After a lengthy ICAC investigation and trial, Eddie Obeid, the man who once held the reigns to higher offices of past Labor governments in NSW has been sentenced to 5 years in prison.
Ua faasalaina i le fale puipui mo le 3 tausaga se tasi na avea ma minisita o le Kapeneta a le Labor i le malo Setete o New South Wales, Eddie Obeid,.
O le a fai Kerisimasi i le fale puipui Eddie Obeid ina ua aumaia le faai'uga a le faamasinoga maualuga i le Aso Tofi o le vaiaso talu ai.
O Obeid ua 73 tausaga lona matua, ma na faasalaina i le solitulafono o le faiga le faamaoni ae o ia tauavea se tofiga o le malo.
Na faaogaina e Eddie Obeid lona tulaga o se sui o le palemene e tulei ai se tagata faigaluega i le ofoina atu o lisi i fanua o loo iai ni faleaiga i Circular Quay, le vaega o le gataifale o Sini lea e iai le Opera House.
Na te le'i faailoaina i le taimi na ia faia ai lenei feutaga'iga, o ia ma lona aiga e umia le tele o sea i ni fale 'aiga se 2 i fanua o loo iai le lisi.
Ina ua aumaia lana faai'uga, na saunoa le faamasino Justice Robert Beech-Jones, e taua tele ona avatu i le tagata lautele le fe'au e le taliaina faiga le amiotonu ma solitulafono e i latou o loo umia tofi i le malo ma le palemene.
BEECH-JONES
"Corruption by elected representatives consumes democracies. It destroys public confidence in democratic institutions it opens up consideration of alternative modes of government especially those that offer an illusion of stability and order. "
E aumaia le faaiuga lenei ina ua tele tausaga o faia suesuega a le ICAC, le Independent Commission Against Corruption, i solitulafono a Eddie Obeid ae o avea ma sui o le palemene i NSW.
