 50 tausaga talu ona fasiotia i lalo o se faai'uga a le faamasinoga le alii o Ronald Ryan.
O ia le tagata mulimuli na faaoo iai le faaslaga i le oti e auala i le sisiina (se'i tulou) i Ausetalia nei.
O le Aso 3 o Fepuari 1967, na faataunuuina ai le faaslaga i le oti ia Ronald Ryan.
O Ryan na tuli sona faasalaga i le fale puipui i Pentridge Prison i Melbourne, ae o sana taumafaiga e sola mai le fale puipui, na ia fasiotia ai se leoleo e suafa ia George Hodson.
Ina ua aumaia le faai'uga a le faamasinoga ma faatunuuina le faasalaga i le oti e auala i le sisiina o Ronald Ryan, na molimauina le tetele o le tetee i le atunuu i le faasalaga.
Na saunoa Peter Norden o le faalapotopotoga, le World Coalition against the Death Penalty, ua 50 tausaga talu ona faia le faasalaga ia Ronald Ryan, ae le o uma ai le ootia ma le tiga i lona aiga..
f3067a NORDEN 16s
"I've seen the impact on the family of Ronald Ryan. His daughters didn't attend the vigil (fri). They're very supportive of the different ways in which the execution is being commemorated, but they're sharing their thoughts privately."
Faato'a soloia i tulafono i New South Wales le faaslaga i le oti i le 1985.
O Samoa na faatoa soloia i le senituri lenei 21.
Peita'i o loo tumau pea ona faatinoina faasalaga i le oti i isi atunuu o le lalolagi.
I le 50 tausaga talu ona fasiotia Ryan i le faaiuga a le faamasinoga iinei, ua toa 6 isi tagatanuu Ausetalia ua fasiotia i faaslaga i le oti i isi atunuu i fafo.
I le 2 tausaga talu ai, na fasiotia ai i Indonesia Myuran Sukumaran ma Andrew Chan i solitulafono o vailaau faasaina.
E ui i le tele o aioiga ma tatalo i le peresitene o Indonesia, ae na faataunuu lava le faasalaga.
I le 12 tausaga talu ai, na faaslaaina ai i le oti Van Nguyen, o se alii mai Vitoria na maua o ia umia vailaau faasaina i le malae vaalele i Singapore.
O le loia na tula'i mo Van Ngyuen, na tulai foi mo Myuran Sukumaran ma Andrew Chan, o Julian McMahon, ma na ia faaalia le saua ma le tala feagai ma talitonuga faaonapo nei o le faaslaga i le oti.
McMAHON
"I was in prison when Van Nguyen was executed, and I was down the road when Andrew Chan and Myuran Sukumaran were executed, and six other people. Each of those experiences was brutal in its own way."
